ಶ್ರೀ ವಿಖನಸಾಷ್ಟೋತ್ತರಶತನಾಮ ಸ್ತೋತ್ರಂ PDF ಕನ್ನಡ

ಶ್ರೀ ವಿಖನಸಾಷ್ಟೋತ್ತರಶತನಾಮ ಸ್ತೋತ್ರಂ ಕನ್ನಡ Lyrics

|| ಶ್ರೀ ವಿಖನಸಾಷ್ಟೋತ್ತರಶತನಾಮ ಸ್ತೋತ್ರಂ ||

ಅಸ್ಯ ಶ್ರೀವಿಖನಸಾಷ್ಟೋತ್ತರಶತನಾಮ ಸ್ತೋತ್ರಮಹಾಮಂತ್ರಸ್ಯ ಭಗವಾನ್ ಭೃಗುಮಹರ್ಷಿಃ, ಅನುಷ್ಟುಪ್ಛಂದಃ, ಶ್ರೀಮನ್ನಾರಾಯಣೋ ದೇವತಾ, ಆತ್ಮಯೋನಿಃ ಸ್ವಯಂಜಾತ ಇತಿ ಬೀಜಂ, ಗರ್ಭವೈಷ್ಣವ ಇತಿ ಶಕ್ತಿಃ, ಶಂಖಚಕ್ರಗದಾಪದ್ಮೇತಿ ಕೀಲಕಂ, ಶಾರ್ಙ್ಗಭೃನ್ನಂದಕೀತ್ಯಸ್ತ್ರಂ, ನಿಗಮಾಗಮ ಇತಿ ಕವಚಂ, ಪರಮಾತ್ಮ ಸಾಧನೌ ಇತಿ ನೇತ್ರಂ, ಪರಂಜ್ಯೋತಿಸ್ವರೂಪೇ ವಿನಿಯೋಗಃ, ಸನಕಾದಿ ಯೋಗೀಂದ್ರ ಮುಕ್ತಿಪ್ರದಮಿತಿ ಧ್ಯಾನಂ, ಅಷ್ಟಚಕ್ರಮಿತಿ ದಿಗ್ಭಂಧಃ, ಶ್ರೀವಿಖನಸಬ್ರಹ್ಮಪ್ರೀತ್ಯರ್ಥೇ ಜಪೇ ವಿನಿಯೋಗಃ ||

ಧ್ಯಾನಮ್ –
ಶಂಖಾರಿನ್ನಿಜಲಾಂಛನೈಃ ಪರಿಗತನ್ ಚಾಂಬೋಧಿತಲ್ಪೇಸ್ಥಿತಂ
ಪ್ರೇಮ್ನೋದ್ದೇಶ್ಯ ಸಮಂತ್ರತಂತ್ರವಿದುಷಾಂ ತತ್ಪೂಜನೇ ಶ್ರೇಷ್ಠಿತಮ್ |
ತಂ ಕೃತ್ವೋತ್ಕೃಪಯಾ ಮನಃಸರಸಿಜೇ ಸಂಭೂತವಂತಂ ಹೃದಿ
ಧ್ಯಾಯಾಮ್ಯಾರ್ತಜನಾವನಂ ವಿಖನಸಂ ಯೋಗಪ್ರಭಾವಲ್ಲಭಮ್ ||

ಸ್ತೋತ್ರಮ್ –
ಶ್ರೀಮನ್ಯೋಗಪ್ರಭಾಸೀನಃ ಮನ್ತ್ರವೇತ್ತಾತ್ರಿಲೋಕಧೃತ್ |
ಶ್ರವಣೇಶ್ರಾವಣೇಶುಕ್ಲಸಮ್ಭವೋ ಗರ್ಭವೈಷ್ಣವಾಃ || ೧ ||

ಭೃಗ್ವಾದಿಮುನಯಃ ಪುತ್ರಾಃ ತ್ರಿಲೋಕಾತ್ಮಾ ಪರಾತ್ಪರಃ |
ಪರಂಜ್ಯೋತಿಸ್ವರೂಪಾತ್ಮಾ ಸರ್ವಾತ್ಮಾ ಸರ್ವಶಾಸ್ತ್ರಭೃತ್ || ೨ ||

ಯೋಗಿಪುಂಗವಸಂಸ್ತುತ್ಯಸ್ಫುಟಪಾದಸರೋರೂಹಃ |
ವೇದಾಂತವೇದಪುರುಷಾಂ ವೇದಾಂಗೋ ವೇದಸಾರವಿತ್ || ೩ ||

ಸೂರ್ಯೇಂದುನಯನದ್ವಂದ್ವಃ ಸ್ವಯಂಭೂರಾದಿವೈಷ್ಣವಃ |
ಆರ್ತಲೋಕಮನಃಪದ್ಮರಂಜಿತಭ್ರಮರಾಹ್ವಯಃ || ೪ ||

ರಾಜೀವಲೋಚನಃ ಶೌರಿಃ ಸುಂದರಃ ಪುರುಷೋತ್ತಮಃ |
ಸಮಾರಾಧನದೀಕ್ಷೋ ವಾ ಸ್ಥಾಪಕಃ ಸ್ಥಾನಿಕಾರ್ಚಕಃ || ೫ ||

ಆಚಾರ್ಯಸ್ತ್ರಿಜಗಜ್ಜೇತಾ ಜಗನ್ನಾಥೋ ಜನಾರ್ದನಃ |
ಶತಕೋಟಿಸಹಸ್ರಾಂಶುತೇಜೋವದ್ದಿವ್ಯವಿಗ್ರಹಃ || ೬ ||

ಭೋಕ್ತಾ ಗೋಪ್ತಾಽಮರೇಂದ್ರೋ ವಾ ಸುಮೇಧಾ ಧರ್ಮವರ್ಧನಃ |
ಕ್ಷೇತ್ರಜ್ಞಃ ಪುಂಡರೀಕಾಕ್ಷಃ ಶ್ರೇಷ್ಠಾಂ ಗಂಭೀರಸದ್ಗುಣಃ || ೭ ||

ಜಿತೇಂದ್ರಿಯಃ ಸುಪ್ರಸಾದಃ ಅಪ್ರಮೇಯಪ್ರಕಾಶನಃ |
ಧೃಕ್ಕರಾಬ್ಜೋ ರಮಾಪುತ್ರೋ ಮೃಗಚರ್ಮಾಂಬರೋಽಚ್ಯುತಃ || ೮ ||

ಪದ್ಮೋದ್ಭವಾಗ್ರಜೋ ಮುಖ್ಯಃ ಧೃತದಂಡಕಮಂಡಲುಃ |
ವೈಖಾನಸಾಗಮನಿಧಿರ್ನೈಕರೂಪೋ ನಿರಂಜನಃ || ೯ ||

ಗರ್ಭಚಕ್ರಾಂಕನಧರಃ ಶುಚಿಃ ಸಾಧುಃ ಪ್ರತಾಪನಃ |
ಯೋಗಬ್ರಹ್ಮಾ ಪರಬ್ರಹ್ಮಾ ನಿರಾಮಯತಪೋನಿಧಿಃ || ೧೦ ||

ಮಾಧವಾಂಘ್ರಿಸರೋಜಾತಪೂಜಾರ್ಹಶ್ರೀಚತುರ್ಭುಜಃ |
ಅನಘೋ ಭಗವಾನ್ವಿಷ್ಣುಃ ವಿಜಯೋ ನಿತ್ಯಸದ್ಗುಣಃ || ೧೧ ||

ವಿರಾಣ್ಮಾನಸಪುತ್ರೋ ವಾ ಚಕ್ರಶಂಖಧರಃ ಪರಃ |
ಕ್ರೋಧಹಾ ಶತ್ರುಹಾ ದೃಶ್ಯಃ ಬ್ರಹ್ಮರೂಪಾರ್ತವತ್ಸಲಃ || ೧೨ ||

ಕಾಮಹಾ ಧರ್ಮಭೃದ್ಧರ್ಮೀ ವಿಶಿಷ್ಟಃ ಶಾಶ್ವತಃ ಶಿವಃ |
ಅವ್ಯಯಃ ಸರ್ವದೇವೇಶಃ ಅಚಿಂತ್ಯೋ ಭಯನಾಶನಃ || ೧೩ ||

ಯೋಗೀಂದ್ರೋ ಯೋಗಪುರುಷರಾದಿದೇವೋ ಮಹಾಮನಾಃ |
ವೈಖಾನಸಮುನಿಶ್ರೇಷ್ಠಃ ನಿಧಿಭೃತ್ಕಾಂಚನಾಂಬರಃ || ೧೪ ||

ನಿಯಮಃ ಸಾತ್ತ್ವಿಕಶ್ರೀದಸ್ತಾರಕಃ ಶೋಕನಾಶನಃ |
ಅರ್ಚನಾಕ್ಷಮಯೋಗೀಶಃ ಶ್ರೀಧರಾರ್ಚಿಃ ಶುಭೋ ಮಹಾನ್ || ೧೫ ||

ಮುಕ್ತಿದಃ ಪರಮೈಕಾಂತಃ ಶ್ರೀನಿಧಿಃ ಶ್ರೀಕರೋ ರುಚಿಃ |
ಚಂದ್ರಿಕಾಚಂದ್ರಧವಳಮಂದಹಾಸಯುತಾನನಃ || ೧೬ ||

ಸುಖವ್ಯಾಪ್ತೋ ವಿಖನಸೋ ವಿಖನೋಮುನಿಪುಂಗವಃ |
ದಯಾಳುಃ ಸತ್ಯಭಾಷೋ ವಾ ಸುಮೂರ್ತಿರ್ದಿವ್ಯಮೂರ್ತಿಮಾನ್ || ೧೭ ||

ಇತ್ಯೇವಂ ಶ್ರೀವಿಖನಸೋ ನಾಮ್ನಾಮಷ್ಟೋತ್ತರಂ ಶತಮ್ |
ಯಾತ್ರಾಕಾಲೇ ವಿಶೇಷೇ ಚ ಜ್ಞಾನಾಽಜ್ಞಾನಕೃತೇಽಪಿ ಚ || ೧೮ ||

ಸ್ನಾನೇಷು ಸರ್ವಕಾಲೇಷು ಸೂರ್ಯಚಂದ್ರೋಪರಾಗಕೇ |
ಪ್ರಯಾಣೇ ಭೋಜನೇ ತಲ್ಪೇ ವಿದ್ಯಾರಂಭೇ ಮಹೋತ್ಸವೇ || ೧೯ ||

ತ್ರಿಸಂಧ್ಯಾಯಾಂ ಪಠೇನ್ನಿತ್ಯಂ ಸರ್ವತ್ರ ವಿಜಯೀ ಭವೇತ್ |
ಸರ್ವಕಾಮಾರ್ಥವೃದ್ಧೇಶ್ಚ ಸಿದ್ಧಿದಂ ಫಲದಂ ಭವೇತ್ || ೨೦ ||

ಭವ್ಯಾಯ ಮೌನಿವರ್ಯಾಯ ಪರಿಪುತಾಯ ವಾಗ್ಮಿನೇ |
ಯೋಗಪ್ರಭಾಸಮೇತಾಯ ಶ್ರೀಮದ್ವಿಖನಸೇ ನಮಃ || ೨೧ ||

ಇತಿ ಶ್ರೀ ವಿಖನಸಾಷ್ಟೋತ್ತರಶತನಾಮ ಸ್ತೋತ್ರಮ್ ||