|| Sri Bhaskara Stotram ||
(atha paurāṇikaiḥ ślōkai rāṣṭrai dvādaśābhiḥ śubhaiḥ |
praṇamēddaṇḍavadbhānuṁ sāṣṭāṅgaṁ bhaktisamyutaḥ || )
haṁsāya bhuvanadhvāntadhvaṁsāyā:’mitatējasē |
haṁsavāhanarūpāya bhāskarāya namō namaḥ || 1 ||
vēdāṅgāya pataṅgāya vihaṅgārūḍhagāminē |
haridvarṇaturaṅgāya bhāskarāya namō namaḥ || 2 ||
bhuvanatrayadīptāya bhuktimuktipradāya ca |
bhaktadāridryanāśāya bhāskarāya namō namaḥ || 3 ||
lōkālōkaprakāśāya sarvalōkaikacakṣuṣē |
lōkōttaracaritrāya bhāskarāya namō namaḥ || 4 ||
saptalōkaprakāśāya saptasaptirathāya ca |
saptadvīpaprakāśāya bhāskarāya namō namaḥ || 5 ||
mārtāṇḍāya dyumaṇayē bhānavē citrabhānavē |
prabhākarāya mitrāya bhāskarāya namō namaḥ || 6 ||
namastē kamalānātha namastē kamalapriya |
namaḥ kamalahastāya bhāskarāya namō namaḥ || 7 ||
namastē brahmarūpāya namastē viṣṇurūpiṇē |
namastē rudrarūpāya bhāskarāya namō namaḥ || 8 ||
satyajñānasvarūpāya sahasrakiraṇāya ca |
gīrvāṇabhītināśāya bhāskarāya namō namaḥ || 9 ||
sarvaduḥkhōpaśāntāya sarvapāpaharāya ca |
sarvavyādhivināśāya bhāskarāya namō namaḥ || 10 ||
sahasrapatranētrāya sahasrākṣastutāya ca |
sahasranāmadhēyāya bhāskarāya namō namaḥ || 11 ||
nityāya niravadyāya nirmalajñānamūrtayē |
nigamārthaprakāśāya bhāskarāya namō namaḥ || 12 ||
ādimadhyāntaśūnyāya vēdavēdāntavēdinē |
nādabindusvarūpāya bhāskarāya namō namaḥ || 13 ||
nirmalajñānarūpāya ramyatējaḥ svarūpiṇē |
brahmatējaḥ svarūpāya bhāskarāya namō namaḥ || 14 ||
nityajñānāya nityāya nirmalajñānamūrtayē |
nigamārthasvarūpāya bhāskarāya namō namaḥ || 15 ||
kuṣṭhavyādhivināśāya duṣṭavyādhiharāya ca |
iṣṭārthadāyinē tasmai bhāskarāya namō namaḥ || 16 ||
bhavarōgaikavaidyāya sarvarōgāpahāriṇē |
ēkanētrasvarūpāya bhāskarāya namō namaḥ || 17 ||
dāridryadōṣanāśāya ghōrapāpaharāya ca |
duṣṭaśikṣaṇadhuryāya bhāskarāya namō namaḥ || 18 ||
hōmānuṣṭhānarūpēṇa kālamr̥tyuharāya ca |
hiraṇyavarṇadēhāya bhāskarāya namō namaḥ || 19 ||
sarvasampatpradātrē ca sarvaduḥkhavināśinē |
sarvōpadravanāśāya bhāskarāya namō namaḥ || 20 ||
namō dharmanidhānāya namaḥ sukr̥tasākṣiṇē |
namaḥ pratyakṣarūpāya bhāskarāya namō namaḥ || 21 ||
sarvalōkaikapūrṇāya kālakarmāghahāriṇē |
namaḥ puṇyasvarūpāya bhāskarāya namō namaḥ || 22 ||
dvandvavyādhivināśāya sarvaduḥkhavināśinē |
namastāpatrayaghnāya bhāskarāya namō namaḥ || 23 ||
kālarūpāya kalyāṇamūrtayē kāraṇāya ca |
avidyābhayasaṁhartrē bhāskarāya namō namaḥ || 24 ||
iti bhāskara stōtram ||
Found a Mistake or Error? Report it Now
