|| Sankata Nama Ashtakam ||
nārada uvāca
jaigīṣavya muniśrēṣṭha sarvajña sukhadāyaka |
ākhyātāni supuṇyāni śrutāni tvatprasādataḥ || 1 ||
na tr̥ptimadhigacchāmi tava vāgamr̥tēna ca |
vadasvaikaṁ mahābhāga saṅkaṭākhyānamuttamam || 2 ||
iti tasya vacaḥ śrutvā jaigīṣavyō:’bravīttataḥ |
saṅkaṣṭanāśanaṁ stōtraṁ śr̥ṇu dēvarṣisattama || 3 ||
dvāparē tu purā vr̥ttē bhraṣṭarājyō yudhiṣṭhiraḥ |
bhrātr̥bhissahitō rājyanirvēdaṁ paramaṁ gataḥ || 4 ||
tadānīṁ tu tataḥ kāśīṁ purīṁ yātō mahāmuniḥ |
mārkaṇḍēya iti khyātaḥ saha śiṣyairmahāyaśāḥ || 5 ||
taṁ dr̥ṣṭvā sa samutthāya praṇipatya supūjitaḥ |
kimarthaṁ mlānavadana ētattvaṁ māṁ nivēdaya || 6 ||
yudhiṣṭhira uvāca
saṅkaṣṭaṁ mē mahatprāptamētādr̥gvadanaṁ tataḥ |
ētannivāraṇōpāyaṁ kiñcidbrūhi munē mama || 7 ||
mārkaṇḍēya uvāca
ānandakānanē dēvī saṅkaṭā nāma viśrutā |
vīrēśvarōttarē bhāgē pūrvaṁ candrēśvarasya ca || 8 ||
śr̥ṇu nāmāṣṭakaṁ tasyāḥ sarvasiddhikaraṁ nr̥ṇām |
saṅkaṭā prathamaṁ nāma dvitīyaṁ vijayā tathā || 9 ||
tr̥tīyaṁ kāmadā prōktaṁ caturthaṁ duḥkhahāriṇī |
śarvāṇī pañcamaṁ nāma ṣaṣṭhaṁ kātyāyanī tathā || 10 ||
saptamaṁ bhīmanayanā sarvarōgaharā:’ṣṭamam |
nāmāṣṭakamidaṁ puṇyaṁ trisandhyaṁ śraddhayānvitaḥ || 11 ||
yaḥ paṭhētpāṭhayēdvāpi narō mucyēta saṅkaṭāt |
ityuktvā tu dvijaśrēṣṭhamr̥ṣirvārāṇasīṁ yayau || 12 ||
iti tasya vacaḥ śrutvā nāradō harṣanirbharaḥ |
tataḥ sampūjitāṁ dēvīṁ vīrēśvarasamanvitām || 13 ||
bhujaistu daśabhiryuktāṁ lōcanatrayabhūṣitām |
mālākamaṇḍaluyutāṁ padmaśaṅkhagadāyutām || 14 ||
triśūlaḍamarudharāṁ khaḍgacarmavibhūṣitām |
varadābhayahastāṁ tāṁ praṇamya vidhinandanaḥ || 15 ||
vāratrayaṁ gr̥hītvā tu tatō viṣṇupuraṁ yayau |
ētat- stōtrasya paṭhanaṁ putrapautravivardhanam || 16 ||
saṅkaṣṭanāśanaṁ caiva triṣu lōkēṣu viśrutam |
gōpanīyaṁ prayatnēna mahāvandhyāprasūtikr̥t || 17 ||
iti śrīpadmapurāṇē saṅkaṭanāmāṣṭakam |
Found a Mistake or Error? Report it Now
