శ్రీ మాతంగీ స్తోత్రం – ౩ PDF తెలుగు

శ్రీ మాతంగీ స్తోత్రం – ౩ తెలుగు Lyrics

|| శ్రీ మాతంగీ స్తోత్రం – ౩ ||

నమామి వరదాం దేవీం సుముఖీం సర్వసిద్ధిదామ్ |
సూర్యకోటినిభాం దేవీం వహ్నిరూపాం వ్యవస్థితామ్ || ౧ ||

రక్తవస్త్ర నితంబాం చ రక్తమాల్యోపశోభితామ్ |
గుంజాహారస్తనాఢ్యాంతాం పరం జ్యోతి స్వరూపిణీమ్ || ౨ ||

మారణం మోహనం వశ్యం స్తంభనాకర్షదాయినీ |
ముండకర్త్రిం శరావామాం పరం జ్యోతి స్వరూపిణీమ్ || ౩ ||

స్వయంభుకుసుమప్రీతాం ఋతుయోనినివాసినీమ్ |
శవస్థాం స్మేరవదనాం పరం జ్యోతి స్వరూపిణీమ్ || ౪ ||

రజస్వలా భవేన్నిత్యం పూజేష్టఫలదాయినీ |
మద్యప్రియం రతిమయీం పరం జ్యోతి స్వరూపిణీమ్ || ౫ ||

శివ విష్ణు విరంచినాం సాద్యాం బుద్ధిప్రదాయినీమ్ |
అసాధ్యం సాధినీం నిత్యాం పరం జ్యోతి స్వరూపిణీమ్ || ౬ ||

రాత్రౌ పూజా బలియుతాం గోమాంస రుధిరప్రియామ్ |
నానాలంకారిణీం రౌద్రీం పిశాచగణసేవితామ్ || ౭ ||

ఇత్యష్టకం పఠేద్యస్తు ధ్యానరూపాం ప్రసన్నధీః |
శివరాత్రౌ వ్రతేరాత్రౌ వారూణీ దివసేఽపివా || ౮ ||

పౌర్ణమాస్యామమావస్యాం శనిభౌమదినే తథా |
సతతం వా పఠేద్యస్తు తస్య సిద్ధి పదే పదే || ౯ ||

ఇతి ఏకజటా కల్పలతికా శివదీక్షాయాంతర్గతం శ్రీ మాతంగీ స్తోత్రమ్ ||