|| વૃન્દાદેવ્યષ્ટકમ્ ||
વિશ્વનાથચક્રવર્તી ઠકુરકૃતમ્ .
ગાઙ્ગેયચામ્પેયતડિદ્વિનિન્દિરોચિઃપ્રવાહસ્નપિતાત્મવૃન્દે .
બન્ધૂકબન્ધુદ્યુતિદિવ્યવાસોવૃન્દે નુમસ્તે ચરણારવિન્દમ્ ..
બિમ્બાધરોદિત્વરમન્દહાસ્યનાસાગ્રમુક્તાદ્યુતિદીપિતાસ્યે .
વિચિત્રરત્નાભરણશ્રિયાઢ્યે વૃન્દે નુમસ્તે ચરણારવિન્દમ્ ..
સમસ્તવૈકુણ્ઠશિરોમણૌ શ્રીકૃષ્ણસ્ય વૃન્દાવનધન્યધામિન્ .
દત્તાધિકારે વૃષભાનુપુત્ર્યા વૃન્દે નુમસ્તે ચરણારવિન્દમ્ ..
ત્વદાજ્ઞયા પલ્લવપુષ્પભૃઙ્ગમૃગાદિભિર્માધવકેલિકુઞ્જાઃ .
મધ્વાદિભિર્ભાન્તિ વિભૂષ્યમાણાઃ વૃન્દે નુમસ્તે ચરણારવિન્દમ્ ..
ત્વદીયદૌત્યેન નિકુઞ્જયૂનોઃ અત્યુત્કયોઃ કેલિવિલાસસિદ્ધિઃ .
ત્વત્સૌભગં કેન નિરુચ્યતાં તદ્વૃન્દે નુમસ્તે ચરણારવિન્દમ્ ..
રાસાભિલાષો વસતિશ્ચ વૃન્દાવને ત્વદીશાઙ્ઘ્રિસરોજસેવા .
લભ્યા ચ પુંસાં કૃપયા તવૈવ વૃન્દે નુમસ્તે ચરણારવિન્દમ્ ..
ત્વં કીર્ત્યસે સાત્વતતન્ત્રવિદ્ભિઃ લીલાભિધાના કિલ કૃષ્ણશક્તિઃ .
તવૈવ મૂર્તિસ્તુલસી નૃલોકે વૃન્દે નુમસ્તે ચરણારવિન્દમ્ ..
ભક્ત્યા વિહીના અપરાધલેશૈઃ ક્ષિપ્તાશ્ચ કામાદિતરઙ્ગમધ્યે .
કૃપામયિ ત્વાં શરણં પ્રપન્નાઃ વૃન્દે નુમસ્તે ચરણારવિન્દમ્ ..
વૃન્દાષ્ટકં યઃ શૃણુયાત્પઠેચ્ચ વૃન્દાવનાધીશપદાબ્જભૃઙ્ગઃ .
સ પ્રાપ્ય વૃન્દાવનનિત્યવાસં તત્પ્રેમસેવાં લભતે કૃતાર્થઃ ..
ઇતિ વિશ્વનાથચક્રવર્તી ઠકુરકૃતં વૃન્દાદેવ્યષ્ટકં સમ્પૂર્ણમ્ .
Read in More Languages:- sanskritवृन्दादेव्यष्टकम्
- teluguవృందాదేవ్యష్టకం
- kannadaವೃಂದಾದೇವ್ಯಷ್ಟಕಂ
- tamilவ்ருʼந்தா³தே³வ்யஷ்டகம்
- malayalamവൃന്ദാദേവ്യഷ്ടകം
- assameseৱৃন্দাদেৱ্যষ্টকম্
- bengaliবৃন্দাদেব্যষ্টকম্
- punjabiਵ੍ਰੁਨ੍ਦਾਦੇਵ੍ਯਸ਼਼੍ਟਕਮ੍
- odiaବୃନ୍ଦାଦେବ୍ୟଷ୍ଟକମ୍
Found a Mistake or Error? Report it Now
