ಶ್ರೀ ಮಹಾಲಕ್ಷ್ಮೀ ಸ್ತುತಿಃ PDF ಕನ್ನಡ

ಶ್ರೀ ಮಹಾಲಕ್ಷ್ಮೀ ಸ್ತುತಿಃ ಕನ್ನಡ Lyrics

|| ಶ್ರೀ ಮಹಾಲಕ್ಷ್ಮೀ ಸ್ತುತಿಃ ||

ಆದಿಲಕ್ಷ್ಮಿ ನಮಸ್ತೇಽಸ್ತು ಪರಬ್ರಹ್ಮಸ್ವರೂಪಿಣಿ |
ಯಶೋ ದೇಹಿ ಧನಂ ದೇಹಿ ಸರ್ವಕಾಮಾಂಶ್ಚ ದೇಹಿ ಮೇ || ೧ ||

ಸಂತಾನಲಕ್ಷ್ಮಿ ನಮಸ್ತೇಽಸ್ತು ಪುತ್ರಪೌತ್ರಪ್ರದಾಯಿನಿ |
ಪುತ್ರಾನ್ ದೇಹಿ ಧನಂ ದೇಹಿ ಸರ್ವಕಾಮಾಂಶ್ಚ ದೇಹಿ ಮೇ || ೨ ||

ವಿದ್ಯಾಲಕ್ಷ್ಮಿ ನಮಸ್ತೇಽಸ್ತು ಬ್ರಹ್ಮವಿದ್ಯಾಸ್ವರೂಪಿಣಿ |
ವಿದ್ಯಾಂ ದೇಹಿ ಕಳಾನ್ ದೇಹಿ ಸರ್ವಕಾಮಾಂಶ್ಚ ದೇಹಿ ಮೇ || ೩ ||

ಧನಲಕ್ಷ್ಮಿ ನಮಸ್ತೇಽಸ್ತು ಸರ್ವದಾರಿದ್ರ್ಯನಾಶಿನಿ |
ಧನಂ ದೇಹಿ ಶ್ರಿಯಂ ದೇಹಿ ಸರ್ವಕಾಮಾಂಶ್ಚ ದೇಹಿ ಮೇ || ೪ ||

ಧಾನ್ಯಲಕ್ಷ್ಮಿ ನಮಸ್ತೇಽಸ್ತು ಸರ್ವಾಭರಣಭೂಷಿತೇ |
ಧಾನ್ಯಂ ದೇಹಿ ಧನಂ ದೇಹಿ ಸರ್ವಕಾಮಾಂಶ್ಚ ದೇಹಿ ಮೇ || ೫ ||

ಮೇಧಾಲಕ್ಷ್ಮಿ ನಮಸ್ತೇಽಸ್ತು ಕಲಿಕಲ್ಮಷನಾಶಿನಿ |
ಪ್ರಜ್ಞಾಂ ದೇಹಿ ಶ್ರಿಯಂ ದೇಹಿ ಸರ್ವಕಾಮಾಂಶ್ಚ ದೇಹಿ ಮೇ || ೬ ||

ಗಜಲಕ್ಷ್ಮಿ ನಮಸ್ತೇಽಸ್ತು ಸರ್ವದೇವಸ್ವರೂಪಿಣಿ |
ಅಶ್ವಾಂಶ್ಚ ಗೋಕುಲಂ ದೇಹಿ ಸರ್ವಕಾಮಾಂಶ್ಚ ದೇಹಿ ಮೇ || ೭ ||

ವೀರಲಕ್ಷ್ಮಿ ನಮಸ್ತೇಽಸ್ತು ಪರಾಶಕ್ತಿಸ್ವರೂಪಿಣಿ |
ವೀರ್ಯಂ ದೇಹಿ ಬಲಂ ದೇಹಿ ಸರ್ವಕಾಮಾಂಶ್ಚ ದೇಹಿ ಮೇ || ೮ ||

ಜಯಲಕ್ಷ್ಮಿ ನಮಸ್ತೇಽಸ್ತು ಸರ್ವಕಾರ್ಯಜಯಪ್ರದೇ |
ಜಯಂ ದೇಹಿ ಶುಭಂ ದೇಹಿ ಸರ್ವಕಾಮಾಂಶ್ಚ ದೇಹಿ ಮೇ || ೯ ||

ಭಾಗ್ಯಲಕ್ಷ್ಮಿ ನಮಸ್ತೇಽಸ್ತು ಸೌಮಾಂಗಳ್ಯವಿವರ್ಧಿನಿ |
ಭಾಗ್ಯಂ ದೇಹಿ ಶ್ರಿಯಂ ದೇಹಿ ಸರ್ವಕಾಮಾಂಶ್ಚ ದೇಹಿ ಮೇ || ೧೦ ||

ಕೀರ್ತಿಲಕ್ಷ್ಮಿ ನಮಸ್ತೇಽಸ್ತು ವಿಷ್ಣುವಕ್ಷಃಸ್ಥಲಸ್ಥಿತೇ |
ಕೀರ್ತಿಂ ದೇಹಿ ಶ್ರಿಯಂ ದೇಹಿ ಸರ್ವಕಾಮಾಂಶ್ಚ ದೇಹಿ ಮೇ || ೧೧ ||

ಆರೋಗ್ಯಲಕ್ಷ್ಮಿ ನಮಸ್ತೇಽಸ್ತು ಸರ್ವರೋಗನಿವಾರಣಿ |
ಆಯುರ್ದೇಹಿ ಶ್ರಿಯಂ ದೇಹಿ ಸರ್ವಕಾಮಾಂಶ್ಚ ದೇಹಿ ಮೇ || ೧೨ ||

ಸಿದ್ಧಲಕ್ಷ್ಮಿ ನಮಸ್ತೇಽಸ್ತು ಸರ್ವಸಿದ್ಧಿಪ್ರದಾಯಿನಿ |
ಸಿದ್ಧಿಂ ದೇಹಿ ಶ್ರಿಯಂ ದೇಹಿ ಸರ್ವಕಾಮಾಂಶ್ಚ ದೇಹಿ ಮೇ || ೧೩ ||

ಸೌಂದರ್ಯಲಕ್ಷ್ಮಿ ನಮಸ್ತೇಽಸ್ತು ಸರ್ವಾಲಂಕಾರಶೋಭಿತೇ |
ರೂಪಂ ದೇಹಿ ಶ್ರಿಯಂ ದೇಹಿ ಸರ್ವಕಾಮಾಂಶ್ಚ ದೇಹಿ ಮೇ || ೧೪ ||

ಸಾಮ್ರಾಜ್ಯಲಕ್ಷ್ಮಿ ನಮಸ್ತೇಽಸ್ತು ಭುಕ್ತಿಮುಕ್ತಿಪ್ರದಾಯಿನಿ |
ಮೋಕ್ಷಂ ದೇಹಿ ಶ್ರಿಯಂ ದೇಹಿ ಸರ್ವಕಾಮಾಂಶ್ಚ ದೇಹಿ ಮೇ || ೧೫ ||

ಮಂಗಳೇ ಮಂಗಳಾಧಾರೇ ಮಾಂಗಳ್ಯೇ ಮಂಗಳಪ್ರದೇ |
ಮಂಗಳಾರ್ಥಂ ಮಂಗಳೇಶಿ ಮಾಂಗಳ್ಯಂ ದೇಹಿ ಮೇ ಸದಾ || ೧೬ ||

ಸರ್ವಮಂಗಳಮಾಂಗಳ್ಯೇ ಶಿವೇ ಸರ್ವಾರ್ಥಸಾಧಿಕೇ |
ಶರಣ್ಯೇ ತ್ರ್ಯಂಬಕೇ ದೇವಿ ನಾರಾಯಣಿ ನಮೋಽಸ್ತು ತೇ || ೧೭ ||

ಶುಭಂ ಭವತು ಕಳ್ಯಾಣೀ ಆಯುರಾರೋಗ್ಯಸಂಪದಾಮ್ |
ಮಮ ಶತ್ರುವಿನಾಶಾಯ ದೀಪಲಕ್ಷ್ಮಿ ನಮೋಽಸ್ತು ತೇ || ೧೮ || [ಜ್ಯೋತಿ]

|| ಇತಿ ಶ್ರೀ ಮಹಾಲಕ್ಷ್ಮೀ ಸ್ತುತಿಃ ||