ஶ்ரீ மாதங்கீ³ கவசம் (ஸுமுகீ² கவசம்) PDF தமிழ்

ஶ்ரீ மாதங்கீ³ கவசம் (ஸுமுகீ² கவசம்) தமிழ் Lyrics

|| ஶ்ரீ மாதங்கீ³ கவசம் (ஸுமுகீ² கவசம்) ||

ஶ்ரீபார்வத்யுவாச ।
தே³வதே³வ மஹாதே³வ ஸ்ருஷ்டிஸம்ஹாரகாரக ।
மாதங்க்³யா꞉ கவசம் ப்³ரூஹி யதி³ ஸ்நேஹோ(அ)ஸ்தி தே மயி ॥ 1 ॥

ஶிவ உவாச ।
அத்யந்தகோ³பநம் கு³ஹ்யம் கவசம் ஸர்வகாமத³ம் ।
தவ ப்ரீத்யா மயா(ஆ)க்²யாதம் நாந்யேஷு கத்²யதே ஶுபே⁴ ॥ 2 ॥

ஶபத²ம் குரு மே தே³வி யதி³ கிஞ்சித்ப்ரகாஶஸே ।
அநயா ஸத்³ருஶீ வித்³யா ந பூ⁴தா ந ப⁴விஷ்யதி ॥ 3 ॥

த்⁴யாநம் ।
ஶவாஸநாம் ரக்தவஸ்த்ராம் யுவதீம் ஸர்வஸித்³தி⁴தா³ம் ।
ஏவம் த்⁴யாத்வா மஹாதே³வீம் படே²த்கவசமுத்தமம் ॥ 4 ॥

கவசம் ।
உச்சி²ஷ்டம் ரக்ஷது ஶிர꞉ ஶிகா²ம் சண்டா³லிநீ தத꞉ ।
ஸுமுகீ² கவசம் ரக்ஷேத்³தே³வீ ரக்ஷது சக்ஷுஷீ ॥ 5 ॥

மஹாபிஶாசிநீ பாயாந்நாஸிகாம் ஹ்ரீம் ஸதா³(அ)வது ।
ட²꞉ பாது கண்ட²தே³ஶம் மே ட²꞉ பாது ஹ்ருத³யம் ததா² ॥ 6 ॥

டோ² பு⁴ஜௌ பா³ஹுமூலே ச ஸதா³ ரக்ஷது சண்டி³கா ।
ஐம் ச ரக்ஷது பாதௌ³ மே ஸௌ꞉ குக்ஷிம் ஸர்வத꞉ ஶிவா ॥ 7 ॥

ஐம் ஹ்ரீம் கடிதே³ஶம் ச ஆம் ஹ்ரீம் ஸந்தி⁴ஷு ஸர்வதா³ ।
ஜ்யேஷ்ட²மாதங்க்³யங்கு³ளீர்மே அங்கு³ல்யக்³ரே நமாமி ச ॥ 8 ॥

உச்சி²ஷ்டசாண்டா³லி மாம் பாது த்ரைலோக்யஸ்ய வஶங்கரீ ।
ஶிவே ஸ்வாஹா ஶரீரம் மே ஸர்வஸௌபா⁴க்³யதா³யிநீ ॥ 9 ॥

உச்சி²ஷ்டசாண்டா³லி மாதங்கி³ ஸர்வவஶங்கரி நம꞉ ।
ஸ்வாஹா ஸ்தநத்³வயம் பாது ஸர்வஶத்ருவிநாஶிநீ ॥ 10 ॥

அத்யந்தகோ³பநம் தே³வி தே³வைரபி ஸுது³ர்லப⁴ம் ।
ப்⁴ரஷ்டேப்⁴ய꞉ ஸாத⁴கேப்⁴யோ(அ)பி த்³ரஷ்டவ்யம் ந கதா³சந ॥ 11 ॥

த³த்தேந ஸித்³தி⁴ஹாநி꞉ ஸ்யாத்ஸர்வதா² ந ப்ரகாஶ்யதாம் ।
உச்சி²ஷ்டேந ப³லிம் த³த்வா ஶநௌ வா மங்க³ளே நிஶி ॥ 12 ॥

ரஜஸ்வலாப⁴க³ம் ஸ்ப்ருஷ்ட்வா ஜபேந்மந்த்ரம் ச ஸாத⁴க꞉ ।
ரஜஸ்வலாயா வஸ்த்ரேண ஹோமம் குர்யாத்ஸதா³ ஸுதீ⁴꞉ ॥ 13 ॥

ஸித்³த⁴வித்³யா இதோ நாஸ்தி நியமோ நாஸ்தி கஶ்சந ।
அஷ்டஸஹஸ்ரம் ஜபேந்மந்த்ரம் த³ஶாம்ஶம் ஹவநாதி³கம் ॥ 14 ॥

பூ⁴ர்ஜபத்ரே லிகி²த்வா ச ரக்தஸூத்ரேண வேஷ்டயேத் ।
ப்ராணப்ரதிஷ்டா²மந்த்ரேண ஜீவந்யாஸம் ஸமாசரேத் ॥ 15 ॥

ஸ்வர்ணமத்⁴யே து ஸம்ஸ்தா²ப்ய தா⁴ரயேத்³த³க்ஷிணே கரே ।
ஸர்வஸித்³தி⁴ர்ப⁴வேத்தஸ்ய அசிராத்புத்ரவாந்ப⁴வேத் ॥ 16 ॥

ஸ்த்ரீபி⁴ர்வாமகரே தா⁴ர்யம் ப³ஹுபுத்ரா ப⁴வேத்ததா³ ।
வந்த்⁴யா வா காகவந்த்⁴யா வா ம்ருதவத்ஸா ச ஸாங்க³நா ॥ 17 ॥

ஜீவத்³வத்ஸா ப⁴வேத்ஸாபி ஸம்ருத்³தி⁴ர்ப⁴வதி த்⁴ருவம் ।
ஶக்திபூஜாம் ஸதா³ குர்யாச்சி²வாப³லிம் ப்ரதா³பயேத் ॥ 18 ॥

இத³ம் கவசமஜ்ஞாத்வா மாதங்கீ³ யோ ஜபேத்ஸதா³ ।
தஸ்ய ஸித்³தி⁴ர்ந ப⁴வதி புரஶ்சரணலக்ஷத꞉ ॥ 19 ॥

இதி ஶ்ரீருத்³ரயாமளதந்த்ரே மாதங்கீ³ ஸுமுகீ² கவசம் ।