ஶ்ரீ ஶீதலாஷ்டகம் PDF தமிழ்

ஶ்ரீ ஶீதலாஷ்டகம் தமிழ் Lyrics

|| ஶ்ரீ ஶீதலாஷ்டகம் ||

அஸ்ய ஶ்ரீஶீதளாஸ்தோத்ரஸ்ய மஹாதே³வ ருஷி꞉ அநுஷ்டுப் ச²ந்த³꞉ ஶீதளா தே³வதா லக்ஷ்மீர்பீ³ஜம் ப⁴வாநீ ஶக்தி꞉ ஸர்வவிஸ்போ²டகநிவ்ருத்யர்தே² ஜபே விநியோக³꞉ ॥

ஈஶ்வர உவாச ।
வந்தே³(அ)ஹம் ஶீதளாம் தே³வீம் ராஸப⁴ஸ்தா²ம் தி³க³ம்ப³ராம் ।
மார்ஜநீகலஶோபேதாம் ஶூர்பாலங்க்ருதமஸ்தகாம் ॥ 1 ॥

வந்தே³(அ)ஹம் ஶீதளாம் தே³வீம் ஸர்வரோக³ப⁴யாபஹாம் ।
யாமாஸாத்³ய நிவர்தேத விஸ்போ²டகப⁴யம் மஹத் ॥ 2 ॥

ஶீதளே ஶீதளே சேதி யோ ப்³ரூயாத்³தா³ஹபீடி³த꞉ ।
விஸ்போ²டகப⁴யம் கோ⁴ரம் க்ஷிப்ரம் தஸ்ய ப்ரணஶ்யதி ॥ 3 ॥

யஸ்த்வாமுத³கமத்⁴யே து த்⁴யாத்வா ஸம்பூஜயேந்நர꞉ ।
விஸ்போ²டகப⁴யம் கோ⁴ரம் க்³ருஹே தஸ்ய ந ஜாயதே ॥ 4 ॥

ஶீதளே ஜ்வரத³க்³த⁴ஸ்ய பூதிக³ந்த⁴யுதஸ்ய ச ।
ப்ரணஷ்டசக்ஷுஷ꞉ பும்ஸஸ்த்வாமாஹுர்ஜீவநௌஷத⁴ம் ॥ 5 ॥

ஶீதளே தநுஜாந் ரோகா³ந் ந்ருணாம் ஹரஸி து³ஸ்த்யஜாந் ।
விஸ்போ²டகவிதீ³ர்ணாநாம் த்வமேகா(அ)ம்ருதவர்ஷிணீ ॥ 6 ॥

க³ளக³ண்ட³க்³ரஹா ரோகா³ யே சாந்யே தா³ருணா ந்ருணாம் ।
த்வத³நுத்⁴யாநமாத்ரேண ஶீதளே யாந்தி ஸங்க்ஷயம் ॥ 7 ॥

ந மந்த்ரோ நௌஷத⁴ம் தஸ்ய பாபரோக³ஸ்ய வித்³யதே ।
த்வாமேகாம் ஶீதளே தா⁴த்ரீம் நாந்யாம் பஶ்யாமி தே³வதாம் ॥ 8 ॥

ம்ருணாலதந்துஸத்³ருஶீம் நாபி⁴ஹ்ருந்மத்⁴யஸம்ஸ்தி²தாம் ।
யஸ்த்வாம் ஸஞ்சிந்தயேத்³தே³வி தஸ்ய ம்ருத்யுர்ந ஜாயதே ॥ 9 ॥

அஷ்டகம் ஶீதளாதே³வ்யா யோ நர꞉ ப்ரபடே²த்ஸதா³ ।
விஸ்போ²டகப⁴யம் கோ⁴ரம் க்³ருஹே தஸ்ய ந ஜாயதே ॥ 10 ॥

ஶ்ரோதவ்யம் படி²தவ்யம் ச ஶ்ரத்³தா⁴ப⁴க்திஸமந்விதை꞉ ।
உபஸர்க³விநாஶாய பரம் ஸ்வஸ்த்யயநம் மஹத் ॥ 11 ॥

ஶீதளே த்வம் ஜக³ந்மாதா ஶீதளே த்வம் ஜக³த்பிதா ।
ஶீதளே த்வம் ஜக³த்³தா⁴த்ரீ ஶீதளாயை நமோ நம꞉ ॥ 12 ॥

ராஸபோ⁴ க³ர்த³ப⁴ஶ்சைவ க²ரோ வைஶாக²நந்த³ந꞉ ।
ஶீதளாவாஹநஶ்சைவ தூ³ர்வாகந்த³நிக்ருந்தந꞉ ॥ 13 ॥

ஏதாநி க²ரநாமாநி ஶீதளாக்³ரே து ய꞉ படே²த் ।
தஸ்ய கே³ஹே ஶிஶூநாம் ச ஶீதளாருங் ந ஜாயதே ॥ 14 ॥

ஶீதளாஷ்டகமேவேத³ம் ந தே³யம் யஸ்யகஸ்யசித் ।
தா³தவ்யம் ச ஸதா³ தஸ்மை ஶ்ரத்³தா⁴ப⁴க்தியுதாய வை ॥ 15 ॥

இதி ஶ்ரீஸ்காந்த³புராணே ஶீதளாஷ்டகம் ॥