ಶ್ರೀ ವಾಸವೀ ಸ್ತೋತ್ರಂ

|| ಶ್ರೀ ವಾಸವೀ ಸ್ತೋತ್ರಂ ||

ಕೈಲಾಸಾಚಲಸನ್ನಿಭೇ ಗಿರಿಪುರೇ ಸೌವರ್ಣಶೃಂಗೇ ಮಹ-
ಸ್ತಂಭೋದ್ಯನ್ ಮಣಿಮಂಟಪೇ ಸುರುಚಿರ ಪ್ರಾಂತೇ ಚ ಸಿಂಹಾಸನೇ |
ಆಸೀನಂ ಸಕಲಾಽಮರಾರ್ಚಿತಪದಾಂ ಭಕ್ತಾರ್ತಿ ವಿಧ್ವಂಸಿನೀಂ
ವಂದೇ ವಾಸವಿ ಕನ್ಯಾಕಂ ಸ್ಮಿತಮುಖೀಂ ಸರ್ವಾರ್ಥದಾಮಂಬಿಕಾಂ || ೧ ||

ನಮಸ್ತೇ ವಾಸವೀ ದೇವೀ ನಮಸ್ತೇ ವಿಶ್ವಪಾವನಿ |
ನಮಸ್ತೇ ವ್ರತಸಂಬದ್ಧಾ ಕೌಮಾತ್ರೇ ತೇ ನಮೋ ನಮಃ || ೨ ||

ನಮಸ್ತೇ ಭಯಸಂಹಾರೀ ನಮಸ್ತೇ ಭವನಾಶಿನಿ |
ನಮಸ್ತೇ ಭಾಗ್ಯದಾ ದೇವೀ ವಾಸವೀ ತೇ ನಮೋ ನಮಃ || ೩ ||

ನಮಸ್ತೇ ಅದ್ಭುತಸಂಧಾನಾ ನಮಸ್ತೇ ಭದ್ರರೂಪಿಣೀ |
ನಮಸ್ತೇ ಪದ್ಮಪತ್ರಾಕ್ಷೀ ಸುಂದರಾಂಗೀ ನಮೋ ನಮಃ || ೪ ||

ನಮಸ್ತೇ ವಿಬುಧಾನಂದಾ ನಮಸ್ತೇ ಭಕ್ತರಂಜನೀ |
ನಮಸ್ತೇ ಯೋಗಸಂಯುಕ್ತಾ ವಾಣಿಕ್ಯಾನ್ಯಾ ನಮೋ ನಮಃ || ೫ ||

ನಮಸ್ತೇ ಬುಧಸಂಸೇವ್ಯಾ ನಮಸ್ತೇ ಮಂಗಳಪ್ರದೇ |
ನಮಸ್ತೇ ಶೀತಲಾಪಾಂಗೀ ಶಾಂಕರೀ ತೇ ನಮೋ ನಮಃ || ೬ ||

ನಮಸ್ತೇ ಜಗನ್ಮಾತಾ ನಮಸ್ತೇ ಕಾಮದಾಯಿನೀ |
ನಮಸ್ತೇ ಭಕ್ತನಿಲಯಾ ವರದೇ ತೇ ನಮೋ ನಮಃ || ೭ ||

ನಮಸ್ತೇ ಸಿದ್ಧಸಂಸೇವ್ಯಾ ನಮಸ್ತೇ ಚಾರುಹಾಸಿನೀ |
ನಮಸ್ತೇ ಅದ್ಭುತಕಳ್ಯಾಣೀ ಶರ್ವಾಣೀ ತೇ ನಮೋ ನಮಃ || ೮ ||

ನಮಸ್ತೇ ಭಕ್ತಸಂರಕ್ಷ-ದೀಕ್ಷಾಸಂಬದ್ಧಕಂಕಣಾ |
ನಮಸ್ತೇ ಸರ್ವಕಾಮ್ಯಾರ್ಥ ವರದೇ ತೇ ನಮೋ ನಮಃ || ೯ ||

ದೇವೀಂ ಪ್ರಣಮ್ಯ ಸದ್ಭಕ್ತ್ಯಾ ಸರ್ವಕಾಮ್ಯಾರ್ಥ ಸಂಪದಾನ್ |
ಲಭತೇ ನಾಽತ್ರ ಸಂದೇಹೋ ದೇಹಂತೇ ಮುಕ್ತಿಮಾನ್ ಭವೇತ್ || ೧೦ ||

ಶ್ರೀಮಾತಾ ಕನ್ಯಕಾ ಪರಮೇಶ್ವರೀ ದೇವ್ಯೈ ನಮಃ |

Found a Mistake or Error? Report it Now