|| ஶ்ரீ நீலஸரஸ்வதீ ஸ்தோத்ரம் ||
கோ⁴ரரூபே மஹாராவே ஸர்வஶத்ருப⁴யங்கரி |
ப⁴க்தேப்⁴யோ வரதே³ தே³வி த்ராஹி மாம் ஶரணாக³தம் || 1 ||
ஸுரா(அ)ஸுரார்சிதே தே³வி ஸித்³த⁴க³ந்த⁴ர்வஸேவிதே |
ஜாட்³யபாபஹரே தே³வி த்ராஹி மாம் ஶரணாக³தம் || 2 ||
ஜடாஜூடஸமாயுக்தே லோலஜிஹ்வாந்தகாரிணீ |
த்³ருதபு³த்³தி⁴கரே தே³வி த்ராஹி மாம் ஶரணாக³தம் || 3 ||
ஸௌம்யக்ரோத⁴த⁴ரே ரூபே சண்ட³ரூபே நமோ(அ)ஸ்து தே |
ஸ்ருஷ்டிரூபே நமஸ்துப்⁴யம் த்ராஹி மாம் ஶரணாக³தம் || 4 ||
ஜடா³னாம் ஜட³தாம் ஹந்தி ப⁴க்தானாம் ப⁴க்தவத்ஸலா |
மூட⁴தாம் ஹர மே தே³வி த்ராஹி மாம் ஶரணாக³தம் || 5 ||
ஹ்ரூம் ஹ்ரூங்கரமயே தே³வி ப³லிஹோமப்ரியே நம꞉ |
உக்³ரதாரே நமோ நித்யம் த்ராஹி மாம் ஶரணாக³தம் || 6 ||
பு³த்³தி⁴ம் தே³ஹி யஶோ தே³ஹி கவித்வம் தே³ஹி தே³வி மே |
மூட⁴த்வம் ச ஹரேர்தே³வி த்ராஹி மாம் ஶரணாக³தம் || 7 ||
இந்த்³ராதி³விலஸத்³வந்த்³வவந்தி³தே கருணாமயி |
தாரே தாரதி⁴னாதா²ஸ்யே த்ராஹி மாம் ஶரணாக³தம் || 8 ||
அஷ்டம்யாம் ச சதுர்த³ஶ்யாம் நவம்யாம் ய꞉ படே²ன்னர꞉ |
ஷண்மாஸை꞉ ஸித்³தி⁴மாப்னோதி நா(அ)த்ர கார்யா விசாரணா || 9 ||
மோக்ஷார்தீ² லப⁴தே மோக்ஷம் த⁴னார்தீ² லப⁴தே த⁴னம் |
வித்³யார்தீ² லப⁴தே வித்³யாம் தர்கவ்யாகரணாதி³கம் || 10 ||
இத³ம் ஸ்தோத்ரம் படே²த்³யஸ்து ஸததம் ஶ்ரத்³த⁴யான்வித꞉ |
தஸ்ய ஶத்ரு꞉ க்ஷயம் யாதி மஹாப்ரஜ்ஞா ப்ரஜாயதே || 11 ||
பீடா³யாம் வாபி ஸங்க்³ராமே ஜாட்³யே தா³னே ததா² ப⁴யே |
ய இத³ம் பட²தி ஸ்தோத்ரம் ஶுப⁴ம் தஸ்ய ந ஸம்ஶய꞉ || 12 ||
இதி ப்ரணம்ய ஸ்துத்வா ச யோனிமுத்³ராம் ப்ரத³ர்ஶயேத் ||
இதி ஶ்ரீ நீலஸரஸ்வதீ ஸ்தோத்ரம் ||
மரின்னி த³ஶமஹாவித்³யா ஸ்தோத்ராலு சூட³ண்டி³।
Found a Mistake or Error? Report it Now
