Stuti (स्तुति संग्रह)

|| अक्रूरकृता श्रीकृष्णस्तुतिः || दृष्ट्वा तस्मिन् जले देवं विस्मयं परमं ययौ । तुष्टावाथ यदुश्रेष्ठो हरिं सर्वगमीश्वरम् ॥ ३०४॥ अक्रूर उवाच कालात्मने नमस्तुभ्यमनादिनिधनाय च । अव्यक्ताय नमस्तुभ्यमविकाराय ते नमः ॥ ३०५॥ भूतभर्त्रे नमस्तुभ्यं भूतव्याघ्र नमो नमः । नमस्ते सर्वभूतानां नियन्त्रे परमात्मने ॥ ३०६॥ विकारायाविकाराय प्रत्यक्षपुरुषाय च । गुणभर्त्रे नमस्तुभ्यं नियमाय नमो नमः ॥ ३०७॥ देशकालादिनिर्भेदरहिताय परात्मने…

|| नारदमुनिकृता एकदन्तस्तुतिः || ॥ श्रीगणेशाय नमः ॥ देवर्षय ऊचुः । सदात्मरूपं सकलादिभूतममायिनं सोऽहमचिन्त्यबोधम् । अथादिमध्यान्तविहीनमेकं तमेकदन्तं शरणं व्रजामः ॥ ३॥ अनन्तचिद्रूपमयं गणेशमभेदभेदादिविहीनमाद्यम् । हृदि प्रकाशस्य धरं स्वधीस्थं तमेकदन्तं शरणं व्रजामः ॥ ४॥ समाधिसंस्थं हृदि योगिनां तु प्रकाशरूपेण विभान्तमेवम् । सदा निरालम्बसमाधिगम्यं तमेकदन्तं शरणं व्रजामः ॥ ५॥ स्वबिम्बभावेन विलासयुक्तां प्रकृत्य मायां विविधस्वरूपाम् । सुवीर्यकं तत्र…

|| चन्द्रकृता श्रीगणेशस्तुतिः || ॥ श्रीगणेशाय नमः ॥ चन्द्र उवाच । नमस्ते विघ्नपालाय गणेशाय परात्मने । ब्रह्मेशाय स्वभक्तेभ्यो ब्रह्मभूयप्रदाय ते ॥ ९५॥ अनामयाय सर्वादिपूज्याय तु नमो नमः । शिवात्मजाय देवाय विष्णुपुत्राय ते नमः ॥ ९६॥ ब्रह्मपुत्राय सूर्यस्य पुत्र ते विघ्नहारिणे । शक्तिपुत्राय शेषस्य पुत्राय च नमो नमः ॥ ९७॥ सर्वपुत्राय सर्वेषां मात्रे पित्रे नमो नमः…

|| देवर्षयकृता श्रीचतुर्भुजस्तुतिः || ॥ श्रीगणेशाय नमः ॥ देवर्षय ऊचुः । नमस्ते काश्यपायैव चतुर्भुजाय ढुण्ढये । अनादये गणेशाय विघ्नेशाय नमो नमः ॥ ३५॥ परेशाय परेषां च पतये परमात्मने । विनायकाय विप्रेभ्यो वरदाय नमो नमः ॥ ३६॥ लम्बोदराय सर्वेषामुदरस्थाय ते नमः । महोदराय ज्येष्ठाय ब्राह्मणाय नमो नमः ॥ ३७॥ क्षत्राणां क्षात्रधर्माय वैश्यानां वैश्यरूपिणे । शूद्राणां शूद्रधर्माय…

|| धूम्रवर्णस्तुतिः देवर्षिभिः प्रोक्ता || ॥ श्रीगणेशाय नमः ॥ शिव उवाच शान्तिरूपधरं पूर्णं गाणेशाहङ्कृतिस्थितम् । अहं दृष्ट्वा सुरा विप्रा विस्मिता अभवन् द्विजाः । १ ततस्ते धूम्रवर्णं वै पुपूजुर्भक्तिसंयुताः । पुनः प्रणम्य तं सर्वे तूष्टुवुः करसम्पुटाः ॥ २॥ देवर्षय ऊचुः अजायाथ सर्वादिपूज्याय नित्यं निरालम्बनेति स्वरूपाय ढुण्ढे ! । सदाऽव्यक्तरूपाय सर्वान्तगाय नमो धूम्रवर्णाय सर्वेश्वराय ॥ ३॥ सदा…

|| ब्रह्माण्यकृता धूम्रवर्णस्तुतिः || ॥ श्रीगणेशाय नमः ॥ ब्रह्माण्यूचुः । नमस्ते धूम्रवर्णाय गणेशाकृतिधारिणे । बिम्बाय शङ्करायैव शम्भवे ते नमो नमः ॥ २९॥ अमेयशक्तये तुभ्यं पार्वतीपतये नमः । वृषध्वजाय देवाय सहजाय नमो नमः ॥ ३०॥ मायाश्रयाय मायायाश्चालकाय परात्मने । महेश्वराय पूर्णाय हेरम्बाय नमो नमः ॥ ३१॥ जटाजूटधरायैव निर्मोहाय सदाशिव । परेशाय त्रिशूलादिधारिणे ते नमो नमः ॥…

|| नारदमुनिकृता पुष्टिपतिस्तुतिः || ॥ श्रीगणेशाय नमः ॥ देवर्षय ऊचुः । जय देव गणाधीश जय विघ्नहराव्यय । जय पुष्टिपते ढुण्ढे जय सर्वेश सत्तम ॥ १७॥ जयानन्त गुणाधार जय सिद्धिप्रद प्रभो । जय योगेन योगात्मन् जय शान्तिप्रदायक ॥ १८॥ जय ब्रह्मेश सर्वज्ञ जय सर्वप्रियङ्कर । जय स्वानन्दपस्थायिन् जय वेदविदांवर ॥ १९॥ जय वेदान्तवादज्ञ जय वेदान्तकारण ।…

|| अरुणकृता श्रीभानुविनायकस्तुतिः || ॥ श्रीगणेशाय नमः ॥ अरुण उवाच । नमस्ते गणनाथाय तेजसां पतये नमः । अनामयाय देवेश आत्मने ते नमो नमः ॥ ३३॥ ब्रह्मणां पतये तुभ्यं जीवानां पतये नमः । आखुवाहनगायैव सप्ताश्वाय नमो नमः ॥ ३४॥ स्वानन्दवासिने तुभ्यं सौरलोकनिवासिने । चतुर्भुजधरायैव सहस्रकिरणाय च ॥ ३५॥ सिद्धिबुद्धिपते तुभ्यं संज्ञानाथाय ते नमः । विघ्नहन्त्रे तमोहन्त्रे…

|| योगाधिपतिश्रीगणेशस्तुतिः || ॥ श्रीगणेशाय नमः ॥ अयोग उवाच । शान्तिस्वरूपाय सुशान्तिदाय वाणीमनोहीनतमाय ढुण्ढे । वाणीमनोयुक्तविचारिणे वै योगाय योगाधिपते नमस्ते ॥ ३॥ वाणीमनोयुक्तमयं वदामि नो विश्वरूपोऽसि कथं स्तवीमि । नित्यं गणेशाय नमो महात्मन् योगाय योगाधिपते नमस्ते ॥ ४॥ वाणीमनोहीनमयं कथं त्वां ब्रुवेऽद्य संयोगमयं कदा च । नो योगरूपं त्वथ ते नमो वै योगाय योगाधिपते नमस्ते…

|| नारदमुनिकृता मूषकगस्तुतिः || ॥ श्रीगणेशाय नमः ॥ देवर्षय ऊचुः । सर्वेषां भोगभोक्त्रे मूषकगाय नमो नमः । सर्वदेवाधिदेवाय गणेशाय नमो नमः ॥ ३१॥ लम्बोदराय विघ्नानां नायकाय परात्मने । भक्तानां विघ्नहर्त्रे ते विघ्नदात्रे दुरात्मनाम् ॥ ३२॥ हेरम्बाय नमस्तुभ्यं भक्तवत्सलरूपिणे । स्वानन्दवासिने चैव परेशाय नमो नमः ॥ ३३॥ महोदराय पूज्याय सर्वेषां सर्वरूपिणे । सर्वादिपूज्यकायैव वक्रतुण्डाय ते नमः…

|| देवर्षयमूषककृता मूषकगस्तुतिः || ॥ श्रीगणेशाय नमः ॥ देवर्षय ऊचुः । नमस्ते स्तेयरूपाय सर्वहृत्स्थाय धीमते । अन्तर्भोगकरायैव मूषकाय नमो नमः ॥ ६॥ मायया स्तेयरूपिण्या मोहयित्वा चराचरम् । चौरवद्भोगकर्ता त्वं चौररूपाय ते नमः ॥ ७॥ चराचरमयायैव चराचरधराय ते । सर्वाधीशाय लोकाय कालकालाय ते नमः ॥ ८॥ अनादये महेशाय चतुर्वर्गप्रदायिने । गणेशवाहनायैव गणेशध्वजसंस्थित ॥ ९॥ सर्वत्रग गणाधीशस्त्वया…

|| विकटस्तुतिः देवर्षिभिः प्रोक्ता || ॥ श्रीगणेशाय नमः ॥ आदिशक्तिरुवाच – कामासुरं महाशान्तियुतं दृष्ट्वा सुरर्षयः । विस्मिता विकटं पूज्यं तुष्टुवुः करसम्पुटाः ॥ १॥ देवर्षय ऊचुः अजं पुराणं परमव्ययं च सदात्मरूपं सकलावभासम् । असद्विहीनं विविधान्तरस्थं भजामहे तं विकटं परेशम् ॥ २॥ अनादिमध्यान्तविवर्जितं यत्सुजीवनं जीवनधर्मधारम् । सदाऽमृतं ब्रह्म विकारहीनं भजामहे तं विकटं परेशम् ॥ ३॥ त्वयैव माया…

|| विकटस्तुतिः कामासुरेण प्रोक्तम् || ॥ श्रीगणेशाय नमः ॥ कामः करपुटं कृत्वा त्यक्त्वा शस्त्रादिकं पुरः । विकटं प्रणनामाथ हर्षयुक्तस्वभावतः ॥ ३२॥ प्रणम्य पूजयामास पुनर्यत्नेन विघ्नपम् । तुष्टाव भक्तिसंयुक्तोऽसुरः कामो गजाननम् ॥ ३३॥ कामासुर उवाच – नमस्ते विकटायैव गणेशाय परात्मने । सर्वपूज्याय सर्वेश! देवासुरमयाय च ॥ ३४॥ अनन्तमाययायुक्त! ब्रह्मभूतस्वरूपिणे । गजाननाय हेरम्ब! देवेशाय नमो नमः ॥…

|| श्रीश्वेतारण्यस्तुतिः || श्रीमत्कीर्तिपवित्रितत्रिजगतश्चेतस्य रक्षाच्छला(जगतः श्वेतस्य) च्छ्वेतारण्यपुरे चिराय विहरन् देवो विभूत्यै भुवः । सत्यज्ञानसुधैकमूर्तिरखिलानर्थान् कृतान्तद्विषन् दाता मे भवतादपारकरुणापीयूषपाथोनिधिः ॥ १॥ श्रीमानद्भुतसत्कवित्वपदवीनित्याध्वनीनो वशी यो जागर्ति जगत्प्रकाशमहिमा वीरः प्रकाशेश्वरः । तस्य श्रीरविवर्मदेवनृपतेर्वाचा कृतान्तद्रुहः श्वेतारण्यविहारिणो भगवतः सेवाक्रमो वक्ष्यते ॥ २॥ जय जय जगदेकनाथ जनिमरणजलधितरणपोतायमानकरुणाकटाक्षलेश निशाकरकलापीड विशालतरभक्तिनिरतिशयश्वेतमानमानसश्वेतमुनिजीवितजीवातुलतापल्लवस्य निशातशूलविदारितकृतान्तभुजान्तरालस्य भगवतः परक्रोडपुरे परिक्रीडमानस्य चरणसरसिजयुगलमगलितादरमनुदिनमुपासे उदयशैलशिखरमधिरुक्षत्युपचिततमःपटलपाटनोद्वेगिनि उद्वेलवियोगवेदनाकलुषितचक्रवाकमहिलाचक्रवालसम्प्रेक्ष्यमाणोदये भगवति दिवाकरे सपद्युज्जृम्भमाणप्राभातिकमहितमङ्गलशङ्खध्वनिश्रवणविद्राणनिद्राविशेषसमधिकमनःप्रसादः समुत्थाय समाहितात्मा…

|| श्रीसुब्रह्मण्यशक्तिस्तुतिः || शक्ते भजे त्वां जगतो जनित्रीं सुखस्य दात्रीं प्रणतार्तिहन्त्रीम् । नमो नमस्ते गुहहस्तभूषे भूयो नमस्ते हृदि सन्निधत्स्व ॥ इति श्री आदिशङ्कराचार्यकृता श्रीसुब्रह्मण्यशक्तिस्तुतिः समाप्ता ।

|| श्रीचन्द्रशेखरेन्द्रसरस्वतीगुरुस्तुतिपञ्चकम् || शिवगुरुनन्दन-शङ्करशोभित-कामपदाङ्कित-पीठपते नृपजनवन्दित विश्वमनोहर सर्वकलाधर पूततनो । श्रुतिमतपोषक दुर्मतशिक्षक सज्जनरक्षक कल्पतरो जय जय हे शशिशेखरदेशिक काञ्चिमठेश्वर पालय माम् ॥ १॥ श्रीधर शशिधर भेदविकल्पन दोषनिवारण धीरमते रघुपतिपूजित-लिङ्गसमर्चन-जातमनोहर शीलतनो । बहुविधपण्डितमण्डल-मण्डित संसदिपूजित वेदनिधे जय जय हे शशिशेखरदेशिक काञ्चिमठेश्वर पालय माम् ॥ २॥ हिमगिरिसम्भव-दिव्यसरिद्वरशोभि-शिरोवर भक्तिनिधे निजसकलागम-शास्त्रविमर्शक पण्डितमण्डल-वन्द्यतनो । बुधजनरञ्जक दुर्जनमानस-दोषनिवारक-वाक्यरते जय जय हे शशिशेखरदेशिक काञ्चिमठेश्वर पालय…

|| अणुवायुस्तुतिः || चन्द्रविभूषणचन्द्रपुरोगैर्वन्द्यपदाम्बुरुहं पवमानम् । आनन्दतीर्थमहामुनिराजं गोविन्दभक्तशिखामणिमीडे ॥ १॥ प्राणगणाधिपतिं भुवि वाणीप्राणसमं दयया ह्यवतीर्णम् । आनन्दतीर्थमहामुनिराजं गोविन्दभक्तशिखामणिमीडे ॥ २॥ श्री हनूमन्तमनन्तभुजिष्यं लङ्घितसिन्धुमुदस्तमहीध्रम् । आनन्दतीर्थमहामुनिराजं गोविन्दभक्तशिखामणिमीडे ॥ ३॥ भीषणदुष्टकुलान्तकभीमं भीममभीतिदमिष्टजनानाम् । आनन्दतीर्थमहामुनिराजं गोविन्दभक्तशिखामणिमीडे ॥ ४॥ शान्तमनन्तनिशान्तसमाह्वे शान्तकुले किल जातम् । आनन्दतीर्थमहामुनिराजं गोविन्दभक्तशिखामणिमीडे ॥ ५॥ ॥ इति श्रीकल्याणीदेविविरचिता अणुवायुस्तुतिः समाप्ता ॥

|| श्रीसत्यवीरतीर्थस्तुतिः || आदिघट्टाञ्जनेयस्य मूलरामस्य चार्चकम् । धर्मसंस्थापनासक्तं सत्यवीरमहं भजे ॥ १॥ मारिकावारकं राज्ञे सत्सन्तानप्रदं मुदा । स्वाराज्यस्थापकं तप्तचक्रभूषणकारकम् ॥ २॥ स्वरूपं वादिराजस्य बोधयन्तं निजान् प्रति । निरस्तभृत्यसमयान् शासयन्तं हिताय वै ॥ ३॥ विद्वत्सभादिव्याजेन विद्वत्पोषकमादरात् । विद्वदग्रेसरं शुद्धयतिधर्मप्रपालकम् ॥ ४॥ सत्पराक्रमसच्छिष्यं सत्यधीरगुरुं बुधम् । सुवर्णप्राणसद्भक्तं सत्यवीरमहं भजे ॥ ५॥ सत्यात्मरचितां पञ्चपद्यीं यः पठतेऽनिशम् । ज्ञानभक्तिविरक्त्यादि…

|| हिमवान्कृता ईश्वरस्तुतिः || दिक्चेल भालतिलकानल कालकाल व्यालेन्द्रमाल गरनील कराब्जशूल । लीलाकृताङ्ग निखिलागमतत्वमूल बालार्धगात्र मुनिबालकृतालबाल ॥ ९॥ तिग्मांशुशीतांशुजहव्यवाह- नेत्रोज्वलन्मदनकाय उमासहाय । भूदारदार नरसिह्मविदारणेश दैत्योरुसिन्धुरकटीतटचर्मवस्त्र ॥ १०॥ गङ्गातुङ्गजटोरुशेखर सुधाधामार्धखण्डोज्वल स्थूलापारद्विजिह्वहारवलय प्रोद्यज्झणन्नूपुर । उक्षेन्द्रोत्तमवाहनाव्यय हराधारोरुसंस्यन्दन (सत्स्यन्दन) सोमार्यम्णकचक्रकर्षण महाबाहार्ववेदोत्तम ॥ ११॥ शम्भो मे दिश भद्रमद्य दयया मां पाहि सर्वेश्वर पाथोजातभवोत्तमाङ्गहरणापारव्यथां संहर । पद्मोत्थापतिनेत्रपद्मनिबहापारार्चिताब्जाङ्घ्रिक (पद्मोत्थापतिनेत्रपद्मनिबहापारार्चिताजार्चित) भूधृग्धुर्यशरासनोरुविहितामौर्वी महीधारक (महाहारक) ॥…

|| देवीकृता ईश्वरस्तुतिः || पुरहर भगवन्कुरु करुणां (करुणां मयि) स्मरहर शङ्कर प्रभो । गरधर गुरुभरजगदुद्धारक मुरहरपूजितपाद ॥ ३७॥ गजहर यमहर भग मखहर (भगरदहर) हरिशर हर हरपाहि । अगपतिविलसितलिङ्गकुलान्तरभरितानेदकमोद ॥ ३८॥ परिफुल्लाम्बुजबिल्वालङ्कृत शशिधामोद्यतमौले । परिपाहीश्वर शङ्कर सुन्दर भक्तजनप्रिय शम्भो ॥ ३९॥ उद्यद्धिमकर(उद्यद्दिनकर)समसुमजाधिकमारवराङ्गकभूष । भसितालङ्कृतनिटिलालङ्कृतपुण्ड्रोत्तमपरिभूष ॥ ४०॥ चक्षुश्श्रवगणमणिगणकन्धर सोमार्यमानलाक्ष । तुरगायितनिगमाव्यय हर श्रुतिमौल्युद्य(द्धृ)तकीर्ते ॥ ४१॥ परिपाहीश्वर देव…

|| अरुणगिरिध्यानस्तुतिः || अरुणगिरिरिहेड्यः स्कन्द सत्कीर्तिसूक्ति प्रकटितनिजभक्तिः निस्पृहः शुद्धसत्वः । अनुदिनमगजातासूनुधामाटनोद्यद्- रतिरखिल सुपूज्यः साञ्जलिर्भूतिभूषः ॥ इति अरुणगिरिध्यानस्तुतिः समाप्ता ।

|| गौरीकृता अम्बिकेशशिवस्तुतिः || (अम्बिकेशशिवस्तुतिः) हर हर शङ्कर चन्द्रशेखर प्रमथाधीश्वर विश्वनाथ शम्भो । करुणारससारशोभिताङ्गाङ्गदकाहीश्वर देवदेव पाहि (देव पाहि पाहि) ॥ ५४॥ अम्बिकेश गगनातिगमौले लम्बितोरुजटयाखिलकाश । व्योमकेश विनतार्तिविनाश नागभूषणक (नागभूष नग) कार्मुकपाणे ॥ ५५॥ हरिबाणामलपद्मनेत्र शम्भो कृतदक्षाध्वरशिक्षवीक्षण । दग्धकामपुरवर्ग मदोद्यत्कुम्भिकुम्भदलनामलपाद ॥ ५६॥ गिरिराजसुता(सुतां)जटोरुबन्ध ह्यव (अव) मां घोरतपोभिरुग्रदेहाम् । भव भीमोग्र कपालमालजालिन्करशूलामलभूतिभूषिताङ्ग ॥ ५७॥ त्यद(त्वद)पाङ्गततिप्रभूतकामा किमिहेहामि तवावृतेर्ममाद्य…

|| श्रीवेङ्कटेश्वरनवरत्नमालिकास्तुतिः || श्रीमानम्भोधिकन्याविहरणभवनीभूतवक्षःप्रदेशः भास्वद्भोगीन्द्रभूमीधरवरशिखरप्रान्तकेलीरसज्ञः । शश्वद्ब्रह्मेन्द्रवह्निप्रमुखसुरवराराध्यमानाङ्घ्रिपद्मः पायान्मां वेङ्कटेशः प्रणतजनमनःकामनाकल्पशाखी ॥ १॥ यस्मिन् विश्वं समस्तं चरमचरमिदं दृश्यते वृद्धिमेति भ्रश्यत्यन्ते च तादृग्विभवविलसितस्सोऽयमानन्दमूर्तिः । पद्मावासामुखाम्भोरुहमद धु मधुविद्विभ्रमोन्निद्रचेताः शश्वद्भूयाद्विनम्राखिलमुनिनिवहो भूयसे श्रेयसे मे ॥ २॥ वन्दे देवं महान्तं दरहसितलसद्वक्त्रचन्द्राभिरामं नव्योन्निद्रावदाताम्बुजरुचिरविशालेक्षणद्वन्द्वरम्यम् । राजन्मार्ताण्डतेजःप्रसितशुभमहाकौस्तुभोद्भास्युरस्कं शान्तं श्रीशङ्खचक्राद्यमलकरयुतं भव्यपीताम्बराढ्यम् ॥ ३॥ पायाद्विश्वस्य साक्षी प्रभुरखिलजगत्कारणं शाश्वतोऽयं पादप्रह्वाघराशिप्रशमननिभृताम्भोधरप्राभवो माम् । ब्यक्ताव्यक्तस्वरूपो दुरधिगमपदः प्राक्तनीनां च वाचां…

|| श्रीमधुरापुरीस्तुतिः || श्वेतद्वीपमधिष्ठिता सुविपुला सा सत्यलोकस्थिता चायोध्या च कुशस्थली मधुपुरीत्यत्युज्ज्वला निस्तुलाः । पञ्च श्रीकमितुः प्रपञ्चकुहरे पुर्यः स्फुरन्ति स्फुटं तासां मध्यगता विभाति मधुरा सा हन्त सर्वोत्तरा ॥ १॥ काञ्ची काशिपुरी च सा पुनरयोध्या सापि चावन्तिका मायाख्या च कुशस्थली मधुपुरीत्यत्यन्तपुण्योत्तराः । पुर्यः सप्त समुल्लसन्ति परितः क्षोणीतले तास्वहो मध्यस्था मधुरा विराजति सरोमध्ये यथाम्भोरुहम् ॥ २॥ वृन्दारण्यबृहद्वनं मधुवनं…

|| प्रेमवतीकृता श्रीहरिस्तुतिः || निगमागमगीतदिव्यकीर्ते करुणाद्याखिलसद्गुणैकधामन् । धृतमानुषनाटने कृपालो त्वयि नित्यं मनसो गतिर्ममास्तु ॥ १॥ वरवक्त्रवितर्जिताब्जशोभे शुभनासापरिभूतकीरचञ्चौ । सहचन्द्रकपुण्ड्रशोभिभाले त्वयि नित्यं मनसो गतिर्ममास्तु ॥ २॥ अमितात्महितार्थमत्र नाथ करुणाविष्कृतनैजदिव्यमूर्ते । अवितर्क्यमनोहरस्वरूपे त्वयि नित्यं मनसो गतिर्ममास्तु ॥ ३॥ निजभक्तमदादिशत्रुहारिन् निजभक्ताखिलकष्टनाशकारिन् । निगमागमशास्त्रसारवक्तस्त्वयि नित्यं मनसो गतिर्ममास्तु ॥ ४॥ शरणागतरक्ष यत्कथायाः श्रवणं च स्मरणं यदीयमूर्तेः । प्रपुनाति जनान् द्रुतं…

|| गोपालयोगिकृता श्रीहरिस्तुतिः || महातेजःपुञ्जस्फुरदमलसिंहासनवरे स्थितं सर्वाधीशं विमलतरतेजोमयतनुम् । भृशं धन्योऽहं त्वां दृशि समधिगम्याक्षर शरण्य त्वं शश्वद् नयनपथगो मे भव विभो ॥ १॥ यतः सर्वं जातं वियदनिलमुख्यं जगदिदं स्थितौ निःशेषं योऽवति निजसुखांशेन बहुधा । ये सर्वं स्वस्मिन् हरति कलया यस्तु स प्रभुः शरण्य त्वं शश्वद् नयनपथगो मे भव विभो ॥ २॥ असूनाम्यादौ यमनियममुख्यैः सुकरणै- निरुध्येदं…

|| अक्षरादिदेवकृता श्रीहरिस्तुतिः || सत्यप्रतिज्ञमविकारिणमादिदेवं गूढाशयं भयहरं विमलं परात्मन् । सच्चित्सुखं त्वभयदं परतः परञ्च त्वां धर्मदेवतनयं वयमानमामः ॥ १॥ जन्मादि चास्य जगतो भवतो यतो वै वेदैः सदाऽपरिमितादिगुणैर्विगीतम् । ध्यातं सदा मुनिवरैश्च समाधिनिष्ठे- स्त्वां धर्मदेवतनयं वयमानमामः ॥ २॥ सत्यव्रतं परमसत्यमचिन्त्यमाद्यं सत्यस्य योनिमथ सत्यपराक्रमञ्च । सत्यात्मकं त्रियुगसत्यपदं पुराणं त्वां धर्मदेवतनयं वयमानमामः ॥ ३॥ प्राकट्यमेतदिह नाथ वसुन्धरायां नैवास्ति…

|| सुवर्णमुक्तावलीस्तुतिः || अद्वैतमक्षरमनन्तमभक्तलोकै- रज्ञेयतत्त्वमनुमेयमतीन्द्रियज्ञैः । अव्यक्तमर्चयदनुग्रहणात्तरूप- मन्तःपुरं पुररिपोररुणं भजामः ॥ १॥ आताम्रमात्तधनुरङ्कुशपाशबाण- मादर्शनिर्मलकपोलकमायताक्षम् । आनन्दचिन्मयमहः स्तुतमागमान्तै- रार्याख्यमार्तिहरमाशु ममान्तरास्ताम् ॥ २॥ इन्द्रादिदिव्यपददामियतीत्यमेया- मिन्दीवराक्षियुगलीमितिहासवेद्याम् । इन्दुप्रकाशवदनामिभराजयाता- मिष्टार्थदां भगवतीमिह चिन्तयामि ॥ ३॥ ईशित्वमुख्यफलदां जगदीश्वरीं ता- मीशानवामनिलयामियतीदृशीति । ईक्षावतामविषयं महदीहिताङ्घ्रि- मीडे परां सुरगवीमहमीप्सितानाम् ॥ ४॥ उन्निद्रपङ्कजमुखीमुदितारुणाभा- मुद्वृत्तपीवरकुचामुपगीयमानाम् । उच्चैस्तरामुपनिषद्भिरूपासकाना- मुच्चावचेष्टफलहेतुमुमामुपासे ॥ ५॥ ऊरीकृतात्मचरणार्पितचित्तवृत्ति- मूर्धस्थितां निगममौलिभिरूह्यमानाम् । ऊनेतरार्थफलदां परमेश्वरोढा-…