ಶ್ರೀ ವರದರಾಜ ಸ್ತೋತ್ರಂ PDF ಕನ್ನಡ

Download PDF of Sri Varadaraja Stotram Kannada

ಶ್ರೀಮದ್ವರದರಾಜೇಂದ್ರಃ ಶ್ರೀವತ್ಸಾಂಕಃ ಶುಭಪ್ರದಃ |
ತುಂಡೀರಮಂಡಲೋಲ್ಲಾಸೀ ತಾಪತ್ರಯನಿವಾರಕಃ || ೧ ||

ಸತ್ಯವ್ರತಕ್ಷೇತ್ರವಾಸೀ ಸತ್ಯಸಜ್ಜನಪೋಷಕಃ |
ಸರ್ಗಸ್ಥಿತ್ಯುಪಸಂಹಾರಕಾರೀ ಸುಗುಣವಾರಿಧಿಃ || ೨ ||

ಹರಿರ್ಹಸ್ತಿಗಿರೀಶಾನೋ ಹೃತಪ್ರಣವದುಷ್ಕೃತಃ |
ತತ್ತ್ವರೂಪತ್ವಷ್ಟೃಕೃತ ಕಾಂಚೀಪುರವರಾಶ್ರಿತಃ || ೩ ||

ಬ್ರಹ್ಮಾರಬ್ಧಾಶ್ವಮೇಧಾಖ್ಯಮಹಾಮಖಸುಪೂಜಿತಃ |
ವೇದವೇದ್ಯೋ ವೇಗವತೀವೇಗಭೀತಾತ್ಮಭೂಸ್ತುತಃ || ೪ ||

ವಿಶ್ವಸೇತುರ್ವೇಗವತೀಸೇತುರ್ವಿಶ್ವಾಧಿಕೋಽನಘಃ |
ಯಥೋಕ್ತಕಾರಿನಾಮಾಢ್ಯೋ ಯಜ್ಞಭೃದ್ಯಜ್ಞರಕ್ಷಕಃ || ೫ ||

ಬ್ರಹ್ಮಕುಂಡೋತ್ಪನ್ನದಿವ್ಯಪುಣ್ಯಕೋಟಿವಿಮಾನಗಃ |
ವಾಣೀಪತ್ಯರ್ಪಿತಹಯವಪಾಸುರಭಿಲಾಧರಃ || ೬ ||

ವರದಾಭಯಹಸ್ತಾಬ್ಜೋ ವನಮಾಲಾವಿರಾಜಿತಃ |
ಶಂಖಚಕ್ರಲಸತ್ಪಾಣಿಶ್ಶರಣಾಗತರಕ್ಷಕಃ || ೭ ||

ಇಮಂ ಸ್ತವಂ ತು ಪಾಪಘ್ನಂ ಪುರುಷಾರ್ಥಪ್ರದಾಯಕಮ್ |
ಪಠತಾಂ ಶೃಣ್ವತಾಂ ಭಕ್ತ್ಯಾ ಸರ್ವಸಿದ್ಧಿರ್ಭವೇದ್ಧ್ರುವಮ್ || ೮ ||

ಇತಿ ಶ್ರೀನಾರದಪುರಾಣೇ ವರದರಾಜಸ್ತೋತ್ರಮ್ |

Stay updated with the latest Hindu Text, updates, and exclusive content. Join our WhatsApp channel now!

READ WITHOUT DOWNLOAD
ಶ್ರೀ ವರದರಾಜ ಸ್ತೋತ್ರಂ

Download this PDF