ஶ்ரீ மஹாதேவ ஸ்தோத்ரம் PDF தமிழ்

ஶ்ரீ மஹாதேவ ஸ்தோத்ரம் தமிழ் Lyrics

|| ஶ்ரீ மஹாதேவ ஸ்தோத்ரம் ||

ப்³ருஹஸ்பதிருவாச ।
ஜய தே³வ பராநந்த³ ஜய சித்ஸத்யவிக்³ரஹ ।
ஜய ஸம்ஸாரளோகக்⁴ந ஜய பாபஹர ப்ரபோ⁴ ॥ 1 ॥

ஜய பூர்ணமஹாதே³வ ஜய தே³வாரிமர்த³ந ।
ஜய கல்யாண தே³வேஶ ஜய த்ரிபுரமர்த³ந ॥ 2 ॥

ஜயா(அ)ஹங்காரஶத்ருக்⁴ந ஜய மாயாவிஷாபஹா ।
ஜய வேதா³ந்தஸம்வேத்³ய ஜய வாசாமகோ³சரா ॥ 3 ॥

ஜய ராக³ஹர ஶ்ரேஷ்ட² ஜய வித்³வேஷஹராக்³ரஜ ।
ஜய ஸாம்ப³ ஸதா³சார ஜய தே³வஸமாஹித ॥ 4 ॥

ஜய ப்³ரஹ்மாதி³பி⁴꞉ பூஜ்ய ஜய விஷ்ணோ꞉ பராம்ருத ।
ஜய வித்³யா மஹேஶாந ஜய வித்³யாப்ரதா³நிஶம் ॥ 5 ॥

ஜய ஸர்வாங்க³ஸம்பூர்ண நாகா³ப⁴ரணபூ⁴ஷண ।
ஜய ப்³ரஹ்மவிதா³ம்ப்ராப்ய ஜய போ⁴கா³பவர்க³த³꞉ ॥ 6 ॥

ஜய காமஹர ப்ராஜ்ஞ ஜய காருண்யவிக்³ரஹ ।
ஜய ப⁴ஸ்மமஹாதே³வ ஜய ப⁴ஸ்மாவகு³ண்டி²த꞉ ॥ 7 ॥

ஜய ப⁴ஸ்மரதாநாம் து பாஶப⁴ங்க³பராயண ।
ஜய ஹ்ருத்பங்கஜே நித்யம் யதிபி⁴꞉ பூஜ்யவிக்³ரஹ꞉ ॥ 8 ॥

ஶ்ரீஸூத உவாச ।
இதி ஸ்துத்வா மஹாதே³வம் ப்ரணிபத்ய ப்³ருஹஸ்பதி꞉ ।
க்ருதார்த²꞉ க்லேஶநிர்முக்தோ ப⁴க்த்யா பரவஶோ ப⁴வேத் ॥ 9 ॥

ய இத³ம் பட²தே நித்யம் ஸந்த்⁴யயோருப⁴யோரபி ।
ப⁴க்திபாரங்க³தோ பூ⁴த்வா பரம்ப்³ரஹ்மாதி⁴க³ச்ச²தி ॥ 10 ॥

க³ங்கா³ ப்ரவாஹவத்தஸ்ய வாக்³விபூ⁴திர்விஜ்ரும்ப⁴தே ।
ப்³ருஹஸ்பதி ஸமோ பு³த்³த்⁴யா கு³ருப⁴க்த்யா மயா ஸம꞉ ॥ 11 ॥

புத்ரார்தீ² லப⁴தே புத்ராந் கந்யார்தீ² கந்யகாமிமாத் ।
ப்³ரஹ்மவர்சஸகாமஸ்து ததா³ப்நோதி ந ஸம்ஶய꞉ ॥ 12 ॥

தஸ்மாத்³ப⁴வத்³பி⁴ர்முநய꞉ ஸந்த்⁴யயோருப⁴யோரபி ।
ஜப்யம் ஸ்தோத்ரமித³ம் புண்யம் தே³வதே³வஸ்ய ப⁴க்தித꞉ ॥ 13 ॥

இதி ஶ்ரீ மஹாதே³வ ஸ்தோத்ரம் ॥