ஶ்ரீ விக²நஸ அஷ்டகம் PDF தமிழ்

ஶ்ரீ விக²நஸ அஷ்டகம் தமிழ் Lyrics

|| ஶ்ரீ விக²நஸ அஷ்டகம் ||

நாராயணாங்க்⁴ரி ஜலஜத்³வய ஸக்தசித்தம்
ஶ்ருத்யர்த²ஸம்பத³நுகம்பித சாருகீர்திம் ।
வால்மீகிமுக்²யமுநிபி⁴꞉ க்ருதவந்த³நாட்⁴யம்
ஶாந்தம் ஸதா³ விக²நஸம் முநிமாஶ்ரயாமி ॥ 1 ॥

லக்ஷ்மீபதே꞉ ப்ரியஸுதம் லலிதப்ரபா⁴வம்
மந்த்ரார்த²தத்த்வரஸிகம் கருணாம்பு³ராஶிம் ।
ப⁴க்தா(அ)நுகூலஹ்ருத³யம் ப⁴பப³ந்த⁴நாஶம்
ஶாந்தம் ஸதா³ விக²நஸம் முநிமாஶ்ரயாமி ॥ 2 ॥

ஶ்ரீவாஸுதே³வசரணாம்பு³ஜப்⁴ருங்க³ராஜம்
காமாதி³தோ³ஷத³மநம் பரவிஷ்ணுரூபம் ।
வைகா²நஸார்சிதபத³ம் பரமம் பவித்ரம்
ஶாந்தம் ஸதா³ விக²நஸம் முநிமாஶ்ரயாமி ॥ 3 ॥

ப்⁴ருக்³வாதி³ஶிஷ்யமுநிஸேவிதபாத³பத்³மம்
யோகீ³ஶ்வரேஶ்வரகு³ரும் பரமம் த³யாளும் ।
பாபாபஹம் ப⁴க³த³ர்பிதசித்தவ்ருத்திம்
ஶாந்தம் ஸதா³ விக²நஸம் முநிமாஶ்ரயாமி ॥ 4 ॥

கண்டா²வலக்³நதுலஸீநலிநாக்ஷமாலா
காந்திப்ரகாஶவிளஸத்³க⁴நபீநவத்ஸம் ।
ஸ்மேராநநாம்பு³ஜ லஸத்³த⁴வளோர்த்⁴வபுண்ட்³ரம்
ஶாந்தம் ஸதா³ விக²நஸம் முநிமாஶ்ரயாமி ॥ 5 ॥

வேதா³ந்தவேத்³யமகி²லார்த²விதா³ம் வரிஷ்ட²ம்
ஶ்ரீகாந்தபாத³ஸரஸீருஹலக்³நசித்தம் ।
கேயூரஹாரமணிராஜவிபூ⁴ஷிதாங்க³ம்
ஶாந்தம் ஸதா³ விக²நஸம் முநிமாஶ்ரயாமி ॥ 6 ॥

காஷாயவஸ்த்ரகமநீயஜடாகலாபம்
த³ண்ட³த்ரயோஜ்ஜ்வலகரம் விமலோபவீதம் ।
லோகாவளோகநகரம் விக³ளத்³விசாரம்
ஶாந்தம் ஸதா³ விக²நஸம் முநிமாஶ்ரயாமி ॥ 7 ॥

ஸ்வாப³த்³த⁴ஸூத்ரக³தவிஷ்ணுப³லிப்ரமேயா-
-தா³க³ர்ப⁴வைஷ்ணவமுபாதி³ஶதா³த³ராத்³ய꞉ ।
தத்தாத்³ருஶம் பு³த⁴வஶம் விநிபாதிதாஶம்
ஶாந்தம் ஸதா³ விக²நஸம் முநிமாஶ்ரயாமி ॥ 8 ॥

ஏவம் பரம் விக²நஸாஷ்டகமாத்மநா யே
ஶ்ருண்வந்தி சாத்மநி பட²ந்தி மஹாத³ரேண
தாந்முக்ததோ³ஷ நிசயாநபவர்க³யோக்³யான்
ஸம்ப்ரீத ஆஶு தநுயாத்கமலா ஸுபுத்ர꞉ ॥ 9 ॥

இதி ஶ்ரீ விக²நஸாஷ்டகம் ॥