|| ஶ்ரீ கா³யத்ரீ அஷ்டகம் – 1 ||
விஶ்வாமித்ரதப꞉ப²லாம் ப்ரியதராம் விப்ராளிஸம்ஸேவிதாம்
நித்யாநித்யவிவேகதா³ம் ஸ்மிதமுகீ²ம் க²ண்டே³ந்து³பூ⁴ஷோஜ்ஜ்வலாம் ।
தாம்பூ³லாருணபா⁴ஸமாநவத³நாம் மார்தாண்ட³மத்⁴யஸ்தி²தாம்
கா³யத்ரீம் ஹரிவல்லபா⁴ம் த்ரிணயநாம் த்⁴யாயாமி பஞ்சாநநாம் ॥ 1 ॥
ஜாதீபங்கஜகேதகீகுவலயை꞉ ஸம்பூஜிதாங்க்⁴ரித்³வயாம்
தத்த்வார்தா²த்மிகவர்ணபங்க்திஸஹிதாம் தத்த்வார்த²பு³த்³தி⁴ப்ரதா³ம் ।
ப்ராணாயாமபராயணைர்பு³த⁴ஜநை꞉ ஸம்ஸேவ்யமாநாம் ஶிவாம்
கா³யத்ரீம் ஹரிவல்லபா⁴ம் த்ரிணயநாம் த்⁴யாயாமி பஞ்சாநநாம் ॥ 2 ॥
மஞ்ஜீரத்⁴வநிபி⁴꞉ ஸமஸ்தஜக³தாம் மஞ்ஜுத்வஸம்வர்த⁴நீம்
விப்ரப்ரேங்கி²தவாரிவாரிதமஹாரக்ஷோக³ணாம் ம்ருண்மயீம் ।
ஜப்து꞉ பாபஹராம் ஜபாஸுமநிபா⁴ம் ஹம்ஸேந ஸம்ஶோபி⁴தாம்
கா³யத்ரீம் ஹரிவல்லபா⁴ம் த்ரிணயநாம் த்⁴யாயாமி பஞ்சாநநாம் ॥ 3 ॥
காஞ்சீசேலவிபூ⁴ஷிதாம் ஶிவமயீம் மாலார்த⁴மாலாதி³கா-
-ந்பி³ப்⁴ராணாம் பரமேஶ்வரீம் ஶரணதா³ம் மோஹாந்த⁴பு³த்³தி⁴ச்சி²தா³ம் ।
பூ⁴ராதி³த்ரிபுராம் த்ரிலோகஜநநீமத்⁴யாத்மஶாகா²நுதாம்
கா³யத்ரீம் ஹரிவல்லபா⁴ம் த்ரிணயநாம் த்⁴யாயாமி பஞ்சாநநாம் ॥ 4 ॥
த்⁴யாதுர்க³ர்ப⁴க்ருஶாநுதாபஹரணாம் ஸாமாத்மிகாம் ஸாமகா³ம்
ஸாயங்காலஸுஸேவிதாம் ஸ்வரமயீம் தூ³ர்வாத³ளஶ்யாமளாம் ।
மாதுர்தா³ஸ்யவிளோசநைகமதிமத்கே²டீந்த்³ரஸம்ராஜிதாம்
கா³யத்ரீம் ஹரிவல்லபா⁴ம் த்ரிணயநாம் த்⁴யாயாமி பஞ்சாநநாம் ॥ 5 ॥
ஸந்த்⁴யாராக³விசித்ரவஸ்த்ரவிளஸத்³விப்ரோத்தமை꞉ ஸேவிதாம்
தாராஹாரஸுமாலிகாம் ஸுவிளஸத்³ரத்நேந்து³கும்பா⁴ந்தராம் ।
ராகாசந்த்³ரமுகீ²ம் ரமாபதிநுதாம் ஶங்கா²தி³பா⁴ஸ்வத்கராம்
கா³யத்ரீம் ஹரிவல்லபா⁴ம் த்ரிணயநாம் த்⁴யாயாமி பஞ்சாநநாம் ॥ 6 ॥
வேணீபூ⁴ஷிதமாலகத்⁴வநிகரைர்ப்⁴ருங்கை³꞉ ஸதா³ ஶோபி⁴தாம்
தத்த்வஜ்ஞாநரஸாயநஜ்ஞரஸநாஸௌத⁴ப்⁴ரமத்³ப்⁴ராமரீம் ।
நாஸாலங்க்ருதமௌக்திகேந்து³கிரணை꞉ ஸாயந்தமஶ்சே²தி³நீம்
கா³யத்ரீம் ஹரிவல்லபா⁴ம் த்ரிணயநாம் த்⁴யாயாமி பஞ்சாநநாம் ॥ 7 ॥
பாதா³ப்³ஜாந்தரரேணுகுங்குமலஸத்பா²லத்³யுராமாவ்ருதாம்
ரம்பா⁴நாட்யவிளோகநைகரஸிகாம் வேதா³ந்தபு³த்³தி⁴ப்ரதா³ம் ।
வீணாவேணும்ருத³ங்க³காஹலரவாந் தே³வை꞉ க்ருதாஞ்ச்²ருண்வதீம்
கா³யத்ரீம் ஹரிவல்லபா⁴ம் த்ரிணயநாம் த்⁴யாயாமி பஞ்சாநநாம் ॥ 8 ॥
ஹத்யாபாநஸுவர்ணதஸ்கரமஹாகு³ர்வங்க³நாஸங்க³மா-
-ந்தோ³ஷாஞ்சை²லஸமாந் புரந்த³ரஸமா꞉ ஸஞ்ச்சி²த்³ய ஸூர்யோபமா꞉ ।
கா³யத்ரீம் ஶ்ருதிமாதுரேகமநஸா ஸந்த்⁴யாஸு யே பூ⁴ஸுரா
ஜப்த்வா யாந்தி பராம் க³திம் மநுமிமம் தே³வ்யா꞉ பரம் வைதி³கா꞉ ॥ 9 ॥
இதி ஶ்ரீமச்ச²ங்கராசார்ய விரசிதம் ஶ்ரீ கா³யத்ர்யஷ்டகம் ।
Found a Mistake or Error? Report it Now
