ಶ್ರೀ ಸೂರ್ಯನಾರಾಯಣ ಷೋಡಶೋಪಚಾರ ಪೂಜಾ PDF ಕನ್ನಡ

ಶ್ರೀ ಸೂರ್ಯನಾರಾಯಣ ಷೋಡಶೋಪಚಾರ ಪೂಜಾ ಕನ್ನಡ Lyrics

|| ಶ್ರೀ ಸೂರ್ಯನಾರಾಯಣ ಷೋಡಶೋಪಚಾರ ಪೂಜಾ ||

ಪುನಃ ಸಙ್ಕಲ್ಪಮ್ –
ಪೂರ್ವೋಕ್ತ ಏವಂ ಗುಣವಿಶೇಷಣ ವಿಶಿಷ್ಟಾಯಾಂ ಶುಭ ತಿಥೌ, ಮಮ ಶರೀರೇ ವರ್ತಮಾನ ವರ್ತಿಷ್ಯಮಾನ ವಾತ ಪಿತ್ತ ಕಫೋದ್ಭವ ನಾನಾ ಕಾರಣ ಜನಿತ ಜ್ವರ ಕ್ಷಯ ಪಾಣ್ಡು ಕುಷ್ಠ ಶೂಲಾಽತಿಸಾರ ಧಾತುಕ್ಷಯ ವ್ರಣ ಮೇಹ ಭಗನ್ದರಾದಿ ಸಮಸ್ತ ರೋಗ ನಿವಾರಣಾರ್ಥಂ, ಭೂತ ಬ್ರಹ್ಮ ಹತ್ಯಾದಿ ಸಮಸ್ತ ಪಾಪ ನಿವೃತ್ತ್ಯರ್ಥಂ, ಕ್ಷಿಪ್ರಮೇವ ಶರೀರಾರೋಗ್ಯ ಸಿದ್ಧ್ಯರ್ಥಂ, ಹರಿಹರಬ್ರಹ್ಮಾತ್ಮಕಸ್ಯ, ಮಿತ್ರಾದಿ ದ್ವಾದಶನಾಮಾಧಿಪಸ್ಯ, ಅರುಣಾದಿ ದ್ವಾದಶ ಮಾಸಾಧಿಪಸ್ಯ, ದ್ವಾದಶಾವರಣ ಸಹಿತಸ್ಯ, ತ್ರಯೀಮೂರ್ತೇರ್ಭಗವತಃ ಶ್ರೀ ಉಷಾಪದ್ಮಿನೀಛಾಯಾ ಸಮೇತ ಶ್ರೀ ಸೂರ್ಯನಾರಾಯಣ ಸ್ವಾಮಿ ಪರಬ್ರಹ್ಮಣಃ ಪ್ರಸಾದ ಸಿದ್ಧ್ಯರ್ಥಂ, ಶ್ರೀ ಸೂರ್ಯನಾರಾಯಣ ಸ್ವಾಮಿ ದೇವತಾಂ ಉದ್ದಿಶ್ಯ, ಸಮ್ಭವದ್ಭಿಃ ದ್ರವ್ಯೈಃ, ಸಮ್ಭವಿತ ನಿಯಮೇನ, ಸಮ್ಭವಿತ ಪ್ರಕಾರೇಣ ಪುರುಷಸೂಕ್ತ ವಿಧಾನೇನ ಯಾವಚ್ಛಕ್ತಿ ಧ್ಯಾನ ಆವಾಹನಾದಿ ಷೋಡಶೋಪಚಾರ ಪೂಜಾಂ ಕರಿಷ್ಯೇ ॥

ಅಸ್ಮಿನ್ ಬಿಮ್ಬೇ ಸಪರಿವಾರ ಸಮೇತ ಪದ್ಮಿನೀ ಉಷಾ ಛಾಯಾ ಸಮೇತ ಶ್ರೀ ಸವಿತೃ ಸೂರ್ಯನಾರಾಯಣ ಸ್ವಾಮಿನಂ ಆವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ॥

ಪ್ರಾಣಪ್ರತಿಷ್ಠ –
ಓಂ ಅಸು॑ನೀತೇ॒ ಪುನ॑ರ॒ಸ್ಮಾಸು॒ ಚಕ್ಷು॒:
ಪುನ॑: ಪ್ರಾ॒ಣಮಿ॒ಹ ನೋ᳚ ಧೇಹಿ॒ ಭೋಗ᳚ಮ್ ।
ಜ್ಯೋಕ್ಪ॑ಶ್ಯೇಮ॒ ಸೂರ್ಯ॑ಮು॒ಚ್ಚರ᳚ನ್ತ॒
ಮನು॑ಮತೇ ಮೃ॒ಡಯಾ᳚ ನಃ ಸ್ವ॒ಸ್ತಿ ।
ಅ॒ಮೃತಂ॒ ವೈ ಪ್ರಾ॒ಣಾ ಅ॒ಮೃತ॒ಮಾಪ॑:
ಪ್ರಾ॒ಣಾನೇ॒ವ ಯ॑ಥಾಸ್ಥಾ॒ನಮುಪ॑ಹ್ವಯತೇ ॥
ಆವಾಹಿತೋ ಭವ ಸ್ಥಾಪಿತೋ ಭವ ।
ಸುಪ್ರಸನ್ನೋ ಭವ ವರದೋ ಭವ ।

ಧ್ಯಾನಮ್ –
ಧ್ಯೇಯಃಸದಾ ಸವಿತೃಮಣ್ಡಲಮಧ್ಯವರ್ತೀ
ನಾರಾಯಣಸ್ಸರಸಿಜಾಸನ ಸನ್ನಿವಿಷ್ಟಃ ।
ಕೇಯೂರವಾನ್ ಮಕರಕುಣ್ಡಲವಾನ್ ಕಿರೀಟೀ
ಹಾರೀ ಹಿರಣ್ಮಯವಪುಃ ಧೃತಶಙ್ಖಚಕ್ರಃ ॥ ೧ ॥
ಅರುಣೋಽರುಣಪಙ್ಕಜೇ ನಿಷಣ್ಣಃ
ಕಮಲೇಽಭೀತಿವರೌ ಕರೈರ್ದಧಾನಃ ।
ಸ್ವರುಚಾಹಿತ ಮಣ್ಡಲಸ್ತ್ರಿನೇತ್ರೋ
ರವಿರಾಕಲ್ಪ ಶತಾಕುಲೋಽವತಾನ್ನಃ ॥ ೨ ॥
ಪದ್ಮಾಸನಃ ಪದ್ಮಕರಃ ಪದ್ಮಗರ್ಭಸಮದ್ಯುತಿಃ ।
ಸಪ್ತಾಶ್ವಃ ಸಪ್ತರಜ್ಜುಶ್ಚ ದ್ವಿಭುಜಃ ಸ್ಯಾತ್ ಸದಾ ರವಿಃ ॥ ೩ ॥
ಓಂ ಶ್ರೀ ಸೂರ್ಯನಾರಾಯಣಾಯ ನಮಃ ಧ್ಯಾಯಾಮಿ ।

ಆವಾಹನಮ್ –
ಸ॒ಹಸ್ರ॑ಶೀರ್ಷಾ॒ ಪುರು॑ಷಃ ।
ಸ॒ಹ॒ಸ್ರಾ॒ಕ್ಷಃ ಸ॒ಹಸ್ರ॑ಪಾತ್ ।
ಸ ಭೂಮಿಂ॑ ವಿ॒ಶ್ವತೋ॑ ವೃ॒ತ್ವಾ ।
ಅತ್ಯ॑ತಿಷ್ಠದ್ದಶಾಙ್ಗು॒ಲಮ್ ।
ಆಗಚ್ಛ ಭಗವನ್ ಸೂರ್ಯ ಮಣ್ಡಪೇ ಚ ಸ್ಥಿರೋ ಭವ ।
ಯಾವತ್ಪೂಜಾ ಸಮಾಪ್ಯೇತ ತಾವತ್ತ್ವಂ ಸನ್ನಿಧೌ ಭವ ॥
ಓಂ ಶ್ರೀ ಸೂರ್ಯನಾರಾಯಣಾಯ ನಮಃ ಆವಾಹಯಾಮಿ ।

ಆಸನಮ್ –
ಪುರು॑ಷ ಏ॒ವೇದಗ್ಂ ಸರ್ವಮ್᳚ ।
ಯದ್ಭೂ॒ತಂ ಯಚ್ಚ॒ ಭವ್ಯಮ್᳚ ।
ಉ॒ತಾಮೃ॑ತ॒ತ್ವಸ್ಯೇಶಾ॑ನಃ ।
ಯ॒ದನ್ನೇ॑ನಾತಿ॒ರೋಹ॑ತಿ ॥
ಹೇಮಾಸನ ಮಹದ್ದಿವ್ಯಂ ನಾನಾರತ್ನವಿಭೂಷಿತಮ್ ।
ದತ್ತಂ ಮೇ ಗೃಹ್ಯತಾಂ ದೇವ ದಿವಾಕರ ನಮೋಽಸ್ತು ತೇ ॥
ಓಂ ಶ್ರೀ ಸೂರ್ಯನಾರಾಯಣಾಯ ನಮಃ ನವರತ್ನಖಚಿತ ಸುವರ್ಣ ಸಿಂಹಾಸನಂ ಸಮರ್ಪಯಾಮಿ ।

ಪಾದ್ಯಮ್ –
ಏ॒ತಾವಾ॑ನಸ್ಯ ಮಹಿ॒ಮಾ ।
ಅತೋ॒ ಜ್ಯಾಯಾಗ್॑ಶ್ಚ॒ ಪೂರು॑ಷಃ ।
ಪಾದೋ᳚ಽಸ್ಯ॒ ವಿಶ್ವಾ॑ ಭೂ॒ತಾನಿ॑ ।
ತ್ರಿ॒ಪಾದ॑ಸ್ಯಾ॒ಮೃತಂ॑ ದಿ॒ವಿ ॥
ಗಙ್ಗಾಜಲ ಸಮಾನೀತಂ ಪರಮಂ ಪಾವನಂ ಮಹತ್ ।
ಪಾದ್ಯಂ ಗೃಹಾಣ ದೇವೇಶ ಧಾಮರೂಪ ನಮೋಽಸ್ತು ತೇ ॥
ಓಂ ಶ್ರೀ ಸೂರ್ಯನಾರಾಯಣಾಯ ನಮಃ ಪಾದಯೋಃ ಪಾದ್ಯಂ ಸಮರ್ಪಯಾಮಿ ।

ಅರ್ಘ್ಯಮ್ –
ತ್ರಿ॒ಪಾದೂ॒ರ್ಧ್ವ ಉದೈ॒ತ್ಪುರು॑ಷಃ ।
ಪಾದೋ᳚ಽಸ್ಯೇ॒ಹಾಽಽಭ॑ವಾ॒ತ್ಪುನ॑: ।
ತತೋ॒ ವಿಷ್ವ॒ಙ್ವ್ಯ॑ಕ್ರಾಮತ್ ।
ಸಾ॒ಶ॒ನಾ॒ನ॒ಶ॒ನೇ ಅ॒ಭಿ ॥
ಭೋ ಸೂರ್ಯ ಮಹಾದ್ಭುತ ಬ್ರಹ್ಮವಿಷ್ಣುಸ್ವರೂಪದೃಕ್ ।
ಅರ್ಘ್ಯಂ ಅಞ್ಜಲಿನಾ ದತ್ತಂ ಗೃಹಾಣ ಪರಮೇಶ್ವರ ॥
ಓಂ ಶ್ರೀ ಸೂರ್ಯನಾರಾಯಣಾಯ ನಮಃ ಹಸ್ತಯೋಃ ಅರ್ಘ್ಯಂ ಸಮರ್ಪಯಾಮಿ ।

ಆಚಮನೀಯಮ್ –
ತಸ್ಮಾ᳚ದ್ವಿ॒ರಾಡ॑ಜಾಯತ ।
ವಿ॒ರಾಜೋ॒ ಅಧಿ॒ ಪೂರು॑ಷಃ ।
ಸ ಜಾ॒ತೋ ಅತ್ಯ॑ರಿಚ್ಯತ ।
ಪ॒ಶ್ಚಾದ್ಭೂಮಿ॒ಮಥೋ॑ ಪು॒ರಃ ॥
ಗಙ್ಗಾದಿತೀರ್ಥಜಂ ತೋಯಂ ಜಾತೀಪುಷ್ಪೈಶ್ಚ ವಾಸಿತಮ್ ।
ತಾಮ್ರಪಾತ್ರೇ ಸ್ಥಿತಂ ದಿವ್ಯಂ ಗೃಹಾಣಾಚಮನೀಯಕಮ್ ॥
ಓಂ ಶ್ರೀ ಸೂರ್ಯನಾರಾಯಣಾಯ ನಮಃ ಮುಖೇ ಆಚಮನೀಯಂ ಸಮರ್ಪಯಾಮಿ ।

ಪಞ್ಚಾಮೃತ ಸ್ನಾನಮ್ –
ಕ್ಷೀರಂ ದಧಿ ಘೃತಂ ಚೈವ ಮಧುಶರ್ಕರಯಾನ್ವಿತಮ್ ।
ಪಞ್ಚಾಮೃತಂ ಗೃಹಾಣೇದಂ ಜಗನ್ನಾಥ ನಮೋಽಸ್ತು ತೇ ॥
ಗೋಕ್ಷೀರೇಣ ಸಮರ್ಪಯಾಮಿ ದಧಿನಾ ಕ್ಷೌದ್ರೇಣ ಗೋ ಸರ್ಪಿಷಾ
ಸ್ನಾನಂ ಶರ್ಕರಯಾ ತವಾಹ ಮಧುನಾ ಶ್ರೀ ನಾರಿಕೇಲೋದಕೈಃ ।
ಸ್ವಚ್ಛೈಶ್ಚೇಕ್ಷುರಸೈಶ್ಚ ಕಲ್ಪಿತಮಿದಂ ತತ್ತ್ವಂ ಗೃಹಾಣಾರ್ಕ ಭೋ
ಅಜ್ಞಾನಾನ್ಧ ತಮಿಸ್ರಹನ್ ಹೃದಿ ಭಜೇ ಶ್ರೀ ಸೂರ್ಯನಾರಾಯಣಮ್ ॥
ಓಂ ಶ್ರೀ ಸೂರ್ಯನಾರಾಯಣಾಯ ನಮಃ ಪಞ್ಚಾಮೃತ ಸ್ನಾನಂ ಸಮರ್ಪಯಾಮಿ ।

ಶುದ್ಧೋದಕ ಸ್ನಾನಮ್ –
ಯತ್ಪುರು॑ಷೇಣ ಹ॒ವಿಷಾ᳚ ।
ದೇ॒ವಾ ಯ॒ಜ್ಞಮತ॑ನ್ವತ ।
ವ॒ಸ॒ನ್ತೋ ಅ॑ಸ್ಯಾಸೀ॒ದಾಜ್ಯಮ್᳚ ।
ಗ್ರೀ॒ಷ್ಮ ಇ॒ಧ್ಮಶ್ಶ॒ರದ್ಧ॒ವಿಃ ॥
ಗಙ್ಗಾ ಗೋದಾವರೀ ಚೈವ ಯಮುನಾ ಚ ಸರಸ್ವತೀ ।
ನರ್ಮದಾ ಸಿನ್ಧುಃ ಕಾವೇರೀ ತಾಭ್ಯಂ ಸ್ನಾನಾರ್ಥಮಾಹೃತಮ್ ॥
ಓಂ ಶ್ರೀ ಸೂರ್ಯನಾರಾಯಣಾಯ ನಮಃ ಶುದ್ಧೋದಕ ಸ್ನಾನಂ ಸಮರ್ಪಯಾಮಿ ।
ಸ್ನಾನಾನನ್ತರಂ ಶುದ್ಧ ಆಚಮನೀಯಂ ಸಮರ್ಪಯಾಮಿ ।

ವಸ್ತ್ರಮ್ –
ಸ॒ಪ್ತಾಸ್ಯಾ॑ಸನ್ಪರಿ॒ಧಯ॑: ।
ತ್ರಿಃ ಸ॒ಪ್ತ ಸ॒ಮಿಧ॑: ಕೃ॒ತಾಃ ।
ದೇ॒ವಾ ಯದ್ಯ॒ಜ್ಞಂ ತ॑ನ್ವಾ॒ನಾಃ ।
ಅಬ॑ಧ್ನ॒ನ್ಪುರು॑ಷಂ ಪ॒ಶುಮ್ ॥
ರಕ್ತಪಟ್ಟಯುಗಂ ದೇವ ಸೂಕ್ಷ್ಮತನ್ತುವಿನಿರ್ಮಿತಮ್ ।
ಶುದ್ಧಂ ಚೈವ ಮಯಾ ದತ್ತಂ ಗೃಹಾಣ ಕಮಲಾಕರ ॥
ಓಂ ಶ್ರೀ ಸೂರ್ಯನಾರಾಯಣಾಯ ನಮಃ ವಸ್ತ್ರಯುಗ್ಮಂ ಸಮರ್ಪಯಾಮಿ ।

ಯಜ್ಞೋಪವೀತಮ್ –
ತಂ ಯ॒ಜ್ಞಂ ಬ॒ರ್ಹಿಷಿ॒ ಪ್ರೌಕ್ಷನ್॑ ।
ಪುರು॑ಷಂ ಜಾ॒ತಮ॑ಗ್ರ॒ತಃ ।
ತೇನ॑ ದೇ॒ವಾ ಅಯ॑ಜನ್ತ ।
ಸಾ॒ಧ್ಯಾ ಋಷ॑ಯಶ್ಚ॒ ಯೇ ॥
ನಮಃ ಕಮಲಹಸ್ತಾಯ ವಿಶ್ವರೂಪಾಯ ತೇ ನಮಃ ।
ಉಪವೀತಂ ಮಯಾ ದತ್ತಂ ತದ್ಗೃಹಾಣ ದಿವಾಕರ ॥
ಓಂ ಶ್ರೀ ಸೂರ್ಯನಾರಾಯಣಾಯ ನಮಃ ಯಜ್ಞೋಪವೀತಂ ಸಮರ್ಪಯಾಮಿ ।

ಗನ್ಧಮ್ –
ತಸ್ಮಾ᳚ದ್ಯ॒ಜ್ಞಾತ್ಸ॑ರ್ವ॒ಹುತ॑: ।
ಸಮ್ಭೃ॑ತಂ ಪೃಷದಾ॒ಜ್ಯಮ್ ।
ಪ॒ಶೂಗ್ಸ್ತಾಗ್ಶ್ಚ॑ಕ್ರೇ ವಾಯ॒ವ್ಯಾನ್॑ ।
ಆ॒ರ॒ಣ್ಯಾನ್ಗ್ರಾ॒ಮ್ಯಾಶ್ಚ॒ ಯೇ ॥
ಕುಙ್ಕುಮಾಗುರುಕಸ್ತೂರೀ ಸುಗನ್ಧೋಶ್ಚನ್ದನಾದಿಭಿಃ ।
ರಕ್ತಚನ್ದನಸಮ್ಯುಕ್ತಂ ಗನ್ಧಂ ಗೃಹ್ಣೀಷ್ವ ಭಾಸ್ಕರ ॥
ಓಂ ಶ್ರೀ ಸೂರ್ಯನಾರಾಯಣಾಯ ನಮಃ ದಿವ್ಯ ಶ್ರೀ ಚನ್ದನಂ ಸಮರ್ಪಯಾಮಿ ।

ಅಕ್ಷತಾನ್ –
ತಸ್ಮಾ᳚ದ್ಯ॒ಜ್ಞಾತ್ಸ॑ರ್ವ॒ಹುತ॑: ।
ಋಚ॒: ಸಾಮಾ॑ನಿ ಜಜ್ಞಿರೇ ।
ಛನ್ದಾಗ್ಂ॑ಸಿ ಜಜ್ಞಿರೇ॒ ತಸ್ಮಾ᳚ತ್ ।
ಯಜು॒ಸ್ತಸ್ಮಾ॑ದಜಾಯತ ॥
ರಕ್ತಚನ್ದನಸಂಮಿಶ್ರಾಃ ಅಕ್ಷತಾಶ್ಚ ಸುಶೋಭನಾಃ ।
ಮಯಾ ದತ್ತಂ ಗೃಹಾಣ ತ್ವಂ ವರದೋ ಭವ ಭಾಸ್ಕರ ॥
ಓಂ ಶ್ರೀ ಸೂರ್ಯನಾರಾಯಣಾಯ ನಮಃ ಅಕ್ಷತಾನ್ ಸಮರ್ಪಯಾಮಿ ।

ಪುಷ್ಪಾಣಿ –
ತಸ್ಮಾ॒ದಶ್ವಾ॑ ಅಜಾಯನ್ತ ।
ಯೇ ಕೇ ಚೋ॑ಭ॒ಯಾದ॑ತಃ ।
ಗಾವೋ॑ ಹ ಜಜ್ಞಿರೇ॒ ತಸ್ಮಾ᳚ತ್ ।
ತಸ್ಮಾ᳚ಜ್ಜಾ॒ತಾ ಅ॑ಜಾ॒ವಯ॑: ॥
ಜಪಾಕದಮ್ಬಕುಸುಮರಕ್ತೋತ್ಪಲಯುತಾನಿ ಚ ।
ಪುಷ್ಪಾಣಿ ಗೃಹ್ಯತಾಂ ದೇವ ಸರ್ವಕಾಮಪ್ರದೋ ಭವಃ ॥
ಓಂ ಶ್ರೀ ಸೂರ್ಯನಾರಾಯಣಾಯ ನಮಃ ನಾನಾವಿಧ ಪರಿಮಲ ಪುಷ್ಪಾಣಿ ಸಮರ್ಪಯಾಮಿ ।

ಅಙ್ಗಪೂಜಾ –
ಓಂ ಮಿತ್ರಾಯ ನಮಃ – ಪಾದೌ ಪೂಜಯಾಮಿ ।
ಓಂ ರವಯೇ ನಮಃ – ಜಙ್ಘೇ ಪೂಜಯಾಮಿ ।
ಓಂ ಸೂರ್ಯಾಯ ನಮಃ – ಜಾನುನೀ ಪೂಜಯಾಮಿ ।
ಓಂ ಖಗಾಯ ನಮಃ – ಊರೂ ಪೂಜಯಾಮಿ ।
ಓಂ ಹಿರಣ್ಯಗರ್ಭಾಯ ನಮಃ – ಕಟಿಂ ಪೂಜಯಾಮಿ ।
ಓಂ ಪೂಷ್ಣೇ ನಮಃ – ಗುಹ್ಯಂ ಪೂಜಯಾಮಿ ।
ಓಂ ಮರೀಚಯೇ ನಮಃ – ನಾಭಿಂ ಪೂಜಯಾಮಿ ।
ಓಂ ಆದಿತ್ಯಾಯ ನಮಃ – ಜಠರಂ ಪೂಜಯಾಮಿ ।
ಓಂ ಸವಿತ್ರೇ ನಮಃ – ಹೃದಯಂ ಪೂಜಯಾಮಿ ।
ಓಂ ಅರ್ಕಾಯ ನಮಃ – ಸ್ತನೌ ಪೂಜಯಾಮಿ ।
ಓಂ ಭಾಸ್ಕರಾಯ ನಮಃ – ಕಣ್ಠಂ ಪೂಜಯಾಮಿ ।
ಓಂ ಅರ್ಯಮ್ಣೇ ನಮಃ – ಸ್ಕನ್ಧೌ ಪೂಜಯಾಮಿ ।
ಓಂ ಹಂಸಾಯ ನಮಃ – ಹಸ್ತೌ ಪೂಜಯಾಮಿ ।
ಓಂ ಅಹಸ್ಕರಾಯ ನಮಃ – ಮುಖೌ ಪೂಜಯಾಮಿ ।
ಓಂ ಬ್ರಧ್ನೇ ನಮಃ – ನಾಸಿಕಾಂ ಪೂಜಯಾಮಿ ।
ಓಂ ಜಗದೇಕಚಕ್ಷುಷೇ ನಮಃ – ನೇತ್ರಾಣಿ ಪೂಜಯಾಮಿ ।
ಓಂ ಭಾನವೇ ನಮಃ – ಕರ್ಣೌ ಪೂಜಯಾಮಿ ।
ಓಂ ತ್ರಿಗುಣಾತ್ಮಧಾರಿಣೇ ನಮಃ – ಲಲಾಟಂ ಪೂಜಯಾಮಿ ।
ಓಂ ವಿರಿಞ್ಚಿನಾರಾಯಣಾಯ ನಮಃ – ಶಿರಃ ಪೂಜಯಾಮಿ ।
ಓಂ ತಿಮಿರನಾಶಿನೇ ನಮಃ – ಸರ್ವಾಣ್ಯಙ್ಗಾನಿ ಪೂಜಯಾಮಿ ।
ಓಂ ಶ್ರೀಸೂರ್ಯನಾರಾಯಣಾಯ ನಮಃ ಅಙ್ಗಪೂಜಾಂ ಸಮರ್ಪಯಾಮಿ ।

ದ್ವಾದಶ ನಾಮಪೂಜಾ –
ಓಂ ಆದಿತ್ಯಾಯ ನಮಃ ।
ಓಂ ದಿವಾಕರಾಯ ನಮಃ ।
ಓಂ ಭಾಸ್ಕರಾಯ ನಮಃ ।
ಓಂ ಪ್ರಭಾಕರಾಯ ನಮಃ ।
ಓಂ ಸಹಸ್ರಾಂಶವೇ ನಮಃ ।
ಓಂ ತ್ರಿಲೋಚನಾಯ ನಮಃ ।
ಓಂ ಹರಿದಶ್ವಾಯ ನಮಃ ।
ಓಂ ವಿಭಾವಸವೇ ನಮಃ ।
ಓಂ ದಿನಕರಾಯ ನಮಃ ।
ಓಂ ದ್ವಾದಶಾತ್ಮಕಾಯ ನಮಃ ।
ಓಂ ತ್ರಿಮೂರ್ತಯೇ ನಮಃ ।
ಓಂ ಸೂರ್ಯಾಯ ನಮಃ ॥ ೧೨

ಅಥ ಅಷ್ಟೋತ್ತರಶತನಾಮ ಪೂಜಾ –

ಶ್ರೀ ಸೂರ್ಯ ಅಷ್ಟೋತ್ತರಶತನಾಮಾವಲೀ ಪಶ್ಯತು ॥

ಧೂಪಮ್ –
ಯತ್ಪುರು॑ಷಂ॒ ವ್ಯ॑ದಧುಃ ।
ಕ॒ತಿ॒ಧಾ ವ್ಯ॑ಕಲ್ಪಯನ್ ।
ಮುಖಂ॒ ಕಿಮ॑ಸ್ಯ॒ ಕೌ ಬಾ॒ಹೂ ।
ಕಾವೂ॒ರೂ ಪಾದಾ॑ವುಚ್ಯೇತೇ ॥
ದಶಾಙ್ಗೋಗುಗ್ಗುಲೋದ್ಭೂತಃ ಕಾಲಾಗರುಸಮನ್ವಿತಃ ।
ಆಘ್ರೇಯಃ ಸರ್ವದೇವಾನಾಂ ಧೂಪೋಽಯಂ ಪ್ರತಿಗೃಹ್ಯತಾಮ್ ॥
ಓಂ ಶ್ರೀ ಸೂರ್ಯನಾರಾಯಣಾಯ ನಮಃ ಧೂಪಂ ಆಘ್ರಾಪಯಾಮಿ ।

ದೀಪಮ್ –
ಬ್ರಾ॒ಹ್ಮ॒ಣೋ᳚ಽಸ್ಯ॒ ಮುಖ॑ಮಾಸೀತ್ ।
ಬಾ॒ಹೂ ರಾ॑ಜ॒ನ್ಯ॑: ಕೃ॒ತಃ ।
ಊ॒ರೂ ತದ॑ಸ್ಯ॒ ಯದ್ವೈಶ್ಯ॑: ।
ಪ॒ದ್ಭ್ಯಾಗ್ಂ ಶೂ॒ದ್ರೋ ಅ॑ಜಾಯತ ॥
ಕಾರ್ಪಾಸವರ್ತಿಕಾಯುಕ್ತಂ ಗೋಘೃತೇನ ಸಮನ್ವಿತಮ್ ।
ದೀಪಂ ಗೃಹಾಣ ದೇವೇಶ ತ್ರೈಲೋಕ್ಯತಿಮಿರಾಪಹ ॥
ಓಂ ಶ್ರೀ ಸೂರ್ಯನಾರಾಯಣಾಯ ನಮಃ ದೀಪಂ ದರ್ಶಯಾಮಿ ।

ನೈವೇದ್ಯಮ್ –
ಚ॒ನ್ದ್ರಮಾ॒ ಮನ॑ಸೋ ಜಾ॒ತಃ ।
ಚಕ್ಷೋ॒: ಸೂರ್ಯೋ॑ ಅಜಾಯತ ।
ಮುಖಾ॒ದಿನ್ದ್ರ॑ಶ್ಚಾ॒ಗ್ನಿಶ್ಚ॑ ।
ಪ್ರಾ॒ಣಾದ್ವಾ॒ಯುರ॑ಜಾಯತ ॥
ಪಾಯಸಂ ಘೃತಸಮ್ಯುಕ್ತಂ ನಾನಾ ಪಕ್ವಾನ್ನಸಮ್ಯುತಮ್ ।
ನೈವೇದ್ಯಂ ಚ ಮಯಾ ದತ್ತಂ ಶಾನ್ತಿಂ ಕುರು ಜಗತ್ಪತೇ ॥
ಓಂ ಶ್ರೀ ಸೂರ್ಯನಾರಾಯಣಾಯ ನಮಃ ನೈವೇದ್ಯಂ ಸಮರ್ಪಯಾಮಿ ।

ಓಂ ಭೂರ್ಭುವ॒ಸ್ಸುವ॑: । ತತ್ಸ॑ವಿ॒ತುರ್ವರೇ᳚ಣ್ಯಂ॒ ಭರ್ಗೋ॑ ದೇ॒ವಸ್ಯ॑ ಧೀಮಹಿ ।
ಧಿಯೋ॒ ಯೋ ನ॑: ಪ್ರಚೋ॒ದಯಾ᳚ತ್ ॥

ಸತ್ಯಂ ತ್ವಾ ಋತೇನ ಪರಿಷಿಞ್ಚಾಮಿ ।
(ಸಾಯಙ್ಕಾಲೇ – ಋತಂ ತ್ವಾ ಸತ್ಯೇನ ಪರಿಷಿಞ್ಚಾಮಿ)
ಅಮೃತಮಸ್ತು । ಅ॒ಮೃ॒ತೋ॒ಪ॒ಸ್ತರ॑ಣಮಸಿ ।
ಓಂ ಪ್ರಾ॒ಣಾಯ॒ ಸ್ವಾಹಾ᳚ । ಓಂ ಅ॒ಪಾ॒ನಾಯ॒ ಸ್ವಾಹಾ᳚ ।
ಓಂ ವ್ಯಾ॒ನಾಯ॒ ಸ್ವಾಹಾ᳚ । ಓಂ ಉ॒ದಾ॒ನಾಯ॒ ಸ್ವಾಹಾ᳚ ।
ಓಂ ಸ॒ಮಾ॒ನಾಯ॒ ಸ್ವಾಹಾ᳚ ।
ಮಧ್ಯೇ ಮಧ್ಯೇ ಪಾನೀಯಂ ಸಮರ್ಪಯಾಮಿ ।
ಅ॒ಮೃ॒ತಾ॒ಪಿ॒ಧಾ॒ನಮ॑ಸಿ । ಉತ್ತರಾಪೋಶನಂ ಸಮರ್ಪಯಾಮಿ ।
ಹಸ್ತೌ ಪ್ರಕ್ಷಾಲಯಾಮಿ । ಪಾದೌ ಪ್ರಕ್ಷಾಲಯಾಮಿ ।
ಶುದ್ಧಾಚಮನೀಯಂ ಸಮರ್ಪಯಾಮಿ ।

ಋತುಫಲಮ್ –
ಇದಂ ಫಲಂ ಮಯಾ ದತ್ತಂ ಮೃದುಲಂ ಮಧುರಂ ಶುಚಿಮ್ ।
ದೇವಾರ್ಹಂ ಸ್ವೀಕುರು ಸ್ವಾಮಿನ್ ಸಮ್ಪೂರ್ಣಫಲದೋ ಭವ ॥
ಓಂ ಶ್ರೀ ಸೂರ್ಯನಾರಾಯಣಾಯ ನಮಃ ಋತುಫಲಂ ಸಮರ್ಪಯಾಮಿ ।

ತಾಮ್ಬೂಲಮ್ –
ನಾಭ್ಯಾ॑ ಆಸೀದ॒ನ್ತರಿ॑ಕ್ಷಮ್ ।
ಶೀ॒ರ್ಷ್ಣೋ ದ್ಯೌಃ ಸಮ॑ವರ್ತತ ।
ಪ॒ದ್ಭ್ಯಾಂ ಭೂಮಿ॒ರ್ದಿಶ॒: ಶ್ರೋತ್ರಾ᳚ತ್ ।
ತಥಾ॑ ಲೋ॒ಕಾಗ್ಂ ಅ॑ಕಲ್ಪಯನ್ ॥
ಏಲಾಲವಙ್ಗಕರ್ಪೂರಖದಿರೈಶ್ಚ ಸಪೂಗಕೈಃ ।
ನಾಗವಲ್ಲೀದಲೈರ್ಯುಕ್ತಂ ತಾಮ್ಬೂಲಂ ಪ್ರತಿಗೃಹ್ಯತಾಮ್ ॥
ಓಂ ಶ್ರೀ ಸೂರ್ಯನಾರಾಯಣಾಯ ನಮಃ ತಾಮ್ಬೂಲಂ ಸಮರ್ಪಯಾಮಿ ।

ನೀರಾಜನಮ್ –
ವೇದಾ॒ಹಮೇ॒ತಂ ಪುರು॑ಷಂ ಮ॒ಹಾನ್ತಮ್᳚ ।
ಆ॒ದಿ॒ತ್ಯವ॑ರ್ಣಂ॒ ತಮ॑ಸ॒ಸ್ತು ಪಾ॒ರೇ ।
ಸರ್ವಾ॑ಣಿ ರೂ॒ಪಾಣಿ॑ ವಿ॒ಚಿತ್ಯ॒ ಧೀರ॑: ।
ನಾಮಾ॑ನಿ ಕೃ॒ತ್ವಾಽಭಿ॒ವದ॒ನ್॒ ಯದಾಸ್ತೇ᳚ ॥
ಪಞ್ಚವರ್ತಿಸಮಾಯುಕ್ತಂ ಸರ್ವಮಙ್ಗಲದಾಯಕಮ್ ।
ನೀರಾಜನಂ ಗೃಹಾಣೇದಂ ಸರ್ವಸೌಖ್ಯಕರೋ ಭವಃ ॥
ಓಂ ಶ್ರೀ ಸೂರ್ಯನಾರಾಯಣಾಯ ನಮಃ ಕರ್ಪೂರ ನೀರಾಜನಂ ಸಮರ್ಪಯಾಮಿ ।
ನೀರಾಜನಾನನ್ತರಂ ಶುದ್ಧಾಚಮನೀಯಂ ಸಮರ್ಪಯಾಮಿ । ನಮಸ್ಕರೋಮಿ ।

ಮನ್ತ್ರಪುಷ್ಪಮ್ –

[ ವಿಶೇಷ ಮನ್ತ್ರಪುಷ್ಪಂ ಪಶ್ಯತು ॥ ]

ಧಾ॒ತಾ ಪು॒ರಸ್ತಾ॒ದ್ಯಮು॑ದಾಜ॒ಹಾರ॑ ।
ಶ॒ಕ್ರಃ ಪ್ರವಿ॒ದ್ವಾನ್ಪ್ರ॒ದಿಶ॒ಶ್ಚತ॑ಸ್ರಃ ।
ತಮೇ॒ವಂ ವಿ॒ದ್ವಾನ॒ಮೃತ॑ ಇ॒ಹ ಭ॑ವತಿ ।
ನಾನ್ಯಃ ಪನ್ಥಾ॒ ಅಯ॑ನಾಯ ವಿದ್ಯತೇ ॥
ಓಂ ಭಾ॒ಸ್ಕ॒ರಾಯ॑ ವಿ॒ದ್ಮಹೇ॑ ಮಹದ್ದ್ಯುತಿಕ॒ರಾಯ॑ ಧೀಮಹಿ ।
ತನ್ನೋ॑ ಆದಿತ್ಯಃ ಪ್ರಚೋ॒ದಯಾ᳚ತ್ ॥
ಚಮ್ಪಕೈಃ ಶತಪತ್ರೈಶ್ಚ ಕಲ್ಹಾರೈಃ ಕರವೀರಕೈಃ ।
ಪಾಟಲೈರ್ಬಕುಲೈರ್ಯುಕ್ತಂ ಗೃಹಾಣ ಕುಸುಮಾಞ್ಜಲಿಮ್ ॥
ಓಂ ಶ್ರೀ ಸೂರ್ಯನಾರಾಯಣಾಯ ನಮಃ ಸುವರ್ಣ ದಿವ್ಯ ಮನ್ತ್ರಪುಷ್ಪಂ ಸಮರ್ಪಯಾಮಿ ।

ಪ್ರದಕ್ಷಿಣ ನಮಸ್ಕಾರಮ್ –
ಯಾನಿ ಕಾನಿ ಚ ಪಾಪಾನಿ ಜನ್ಮಾನ್ತರಕೃತಾನಿ ಚ ।
ತಾನಿ ತಾನಿ ವಿನಶ್ಯನ್ತಿ ಪ್ರದಕ್ಷಿಣ ಪದೇ ಪದೇ ॥
ಪಾಪೋಽಹಂ ಪಾಪಕರ್ಮಾಽಹಂ ಪಾಪಾತ್ಮಾ ಪಾಪಸಮ್ಭವ ।
ತ್ರಾಹಿ ಮಾಂ ಕೃಪಯಾ ದೇವ ಶರಣಾಗತವತ್ಸಲಾ ॥
ಅನ್ಯಥಾ ಶರಣಂ ನಾಸ್ತಿ ತ್ವಮೇವ ಶರಣಂ ಮಮ ।
ತಸ್ಮಾತ್ಕಾರುಣ್ಯ ಭಾವೇನ ರಕ್ಷ ರಕ್ಷ ಜನಾರ್ದನ ॥
ಓಂ ಶ್ರೀ ಸೂರ್ಯನಾರಾಯಣಾಯ ನಮಃ ಪ್ರದಕ್ಷಿಣ ನಮಸ್ಕಾರಾನ್ ಸಮರ್ಪಯಾಮಿ ।

ಸಾಷ್ಟಾಙ್ಗ ನಮಸ್ಕಾರಮ್ –
ಉದ್ಯನ್ನದ್ಯವಿವಸ್ವಾನಾರೋಹನ್ನುತ್ತರಾಂ ದಿವಂ ದೇವಃ ।
ಹೃದ್ರೋಗಂ ಮಮ ಸೂರ್ಯೋ ಹರಿಮಾಣಂ ಚಾಽಽಶು ನಾಶಯತು ॥
ಓಂ ಶ್ರೀ ಸೂರ್ಯನಾರಾಯಣಾಯ ನಮಃ ಸಾಷ್ಟಾಙ್ಗ ನಮಸ್ಕಾರಾನ್ ಸಮರ್ಪಯಾಮಿ ।

ದ್ವಾದಶಾರ್ಘ್ಯಾಣಿ –
ದಿವಾಕರ ನಮಸ್ತುಭ್ಯಂ ಪಾಪಂ ನಾಶಯ ಭಾಸ್ಕರ ।
ತ್ರಯೀಮಯಾಯ ವಿಶ್ವಾತ್ಮನ್ ಗೃಹಾಣಾರ್ಘ್ಯಂ ನಮೋಽಸ್ತು ತೇ ॥
ಸಿನ್ದೂರವರ್ಣಾಯ ಸುಮಣ್ಡಲಾಯ
ನಮೋಽಸ್ತು ವಜ್ರಾಭರಣಾಯ ತುಭ್ಯಮ್ ।
ಪದ್ಮಾಭನೇತ್ರಾಯ ಸುಪಙ್ಕಜಾಯ
ಬ್ರಹ್ಮೇನ್ದ್ರನಾರಾಯಣಕಾರಣಾಯ ॥
ಸರಕ್ತವರ್ಣಂ ಸಸುವರ್ಣತೋಯಂ
ಸಕುಙ್ಕುಮಾದ್ಯಂ ಸಕುಶಂ ಸಪುಷ್ಪಮ್ ।
ಪ್ರದತ್ತಮಾದಾಯ ಸಹೇಮಪಾತ್ರಂ
ಪ್ರಶಸ್ತಮರ್ಘ್ಯಂ ಭಗವನ್ ಪ್ರಸೀದ ॥

ಓಂ ಮಿತ್ರಾಯ ನಮಃ ಇದಮರ್ಘ್ಯಂ ಸಮರ್ಪಯಾಮಿ । ೧
ಓಂ ರವಯೇ ನಮಃ ಇದಮರ್ಘ್ಯಂ ಸಮರ್ಪಯಾಮಿ । ೨
ಓಂ ಸೂರ್ಯಾಯ ನಮಃ ಇದಮರ್ಘ್ಯಂ ಸಮರ್ಪಯಾಮಿ । ೩
ಓಂ ಭಾನವೇ ನಮಃ ಇದಮರ್ಘ್ಯಂ ಸಮರ್ಪಯಾಮಿ । ೪
ಓಂ ಖಗಾಯ ನಮಃ ಇದಮರ್ಘ್ಯಂ ಸಮರ್ಪಯಾಮಿ । ೫
ಓಂ ಪೂಷ್ಣೇ ನಮಃ ಇದಮರ್ಘ್ಯಂ ಸಮರ್ಪಯಾಮಿ । ೬
ಓಂ ಹಿರಣ್ಯಗರ್ಭಾಯ ನಮಃ ಇದಮರ್ಘ್ಯಂ ಸಮರ್ಪಯಾಮಿ । ೭
ಓಂ ಮರೀಚಯೇ ನಮಃ ಇದಮರ್ಘ್ಯಂ ಸಮರ್ಪಯಾಮಿ । ೮
ಓಂ ಆದಿತ್ಯಾಯ ನಮಃ ಇದಮರ್ಘ್ಯಂ ಸಮರ್ಪಯಾಮಿ । ೯
ಓಂ ಸವಿತ್ರೇ ನಮಃ ಇದಮರ್ಘ್ಯಂ ಸಮರ್ಪಯಾಮಿ । ೧೦
ಓಂ ಅರ್ಕಾಯ ನಮಃ ಇದಮರ್ಘ್ಯಂ ಸಮರ್ಪಯಾಮಿ । ೧೧
ಓಂ ಭಾಸ್ಕರಾಯ ನಮಃ ಇದಮರ್ಘ್ಯಂ ಸಮರ್ಪಯಾಮಿ ॥ ೧೨

ಪ್ರಾರ್ಥನ –
ವಿನತಾತನಯೋ ದೇವಃ ಸರ್ವಸಾಕ್ಷೀ ಜಗತ್ಪತಿಃ ।
ಸಪ್ತಾಶ್ವಃ ಸಪ್ತರಜ್ಜುಶ್ಚ ಅರುಣೋ ಮೇ ಪ್ರಸೀದತು ॥
ನಮಃ ಪಙ್ಕಜಹಸ್ತಾಯ ನಮಃ ಪಙ್ಕಜಮಾಲಿನೇ
ನಮಃ ಪಙ್ಕಜನೇತ್ರಾಯ ಭಾಸ್ಕರಾಯ ನಮೋ ನಮಃ ।
ನಮಸ್ತೇ ಪದ್ಮಹಸ್ತಾಯ ನಮಸ್ತೇ ವೇದಮೂರ್ತಯೇ
ನಮಸ್ತೇ ದೇವದೇವೇಶ ನಮಸ್ತೇ ಸರ್ವಕಾಮದ ॥

ಕ್ಷಮಾ ಪ್ರಾರ್ಥನ –
ಮನ್ತ್ರಹೀನಂ ಕ್ರಿಯಾಹೀನಂ ಭಕ್ತಿಹೀನಂ ಜನಾರ್ದನ ।
ಯತ್ಪೂಜಿತಂ ಮಯಾ ದೇವ ಪರಿಪೂರ್ಣಂ ತದಸ್ತು ತೇ ॥
ಅಜ್ಞಾನಾದ್ವಾ ಪ್ರಮಾದಾದ್ವಾ ವೈಕಲ್ಯಾತ್ಸಾಧನಸ್ಯ ವಾ ।
ಯನ್ನ್ಯೂನಮತಿರಿಕ್ತಂ ಚ ತತ್ಸರ್ವಂ ಕ್ಷನ್ತುಮರ್ಹಸಿ ॥
ಯಸ್ಯ ಸ್ಮೃತ್ಯಾ ಚ ನಾಮೋಕ್ತ್ಯಾ ತಪಃ ಪೂಜಾ ಕ್ರಿಯಾದಿಷು ।
ನ್ಯೂನಂ ಸಮ್ಪೂರ್ಣತಾಂ ಯಾತಿ ಸದ್ಯೋ ವನ್ದೇ ತಮಚ್ಯುತಮ್ ॥

ಸಮರ್ಪಣ –
ಕಾಯೇನ ವಾಚಾ ಮನಸೇನ್ದ್ರಿಯೈರ್ವಾ
ಬುದ್ಧ್ಯಾತ್ಮನಾ ವಾ ಪ್ರಕೃತೇಃ ಸ್ವಭಾವಾತ್ ।
ಕರೋಮಿ ಯದ್ಯತ್ಸಕಲಂ ಪರಸ್ಮೈ
ನಾರಾಯಣಾಯೇತಿ ಸಮರ್ಪಯಾಮಿ ॥

ಅನೇನ ಮಯಾ ಕೃತ ಪುರುಷಸೂಕ್ತ ವಿಧಾನ ಪೂರ್ವಕ ಧ್ಯಾನ ಆವಾಹನಾದಿ ಷೋಡಶೋಪಚಾರ ಪೂಜನೇನ ಸಪರಿವಾರ ಸಮೇತ ಪದ್ಮಿನೀ ಉಷಾ ಛಾಯಾ ಸಮೇತ ಶ್ರೀ ಸವಿತೃ ಸೂರ್ಯನಾರಾಯಣ ಸ್ವಾಮಿ ಸುಪ್ರೀತಾ ಸುಪ್ರಸನ್ನಾ ವರದಾ ಭವನ್ತು ॥

ತೀರ್ಥಪ್ರಸಾದ ಗ್ರಹಣಮ್ –
ಅಕಾಲಮೃತ್ಯಹರಣಂ ಸರ್ವವ್ಯಾಧಿನಿವಾರಣಮ್ ।
ಸಮಸ್ತಪಾಪಕ್ಷಯಕರಂ ಶ್ರೀ ಸೂರ್ಯನಾರಾಯಣ ಪಾದೋದಕಂ ಪಾವನಂ ಶುಭಮ್ ॥
ಓಂ ಶ್ರೀ ಸೂರ್ಯನಾರಾಯಣಾಯ ನಮಃ ಪ್ರಸಾದಂ ಶಿರಸಾ ಗೃಹ್ಣಾಮಿ ।

ಓಂ ಶಾನ್ತಿ॒: ಶಾನ್ತಿ॒: ಶಾನ್ತಿ॑: ॥