श्रीकृष्णस्तुतिःगुह्यक

|| श्रीकृष्णस्तुतिःगुह्यक ||

गुह्यककृता
कृष्ण कृष्ण महायोगिंस्त्वमाद्यः पुरुषः परः ।
व्यक्ताव्यक्तमिदं विश्वं रूपं ते ब्राह्मणा विदुः ॥ १॥

त्वमेकः सर्वभूतानां देहास्वात्मेन्द्रयेश्वरः ।
त्वमेव कालो भगवान् विष्णुरव्यय ईश्वरः ॥ २॥

त्वं महान् प्रकृतिः सूक्ष्मा रजःसत्त्वतमोमयी ।
त्वमेव पुरुषोऽध्यक्षः सर्वक्षेत्रविकारवित् ॥ ३॥

गृह्यमाणैस्त्वमग्राह्यो विकारैः प्राकृतैर्गुणैः ।
को न्विहार्हति विज्ञातुं प्राक्सिद्धं गुणसंवृतः ॥ ४॥

तस्मै तुभ्यं भगवते वासुदेवाय वेधसे ।
आत्मद्योतगुणैश्छन्नमहिम्ने ब्रह्मणे नमः ॥ ५॥

यस्यावतारा ज्ञायन्ते शरीरेष्वशरीरिणः ।
तैस्तैरतुल्यातिशयैर्वीर्यैर्देहिष्वसङ्गतैः ॥ ६॥

स भवान् सर्वलोकस्य भवाय विभवाय च ।
अवतीर्णोऽम्शभागेन साम्प्रतं पतिराशिषाम् ॥ ७॥

नमः परमकल्याण नमः परममङ्गल ।
वासुदेवाय शान्ताय यदूनां पतये नमः ॥ ८॥

अनुजानीहि नौ भूमंस्तवानुचरकिङ्करौ ।
दर्शनं नौ भगवत ऋषेरासीदनुग्रहात् ॥ ९॥

वाणी गुणानुकथने श्रवणौ कथायां
हस्तौ च कर्मसु मनस्तव पादयोर्नः ।
स्मृत्यां शिरस्तव निवासजगत्प्रणामे
दृष्टिः सतां दर्शनेऽस्तु भवत्तनूनाम् ॥ १०॥

इति श्रीमद्भागवतान्तर्गतं गुह्यककृता श्रीकृष्णस्तुतिः समाप्ता ।

• sanskritश्रीकृष्णस्तुतिर्मङ्गलम्
• sanskritश्रीकृष्णस्तुतिः सङ्कीर्णा
• sanskritश्रीशुकप्रोक्ता श्रीकृष्णस्तुतिः
• sanskritश्रीकृष्णस्तुतिःब्रह्म
• sanskritब्रह्मणा कृता श्रीकृष्णस्तुतिः
• sanskritश्रीकृष्णस्तुतिःदेव
• sanskritकृष्णस्तुतिःजीव
• sanskritश्रीकृष्णस्तुतिःकुन्ती
• sanskritइन्द्रकृता श्रीकृष्णस्तुतिः
• sanskritदेवकीकृतं श्रीकृष्णस्तोत्रम् कृष्णजन्मस्तुतिः
• assameseশ্ৰী কৃষ্ণ স্তুতি
• gujaratiશ્રી કૃષ્ણ સ્તુતિ
• punjabiਸ਼੍ਰੀ ਕ੍ਰੁਸ਼਼੍ਣ ਸ੍ਤੁਤਿ
• bengaliশ্রী কৃষ্ণ স্তুতি
• teluguశ్రీ కృష్ణ స్తుతి

Found a Mistake or Error? Report it Now