ஶ்ரீ விஷ்ணு கவச ஸ்தோத்ரம் PDF தமிழ்

|| ஶ்ரீ விஷ்ணு கவச ஸ்தோத்ரம் ||

அஸ்ய ஶ்ரீவிஷ்ணுகவசஸ்தோத்ரமஹாமந்த்ரஸ்ய, ப்³ரஹ்மா ருஷி꞉, அநுஷ்டுப் ச²ந்த³꞉, ஶ்ரீமந்நாராயணோ தே³வதா, ஶ்ரீமந்நாராயணப்ரஸாத³ஸித்³த்⁴யர்தே² ஜபே விநியோக³꞉ ।

ஓம் கேஶவாய அங்கு³ஷ்டா²ப்⁴யாம் நம꞉ ।
ஓம் நாராயணாய தர்ஜநீப்⁴யாம் நம꞉ ।
ஓம் மாத⁴வாய மத்⁴யமாப்⁴யாம் நம꞉ ।
ஓம் கோ³விந்தா³ய அநாமிகாப்⁴யாம் நம꞉ ।
ஓம் விஷ்ணவே கநிஷ்டி²காப்⁴யாம் நம꞉ ।
ஓம் மது⁴ஸூத³நாய கரதலகரப்ருஷ்டா²ப்⁴யாம் நம꞉ ॥

ஓம் த்ரிவிக்ரமாய ஹ்ருத³யாய நம꞉ ।
ஓம் வாமநாய ஶிரஸே ஸ்வாஹா ।
ஓம் ஶ்ரீத⁴ராய ஶிகா²யை வஷட் ।
ஓம் ஹ்ருஷீகேஶாய கவசாய ஹும் ।
ஓம் பத்³மநாபா⁴ய நேத்ரத்ரயாய வௌஷட் ।
ஓம் தா³மோத³ராய அஸ்த்ராய ப²ட் ।
பூ⁴ர்பு⁴வஸ்ஸுவரோமிதி தி³க்³ப³ந்த⁴꞉ ॥

த்⁴யாநம் ।
ஶாந்தாகாரம் பு⁴ஜக³ஶயநம் பத்³மநாப⁴ம் ஸுரேஶம்
விஶ்வாகாரம் க³க³நஸத்³ருஶம் மேக⁴வர்ணம் ஶுபா⁴ங்க³ம் ।
லக்ஷ்மீகாந்தம் கமலநயநம் யோகி³ஹ்ருத்³த்⁴யாநக³ம்யம்
வந்தே³ விஷ்ணும் ப⁴வப⁴யஹரம் ஸர்வலோகைகநாத²ம் ॥

ஓம் பூர்வதோ மாம் ஹரி꞉ பாது பஶ்சாச்சக்ரீ ச த³க்ஷிணே ।
க்ருஷ்ண உத்தரத꞉ பாது ஶ்ரீஶோ விஷ்ணுஶ்ச ஸர்வத꞉ ॥

ஊர்த்⁴வமாநந்த³க்ருத்பாது அத⁴ஸ்தாச்சா²ர்ங்க³ப்⁴ருத்ஸதா³ ।
பாதௌ³ பாது ஸரோஜாங்க்⁴ரி꞉ ஜங்கே⁴ பாது ஜநார்த³ந꞉ ॥

ஜாநுநீ மே ஜக³ந்நாத²꞉ ஊரூ பாது த்ரிவிக்ரம꞉ ।
கு³ஹ்யம் பாது ஹ்ருஷீகேஶ꞉ ப்ருஷ்ட²ம் பாது மமாவ்யய꞉ ॥

பாது நாபி⁴ம் மமாநந்த꞉ குக்ஷிம் ராக்ஷஸமர்த³ந꞉ ।
தா³மோத³ரோ மே ஹ்ருத³யம் வக்ஷ꞉ பாது ந்ருகேஸரீ ॥

கரௌ மே காளியாராதி꞉ பு⁴ஜௌ ப⁴க்தார்திப⁴ஞ்ஜந꞉ ।
கண்ட²ம் காலாம்பு³த³ஶ்யாம꞉ ஸ்கந்தௌ⁴ மே கம்ஸமர்த³ந꞉ ॥

நாராயணோ(அ)வ்யாந்நாஸாம் மே கர்ணௌ கேஶிப்ரப⁴ஞ்ஜந꞉ ।
கபோலே பாது வைகுண்டோ² ஜிஹ்வாம் பாது த³யாநிதி⁴꞉ ॥

ஆஸ்யம் த³ஶாஸ்யஹந்தா(அ)வ்யாத் நேத்ரே மே ஹரிலோசந꞉ । [** பத்³மலோசந꞉ **]
ப்⁴ருவௌ மே பாது பூ⁴மீஶோ லலாடம் மே ஸதா³(அ)ச்யுத꞉ ॥

முக²ம் மே பாது கோ³விந்த³꞉ ஶிரோ க³ருட³வாஹந꞉ ।
மாம் ஶேஷஶாயீ ஸர்வேப்⁴யோ வ்யாதி⁴ப்⁴யோ ப⁴க்தவத்ஸல꞉ ॥

பிஶாசாக்³நிஜ்வரேப்⁴யோ மாமாபத்³ப்⁴யோ(அ)வது வாமந꞉ ।
ஸர்வேப்⁴யோ து³ரிதேப்⁴யஶ்ச பாது மாம் புருஷோத்தம꞉ ॥

இத³ம் ஶ்ரீவிஷ்ணுகவசம் ஸர்வமங்க³ளதா³யகம் ।
ஸர்வரோக³ப்ரஶமநம் ஸர்வஶத்ருவிநாஶநம் ॥

இதி ஶ்ரீ விஷ்ணு கவசம் ।