ಶ್ರೀ ತುಲಸ್ಯಷ್ಟೋತ್ತರಶತನಾಮ ಸ್ತೋತ್ರಂ PDF ಕನ್ನಡ

ಶ್ರೀ ತುಲಸ್ಯಷ್ಟೋತ್ತರಶತನಾಮ ಸ್ತೋತ್ರಂ ಕನ್ನಡ Lyrics

|| ಶ್ರೀ ತುಲಸ್ಯಷ್ಟೋತ್ತರಶತನಾಮ ಸ್ತೋತ್ರಂ ||

ತುಲಸೀ ಪಾವನೀ ಪೂಜ್ಯಾ ಬೃಂದಾವನನಿವಾಸಿನೀ |
ಜ್ಞಾನದಾತ್ರೀ ಜ್ಞಾನಮಯೀ ನಿರ್ಮಲಾ ಸರ್ವಪೂಜಿತಾ || ೧ ||

ಸತೀ ಪತಿವ್ರತಾ ಬೃಂದಾ ಕ್ಷೀರಾಬ್ಧಿಮಥನೋದ್ಭವಾ |
ಕೃಷ್ಣವರ್ಣಾ ರೋಗಹಂತ್ರೀ ತ್ರಿವರ್ಣಾ ಸರ್ವಕಾಮದಾ || ೨ ||

ಲಕ್ಷ್ಮೀಸಖೀ ನಿತ್ಯಶುದ್ಧಾ ಸುದತೀ ಭೂಮಿಪಾವನೀ |
ಹರಿದ್ರಾನ್ನೈಕನಿರತಾ ಹರಿಪಾದಕೃತಾಲಯಾ || ೩ ||

ಪವಿತ್ರರೂಪಿಣೀ ಧನ್ಯಾ ಸುಗಂಧಿನ್ಯಮೃತೋದ್ಭವಾ |
ಸುರೂಪಾರೋಗ್ಯದಾ ತುಷ್ಟಾ ಶಕ್ತಿತ್ರಿತಯರೂಪಿಣೀ || ೪ ||

ದೇವೀ ದೇವರ್ಷಿಸಂಸ್ತುತ್ಯಾ ಕಾಂತಾ ವಿಷ್ಣುಮನಃಪ್ರಿಯಾ |
ಭೂತವೇತಾಲಭೀತಿಘ್ನೀ ಮಹಾಪಾತಕನಾಶಿನೀ || ೫ ||

ಮನೋರಥಪ್ರದಾ ಮೇಧಾ ಕಾಂತಿರ್ವಿಜಯದಾಯಿನೀ |
ಶಂಖಚಕ್ರಗದಾಪದ್ಮಧಾರಿಣೀ ಕಾಮರೂಪಿಣೀ || ೬ ||

ಅಪವರ್ಗಪ್ರದಾ ಶ್ಯಾಮಾ ಕೃಶಮಧ್ಯಾ ಸುಕೇಶಿನೀ |
ವೈಕುಂಠವಾಸಿನೀ ನಂದಾ ಬಿಂಬೋಷ್ಠೀ ಕೋಕಿಲಸ್ವರಾ || ೭ ||

ಕಪಿಲಾ ನಿಮ್ನಗಾಜನ್ಮಭೂಮಿರಾಯುಷ್ಯದಾಯಿನೀ |
ವನರೂಪಾ ದುಃಖನಾಶಿನ್ಯವಿಕಾರಾ ಚತುರ್ಭುಜಾ || ೮ ||

ಗರುತ್ಮದ್ವಾಹನಾ ಶಾಂತಾ ದಾಂತಾ ವಿಘ್ನನಿವಾರಿಣೀ |
ಶ್ರೀವಿಷ್ಣುಮೂಲಿಕಾ ಪುಷ್ಟಿಸ್ತ್ರಿವರ್ಗಫಲದಾಯಿನೀ || ೯ ||

ಮಹಾಶಕ್ತಿರ್ಮಹಾಮಾಯಾ ಲಕ್ಷ್ಮೀವಾಣೀಸುಪೂಜಿತಾ |
ಸುಮಂಗಳ್ಯರ್ಚನಪ್ರೀತಾ ಸೌಮಂಗಳ್ಯವಿವರ್ಧಿನೀ || ೧೦ ||

ಚಾತುರ್ಮಾಸ್ಯೋತ್ಸವಾರಾಧ್ಯಾ ವಿಷ್ಣುಸಾನ್ನಿಧ್ಯದಾಯಿನೀ |
ಉತ್ಥಾನದ್ವಾದಶೀಪೂಜ್ಯಾ ಸರ್ವದೇವಪ್ರಪೂಜಿತಾ || ೧೧ ||

ಗೋಪೀರತಿಪ್ರದಾ ನಿತ್ಯಾ ನಿರ್ಗುಣಾ ಪಾರ್ವತೀಪ್ರಿಯಾ |
ಅಪಮೃತ್ಯುಹರಾ ರಾಧಾಪ್ರಿಯಾ ಮೃಗವಿಲೋಚನಾ || ೧೨ ||

ಅಮ್ಲಾನಾ ಹಂಸಗಮನಾ ಕಮಲಾಸನವಂದಿತಾ |
ಭೂಲೋಕವಾಸಿನೀ ಶುದ್ಧಾ ರಾಮಕೃಷ್ಣಾದಿಪೂಜಿತಾ || ೧೩ ||

ಸೀತಾಪೂಜ್ಯಾ ರಾಮಮನಃಪ್ರಿಯಾ ನಂದನಸಂಸ್ಥಿತಾ |
ಸರ್ವತೀರ್ಥಮಯೀ ಮುಕ್ತಾ ಲೋಕಸೃಷ್ಟಿವಿಧಾಯಿನೀ || ೧೪ ||

ಪ್ರಾತರ್ದೃಶ್ಯಾ ಗ್ಲಾನಿಹಂತ್ರೀ ವೈಷ್ಣವೀ ಸರ್ವಸಿದ್ಧಿದಾ |
ನಾರಾಯಣೀ ಸಂತತಿದಾ ಮೂಲಮೃದ್ಧಾರಿಪಾವನೀ || ೧೫ ||

ಅಶೋಕವನಿಕಾಸಂಸ್ಥಾ ಸೀತಾಧ್ಯಾತಾ ನಿರಾಶ್ರಯಾ |
ಗೋಮತೀಸರಯೂತೀರರೋಪಿತಾ ಕುಟಿಲಾಲಕಾ || ೧೬ ||

ಅಪಾತ್ರಭಕ್ಷ್ಯಪಾಪಘ್ನೀ ದಾನತೋಯವಿಶುದ್ಧಿದಾ |
ಶ್ರುತಿಧಾರಣಸುಪ್ರೀತಾ ಶುಭಾ ಸರ್ವೇಷ್ಟದಾಯಿನೀ || ೧೭ ||

ನಾಮ್ನಾಂ ಶತಂ ಸಾಷ್ಟಕಂ ತತ್ತುಲಸ್ಯಾಃ ಸರ್ವಮಂಗಳಮ್ |
ಸೌಮಂಗಳ್ಯಪ್ರದಂ ಪ್ರಾತಃ ಪಠೇದ್ಭಕ್ತ್ಯಾ ಸುಭಾಗ್ಯದಮ್ |
ಲಕ್ಷ್ಮೀಪತಿಪ್ರಸಾದೇನ ಸರ್ವವಿದ್ಯಾಪ್ರದಂ ನೃಣಾಮ್ || ೧೮ ||

ಇತಿ ತುಲಸ್ಯಷ್ಟೋತ್ತರಶತನಾಮಸ್ತೋತ್ರಂ ಸಂಪೂರ್ಣಮ್ |