ಶ್ರೀ ರಾಧಾಕೃಷ್ಣ ಸ್ತೋತ್ರಂ (ಗಂಧರ್ವ ಕೃತಂ) PDF ಕನ್ನಡ

ಶ್ರೀ ರಾಧಾಕೃಷ್ಣ ಸ್ತೋತ್ರಂ (ಗಂಧರ್ವ ಕೃತಂ) ಕನ್ನಡ Lyrics

|| ಶ್ರೀ ರಾಧಾಕೃಷ್ಣ ಸ್ತೋತ್ರಂ (ಗಂಧರ್ವ ಕೃತಂ) ||

ವಂದೇ ನವಘನಶ್ಯಾಮಂ ಪೀತಕೌಶೇಯವಾಸಸಮ್ |
ಸಾನಂದಂ ಸುಂದರಂ ಶುದ್ಧಂ ಶ್ರೀಕೃಷ್ಣಂ ಪ್ರಕೃತೇಃ ಪರಮ್ || ೧ ||

ರಾಧೇಶಂ ರಾಧಿಕಾಪ್ರಾಣವಲ್ಲಭಂ ವಲ್ಲವೀಸುತಮ್ |
ರಾಧಾಸೇವಿತಪಾದಾಬ್ಜಂ ರಾಧಾವಕ್ಷಃಸ್ಥಲಸ್ಥಿತಮ್ || ೨ ||

ರಾಧಾನುಗಂ ರಾಧಿಕೇಷ್ಟಂ ರಾಧಾಪಹೃತಮಾನಸಮ್ |
ರಾಧಾಧಾರಂ ಭವಾಧಾರಂ ಸರ್ವಾಧಾರಂ ನಮಾಮಿ ತಮ್ || ೩ ||

ರಾಧಾಹೃತ್ಪದ್ಮಮಧ್ಯೇ ಚ ವಸಂತಂ ಸತತಂ ಶುಭಮ್ |
ರಾಧಾಸಹಚರಂ ಶಶ್ವದ್ರಾಧಾಜ್ಞಾಪರಿಪಾಲಕಮ್ || ೪ ||

ಧ್ಯಾಯಂತೇ ಯೋಗಿನೋ ಯೋಗಾನ್ ಸಿದ್ಧಾಃ ಸಿದ್ಧೇಶ್ವರಾಶ್ಚ ಯಮ್ |
ತಂ ಧ್ಯಾಯೇತ್ ಸತತಂ ಶುದ್ಧಂ ಭಗವಂತಂ ಸನಾತನಮ್ || ೫ ||

ಸೇವಂತೇ ಸತತಂ ಸಂತೋಽಶೇಷಬ್ರಹ್ಮೇಶಸಂಜ್ಞಿಕಾಃ |
ಸೇವಂತೇ ನಿರ್ಗುಣಂ ಬ್ರಹ್ಮ ಭಗವಂತಂ ಸನಾತನಮ್ || ೬ ||

ನಿರ್ಲಿಪ್ತಂ ಚ ನಿರೀಹಂ ಚ ಪರಮಾತ್ಮಾನಮೀಶ್ವರಮ್ |
ನಿತ್ಯಂ ಸತ್ಯಂ ಚ ಪರಮಂ ಭಗವಂತಂ ಸನಾತನಮ್ || ೭ ||

ಯಂ ಸೃಷ್ಟೇರಾದಿಭೂತಂ ಚ ಸರ್ವಬೀಜಂ ಪರಾತ್ಪರಮ್ |
ಯೋಗಿನಸ್ತಂ ಪ್ರಪದ್ಯಂತೇ ಭಗವಂತಂ ಸನಾತನಮ್ || ೮ ||

ಬೀಜಂ ನಾನಾವತಾರಾಣಾಂ ಸರ್ವಕಾರಣಕಾರಣಮ್ |
ವೇದವೇದ್ಯಂ ವೇದಬೀಜಂ ವೇದಕಾರಣಕಾರಣಮ್ || ೯ ||

ಯೋಗಿನಸ್ತಂ ಪ್ರಪದ್ಯಂತೇ ಭಗವಂತಂ ಸನಾತನಮ್ |
ಗಂಧರ್ವೇಣ ಕೃತಂ ಸ್ತೋತ್ರಂ ಯಂ ಪಠೇತ್ ಪ್ರಯತಃ ಶುಚಿಃ |
ಇಹೈವ ಜೀವನ್ಮುಕ್ತಶ್ಚ ಪರಂ ಯಾತಿ ಪರಾಂ ಗತಿಮ್ || ೧೦ ||

ಹರಿಭಕ್ತಿಂ ಹರೇರ್ದಾಸ್ಯಂ ಗೋಲೋಕಂ ಚ ನಿರಾಮಯಮ್ |
ಪಾರ್ಷದಪ್ರವರತ್ವಂ ಚ ಲಭತೇ ನಾಽತ್ರ ಸಂಶಯಃ || ೧೨ ||

ಇತಿ ಶ್ರೀನಾರಾದಪಂಚರಾತ್ರೇ ಶ್ರೀ ರಾಧಾಕೃಷ್ಣ ಸ್ತೋತ್ರಮ್ ||