ଶ୍ରୀବିଠ୍ଠଲହୃଦୟମ୍

|| ଶ୍ରୀବିଠ୍ଠଲହୃଦୟମ୍ ||

ଶ୍ରୀପାର୍ୱତ୍ୟୁବାଚ ।

ମହାଶମ୍ଭୋ ଦେବଦେବ ଭକ୍ତାନୁଗ୍ରହକାରକ ।
ଶ୍ରୀବିଠ୍ଠଲାରବ୍ୟଂ ହୃଦୟଂ ତନ୍ମେ ବ୍ରୂହି ସଦାଶିବ ॥ ୧॥

ଶ୍ରୀଶଙ୍କର ଉବାଚ ।

ଶୃଣୁ ଦେବି ମହାଦେବି ପାର୍ୱତି ପ୍ରାଣବଲ୍ଲଭେ ।
ଗୁହ୍ୟାଦ୍ଗୁୟତରଂ ଶ୍ରେଷ୍ଠଂ ନାସ୍ତି ଗୁହ୍ୟମତଃ ପରମ୍ ॥ ୨॥

ଜୀବସ୍ୟ ଜୀବନଂ ସାକ୍ଷାତ୍ପ୍ରାଣିନାଂ ପ୍ରାଣ ଉଚ୍ୟତେ ।
ଯୋଗିନାଂ ହି ମହାଗମ୍ୟଂ ପାଣ୍ଡୁରଙ୍ଗାଭିଧାନକମ୍ ॥ ୩॥

ଅଦ୍ୟାପି ମହିମା ତସ୍ୟ ସର୍ୱଥା ଜ୍ଞାୟତେ ନ ହି ।
ନିତ୍ୟନୂତନତତ୍କ୍ଷେତ୍ରସ୍ୟୋପମା ନାସ୍ତି ନିଶ୍ଚିତମ୍ ॥ ୪॥

ମୁଖଂ କଞ୍ଜେନ ତୁଲିତଂ ପଦ୍ମପତ୍ରସମେକ୍ଷଣମ୍ ।
କଥଂ ସାମ୍ୟଂ ଭବେଦ୍ଦେବି ହ୍ୟନ୍ତରଂ ମହଦନ୍ତରମ୍ ॥ ୫॥

ଗଜୈରାବତୟୋଶ୍ଚୈବ ଅଶ୍ୱୋଚ୍ଚୈଃଶ୍ରବସୋସ୍ତଥା ।
ସ୍ପର୍ଶପାଷାଣାୟୋଶ୍ଚୈବ ହ୍ୟନ୍ତରଂ ମହଦନ୍ତରମ୍ ॥ ୬॥

କାଶ୍ୟାଃ ଶତଗୁଣ ଶ୍ରେଷ୍ଠଂ ଦ୍ୱାରବତ୍ୟା ଦ୍ୱିଲକ୍ଷୟୋଃ ।
ଏବଂ ସର୍ୱାଣି ତୀର୍ଥାନି କଲାଂ ନାର୍ହନ୍ତି କାନିଚିତ୍ ॥ ୭॥

ତୀର୍ଥଂ କ୍ଷେତ୍ରଂ ଦୈବତଂ ଚ ମନ୍ତ୍ରଃ ସ୍ତୋତ୍ରଂ ମହାଦ୍ଭୁତମ୍ ।
ଏତତ୍ସର୍ୱଂ ଯଥାଶକ୍ତ୍ୟା ବର୍ଣୟାମି ମମ ପ୍ରିୟେ ॥ ୮॥

ଏକଦା କ୍ଷୀରସଂସ୍ଥାନେ ଦେବଦେବଂ ଜଗଦ୍ଗୁରୁମ୍ ।
ଗତୋଽହଂ ପାଦପୂଜାର୍ଥଂ ସୁରେନ୍ନ୍ଦ୍ରବ୍ରାହ୍ୟଣୈଃ ସହ ॥ ୯॥

ଶେଷନାରଦପକ୍ଷୀନ୍ଦ୍ରୈର୍ଲକ୍ଷ୍ମୀକାନ୍ତଂ ଗଣୈଃ ସହ ।
ପ୍ରଣମ୍ୟ ପରମାତ୍ମାନଂ ତମୁବାଚ ଚତୁର୍ମୁଖଃ ॥ ୧୦॥

ବ୍ରହ୍ମୋବାଚ ।

ମହାବିଷ୍ଣୋ ଜଗନ୍ନାଥ ସର୍ୱବିଶ୍ୱଗୁହାଶୟ ।
ତବ ଯଚ୍ଚ ପ୍ରିୟଂ ଦେବ ସଂସ୍ଥାନଂ ବ୍ରୂହି କେଶବ ॥ ୧୧॥

ଶ୍ରୀଭଗବାନୁବାଚ ।

ଶୃଣୁ ବ୍ରହ୍ମନ୍ ମହାଶମ୍ଭୋ ଅଧିଷ୍ଠାନଂ ମମାଲୟମ୍ ।
ପାଣ୍ଡୁରଙ୍ଗମିତି ଖ୍ୟାତଂ ନ ସାମ୍ୟଂ ଭୁବନତ୍ରୟେ ॥ ୧୧॥

ପାଣ୍ଡୁରଙ୍ଗଂ ଚ ବୈକୁଣ୍ଠଂ ତୁଲୟିତ୍ୱା ମୟାଽଧୁନା ।
ପାଣ୍ଡୁରଙ୍ଗଂ ଗୁରୁଂ ମତ୍ୱା ପୂର୍ଣତ୍ୱେନାସ୍ଥିତୋଽସ୍ମ୍ୟହମ୍ ॥ ୧୩॥

ନାହଂ ତିଷ୍ଠାମି କ୍ଷୀରାବ୍ଧୌ ନାସ୍ମି ସୂର୍ୟେନ୍ଦୁମଣ୍ଡଲେ ।
ମନ୍ନାମକର୍ତିନସ୍ଥାନେ ତତ୍ର ତିଷ୍ଠାମି ଶଙ୍କର ॥ ୧୪॥

କାର୍ୟକାରଣକର୍ତୃତ୍ୱେ ସମ୍ଭବକ୍ଷେତ୍ରମୁଚ୍ୟତେ ।
ତାଦୃଶଂ ନାସ୍ତି ତତ୍କ୍ଷେତ୍ରଂ ଯତ୍ର ତିଷ୍ଠାମି ସର୍ୱଦା ॥ ୧୫॥

ସୁଖେ ସଞ୍ଜୟତି ବ୍ରହ୍ମ ବ୍ରହ୍ମବୀଜଂ ପ୍ରଶସ୍ୟତେ ।
ବୀଜେନ ବ୍ୟଜ୍ୟତେ ବିନ୍ଦୁର୍ବିନ୍ଦୋର୍ନାଦଃ ପ୍ରକୀର୍ତିତଃ ॥ ୧୬॥

ଆହତୋଽନାହତଶ୍ଚେତି ଦ୍ୱିଧା ନାଦସ୍ତୁ ବିଦ୍ୟତେ ।
ଓଙ୍କାରୋଽନାହତୋ ମୂର୍ତିରାହତୋ ନାମକୀର୍ତନମ୍ ॥ ୧୭॥

ବିନ୍ଦୁନାଦାତ୍ମକଂ କ୍ଷେତ୍ରଂ ନାଦୋଽବ୍ୟକ୍ତଃ ପ୍ରଦୃଶ୍ୟତେ ।
ଯତ୍ର ସଙ୍କୀର୍ତନେନୈବ ସାକ୍ଷାଦ୍ବ୍ରହ୍ମମୟୋ ଭବେତ୍ ॥ ୧୮॥

କୀଦୃଶଂ ଧୃତବାନ୍ ରୂପମିତ୍ୟାହ ପରମେଶ୍ୱରଃ ।
ଇଷ୍ଟିକାୟାଂ ସମପଦଂ ତତ୍ତ୍ୱମସ୍ୟାଦିଲକ୍ଷପାମ୍ ॥ ୧୯॥

କଟିବିନ୍ୟସ୍ତହସ୍ତାବ୍ଜଂ ପ୍ରଣବାକୃତିସୌରସମ୍ ।
ଊର୍ଧ୍ୱବୀଜସମାଖ୍ୟାତଂ ପୂର୍ଣେନ୍ଦୁମୁଖମଣ୍ଡନମ୍ ॥ ୨୦॥

ସର୍ୱଭୂଷଣଶୋଭାଢ୍ୟମୀଦୃଶଂ ମୋକ୍ଷଦଂ ନୃଣାମ୍ ।
ଅଜ୍ଞାନଜନବୋଧାର୍ଥଂ ତିଷ୍ଠାମୀହ ଜନାର୍ଦନଃ ॥ ୨୧॥

ବିଠ୍ଠଲଃ ପରମୋ ଦେବସ୍ତ୍ରୟୀରୂପେଣ ତିଷ୍ଠତି ।
ତୀର୍ଥଂ କ୍ଷେତ୍ରଂ ତଥା ଦେବୋ ବ୍ରହ୍ମ ବ୍ରହ୍ମବିଦାଂ ବର ॥ ୨୨॥

ଗୁହ୍ୟାଦ୍ଗୁହ୍ୟତରଂ ଦେବଂ କ୍ଷେତ୍ରାଣାଂ କ୍ଷେତ୍ରମୁତ୍ତମମ୍ ।
ଚନ୍ଦ୍ରଭାଗାବରଂ ତୀର୍ଥଂ ନ ଭୂତଂ ନ ଭବିଷ୍ୟତି ॥ ୨୩॥

ଇତି ଶ୍ରୁତ୍ୱା ରମେଶସ୍ୟ ବଚନଂ ପରମାମୃତମ୍ ।
ବ୍ରହ୍ମା ନାରଦସଂୟୁକ୍ତୋ ହୃଦୟଂ କୀର୍ତୟନ୍ ଯୟୌ ॥ ୨୪॥

ଇଦଂ ବିଠ୍ଠଲହୃଦୟଂ ସର୍ୱଦାରିଦ୍ର୍ୟନାଶନମ୍ ।
ସକୃତ୍ପଠନମାତ୍ରେଣ ଲଭତେ ପରମଂ ପଦମ୍ ॥ ୨୫॥

ଓମସ୍ୟ ହୃଦୟମନ୍ତ୍ରସ୍ୟ ପରବ୍ରହ୍ମ ଋଷିଃ ସ୍ମୃତଃ ।
ଛନ୍ଦୋଽନୁଷ୍ଟୁପ୍ ପ୍ରବିଖ୍ୟାତୋ ଦେବଃ ଶ୍ରୀବିଠ୍ଠଲୋ ମହଃ ॥ ୨୬॥

ଓଁ ନମୋ ବୀଜମାଖ୍ୟାତଂ ଶ୍ରୀଂ ପାତୁ ଶକ୍ତିରୀଡିତା ।
ଓଁ ଶ୍ରୀଂ କ୍ଲୀଂ କୀଲକଂ ଯସ୍ୟ ବେଧକୋ ଦେବବିଠ୍ଠଲଃ ॥ ୨୭॥

ତ୍ରିବୀଜୈରଙ୍ଗୁଲିନ୍ୟାସଃ ଷଡଙ୍ଗାନି ତତଃ ପରମ୍ ।
ଧ୍ୟାନାଦିକଂ ମହାଦିବ୍ୟଂ ହୃଦୟଂ ହୃଦୟେ ସ୍ମରେତ୍ ॥ ୨୮॥

ଓଁ ଅସ୍ୟ ଶ୍ରୀବିଠ୍ଠଲହୃଦୟସ୍ତୋତ୍ରମତ୍ରସ୍ୟ ପରବ୍ରହା ଋଷିଃ ।
ଅନୁଷ୍ଟୁପ୍ ଛନ୍ଦଃ । ଶ୍ରୀବିଠ୍ଠଲଃ ପରମାତ୍ମା ଦେବତା । ଓଁ ନମ ଇତି ବୀଜମ୍ ।
ଓଁ ଶ୍ରୀଂ ଶକ୍ତିଃ । ଓଁ ଶ୍ରୀଂ କ୍ଲୀଂ କୀଲକମ୍ । ଓଁ ଶ୍ରୀଂ ବିଠ୍ଠଲୋ ବେଧକଃ ।
ଶ୍ରୀବିଠ୍ଠଲପ୍ରୀତ୍ୟର୍ଥଂ ଜପେ ବିନିୟୋଗଃ ।
ଓଁ ଶ୍ରୀଂ କ୍ଲୀଂ ଅଙ୍ଗୁଲ୍ୟାଦି- ଷଡଗନ୍ୟାସଃ ॥

ଅଥ ଧ୍ୟାନମ୍

ଓଁ ଶ୍ରୀଂ କ୍ଲୀଂ ପ୍ରହସିତମୁଖଚନ୍ଦ୍ରଂ ପ୍ରୋଲ୍ଲସତ୍ପୂର୍ଣବିମ୍ବଂ
ପ୍ରଣମଦଭୟହସ୍ତଂ ଚାରୁନୀଲାମ୍ବୁଦାଭମ୍ ।
ସମପଦକମନୀୟଂ ତତ୍ତ୍ୱବୋଧାବଗମ୍ୟଂ
ସଦୟବରଦଦେବଂ ବିଠ୍ଠଲଂ ତଂ ନମାମି ॥ ୨୯॥

କ୍ଲୀଂ ଶ୍ରୀଂ ଓଁ ଓଁ ଶ୍ରୀଂ କ୍ଲୀମ୍ ॥

ପାଣ୍ଡୁରଙ୍ଗଃ ଶିଖାଂ ପାତୁ ମୂର୍ଧାନଂ ପାତୁ ବିଠ୍ଠଲଃ ।
ମସ୍ତକଂ ମାଧବଃ ପାତୁ ତିଲକଂ ପାତୁ ଶ୍ରୀକରଃ ॥ ୩୦॥

ଭର୍ଗଃ ପାତୁ ଭୁବୋର୍ମଧ୍ୟେ ଲୋଚନେ ବିଷ୍ଣୁରୋଜସା ।
ଦୃଷ୍ଟିଂ ସୁଦର୍ଶନଃ ପାତୁ ଶ୍ରୋତ୍ରେ ପାତୁ ଦିଗମ୍ବରଃ ॥ ୩୧॥

ନାସାଗ୍ରଂ ସୃଷ୍ଟିସୌନ୍ଦର୍ୟ ଓଷ୍ଠୌ ପାତୁ ସୁଧାର୍ଣବଃ ।
ଦନ୍ତାନ୍ ଦୟାନିଧିଃ ପାତୁ ଜିହ୍ୱାଂ ମେ ବେଦବଲ୍ଲଭଃ ॥ ୩୨॥

ତାଲୁଦେଶଂ ହରିଃ ପାତୁ ରସନାଂ ଗୋରସପ୍ରିୟଃ ।
ଚିବୁକଂ ଚିନ୍ମୟଃ ପାତୁ ଗ୍ରୀବାଂ ମେ ଗରୁଡଧ୍ୱଜଃ ॥ ୩୩॥

କଣ୍ଠଂ ତୁ କମ୍ବୁକଣ୍ଠଶ୍ଚ ସ୍କନ୍ଧୌ ପାତୁ ମହାବଲଃ ।
ଭୁଜୌ ଗିରିଧରଃ ପାତୁ ବାହୂ ମେ ମଧୁସୂଦନଃ ॥ ୩୪॥

କୂର୍ପରୌ କୃପୟାବିଷ୍ଟଃ କରୌ ମେ କମଲାପତିଃ ।
ଅଗୁଲୀରଚ୍ୟୁତଃ ପାତୁ ନଖାନି ନରକେସରୀ ॥ ୩୫॥

ବକ୍ଷଃ ଶ୍ରୀଲାଞ୍ଛନଃ ପାତୁ ସ୍ତନୌ ମେ ସ୍ତନଲାଲସଃ ।
ହୃଦୟଂ ଶ୍ରୀହୃଷୀକେଶ ଉଦରଂ ପରମାମୃତଃ ॥ ୩୬॥

ନାଭିଂ ମେ ପଦ୍ମନାଭଶ୍ଚ କୁକ୍ଷିଂ ବ୍ରହୟାଡନାୟକଃ ।
କଟିଂ ପାତୁ କଟିକରୋ ଜଘନଂ ତୁ ଜନାର୍ଦନଃ ॥ ୩୭॥

ଶିଶ୍ନଂ ପାତୁ ସ୍ମରାଧୀଶୋ ବୃଷଣେ ବୃଷଭଃ ପତିଃ ।
ଗୁହ୍ୟଂ ଗୁହ୍ୟତରଃ ପାତୁ ଊରୂ ପାତୂରୁବିକ୍ରମଃ ॥ ୩୮॥

ଜାନୂ ପାତୁ ଜଗନ୍ନାଥୋ ଜଙ୍ଘେ ମେ ମନମୋହନଃ ।
ଗୁଲ୍ଫୌ ପାତୁ ଗଣାଧୀଶଃ ପାଦୌ ପାତୁ ତ୍ରିବିକ୍ରମଃ ॥ ୩୯॥

ଶରୀରଂ ଚାଖିଲଂ ପାତୁ ନରନାରାୟଣୋ ହରିଃ ।
ଅଗ୍ରେ ହ୍ୟଗ୍ରତରଃ ପାତୁ ଦକ୍ଷିଣେ ଦକ୍ଷକପ୍ରିୟଃ ॥ ୪୦॥

ପୃଷ୍ଠେ ପୁଷ୍ଟିକରଃ ପାତୁ ବାମେ ମେ ବାସବପ୍ରଭୁଃ ।
ପୂର୍ୱେ ପୂର୍ୱାପରଃ ପାତୁ ଆଗ୍ନେୟ୍ୟାଂ ଚାଗ୍ନିରକ୍ଷକଃ ॥ ୪୧॥

ଦକ୍ଷିଣେ ଦୀକ୍ଷିତାର୍ଥଶ୍ଚ ନୈରୃତ୍ୟାମୃତୁନାୟକଃ ।
ପଶ୍ଚିମେ ବରୁଣାଧୀଶୋ ବାୟବ୍ୟେ ବାତଜାପତିଃ ॥ ୪୨॥

ଉତ୍ତରେ ଧୃତଖଡ୍ଗଶ୍ଚ ଈଶାନ୍ୟେ ପାତୁ ଈଶ୍ୱରଃ ।
ଉପରିଷ୍ଟାତ୍ତୁ ଭଗବାନନ୍ତରିକ୍ଷେ ଚିଦମ୍ବରଃ ॥ ୪୩॥

ଭୂତଲେ ଧରଣୀନାଥଃ ପାତାଲେ କୂର୍ମନାୟକଃ ।
ସ୍ୱର୍ଗେ ପାତୁ ସୁରେଦ୍ରେନ୍ଦ୍ରୋ ବ୍ରହ୍ମାଣ୍ଡେ ବ୍ରହ୍ମଣସ୍ପତିଃ ॥ ୪୪॥

ଅଟବ୍ୟାଂ ନୃହରିଃ ପାତୁ ଜୀବନେ ବିଶ୍ୱଜୀବନଃ ।
ମାର୍ଗେ ପାତୁ ମନୋଗମ୍ୟଃ ସ୍ଥାନେ ପାତୁ ସ୍ଥିରାସନଃ ॥ ୪୫॥

ସବାହ୍ୟାଭ୍ୟନ୍ତରଂ ପାତୁ ପୁଣ୍ଡରୀକବରପ୍ରିୟଃ ।
ବିଷ୍ଣୁର୍ମେ ବିଷୟାନ୍ ପାତୁ ବାସନାଃ ପାତୁ ବାମନଃ ॥ ୪୬॥

କର୍ତା କର୍ମେନ୍ଦ୍ରିୟଂ ପାତୁ ଜ୍ଞାତା ଜ୍ଞାନେନ୍ଦ୍ରିୟଂ ସଦା ।
ପ୍ରାଣାନ୍ ପାତୁ ପ୍ରାଣନାଥ ଆତ୍ମାରାମୋ ମନାଦିଷୁ ॥ ୪୭॥

ଜାଗତିଂ ମେ ଜଗଦ୍ବ୍ରହ୍ମ ସ୍ୱପ୍ନଂ ପାତୁ ସୁତେଜକଃ ।
ସୁଷୁପ୍ତିଂ ମେ ସମାଧୀଶସ୍ତୁର୍ୟାଂ ପାତୁ ମୁନିପ୍ରିୟଃ ॥ ୪୮॥

ଭାର୍ୟାଂ ପାତୁ ରମାକାନ୍ତଃ ପୁତ୍ରାନ୍ପାତୁ ପ୍ରଜାନିଧିଃ ।
କନ୍ୟାଂ ମେ କରୁଣାନାଥୋ ବାନ୍ଧବାନ୍ଭକ୍ତବତ୍ସଲଃ ॥ ୪୯॥

ଧନଂ ପାତୁ ଧନାଧ୍ୟକ୍ଷୋ ଧାନ୍ୟଂ ବିଶ୍ୱକୁଟୁମ୍ବକଃ ।
ପଶୂନ୍ମେ ପାଲକଃ ପାତୁ ବିଦ୍ୟାଂ ପାତୁ କଲାନିଧିଃ ॥ ୫୦॥

ବାଚସ୍ପତିଃ ପାତୁ ବାଦେ ସଭାୟାଂ ବିଶ୍ୱମୋହନଃ ।
କାମକ୍ରୋଧୋଦ୍ଭବାତ୍ପାତୁ ପୂର୍ଣକାମୋ ମନୋରମଃ ॥ ୫୧॥

ବସ୍ତ୍ରଂ ରତ୍ନଂ ଭୂଷଣଂ ଚ ନାମ ରୂପଂ କୁଲଂ ଗହମ୍ ।
ସର୍ୱଂ ସର୍ୱାତ୍ମକଃ ପାତୁ ଶୁଦ୍ଧବ୍ରହ୍ମପରାତ୍ପରଃ ॥ ୫୨॥

କ୍ଲୀ ଶ୍ରୀଂ ଓଁ ଓଁ ଶ୍ରୀ କ୍ଲୀମ୍ ।
ବିଷ୍ଟଲଂ ମୂର୍ଧ୍ନି ବିନ୍ୟସ୍ୟ ଲଲାଟେ ଶ୍ରୀକରଂ ନ୍ୟସେତ୍ ।
ପାଣ୍ଡୁରଙ୍ଗଂ ଭ୍ରୁବୋର୍ମଧ୍ୟେ ନେତ୍ରୟୋର୍ୱ୍ୟାପକଂ ନ୍ୟସେତ୍ ॥ ୫୩॥

କର୍ଣୟୋର୍ନିଗମାର୍ଥଂ ଚ ଗଲ୍ଲୟୋର୍ୱଲ୍ଲଭଂ ନ୍ୟସେତ୍ ।
ନାସିକାୟାଂ ନ୍ୟସେତ୍କୃଷ୍ଣଂ ମୁଖେ ବୈ ମାଧବଂ ନ୍ୟସେତ୍ ॥ ୫୪॥

ଓଷ୍ଠୟୋର୍ମୁରଲୀକାନ୍ତଂ ଦନ୍ତପଙ୍କ୍ତ୍ୟାଂ ସୁହାସକମ୍ ।
ରସନାୟାଂ ରସାଧୀଶଂ ଜିହ୍ୱାରଗ୍ରେ କୀର୍ତନଂ ନ୍ୟସେତ୍ ॥ ୫୫॥

କଣ୍ଠେ ନ୍ୟସେନ୍ମହାବିଷ୍ଣୁଂ ସ୍କନ୍ଧୟୋଃ କମଲାପତିମ୍ ।
ବାହ୍ୱୋର୍ବଲାନୁଜଂ ନ୍ୟସ୍ୟ କରେ ଚକ୍ରଧରଂ ନ୍ୟସେତ୍ ॥ ୫୬॥

ପାଣିତଲେ ପଦ୍ମଧରଂ କରାଗ୍ରେ ବରଦାଭୟମ୍ ।
ବକ୍ଷଃସ୍ଥଲେ ବରେଣ୍ୟଂ ଚ ହୃଦୟେ ଶ୍ରୀହରିଂ ନ୍ୟସେତ୍ ॥ ୧ ୭॥

ଉଦରେ ବିଶ୍ୱଭର୍ତାରଂ ନାଭୌ ନାଭିକରଂ ନ୍ୟସେତ୍ ।
କଟ୍ୟାଂ ନ୍ୟସେତ୍କ୍ରିୟାତୀତମୂରୌ ତୁ ଉଦ୍ଧବପ୍ରିୟମ୍ ॥ ୫୮॥

ଜାନୁଦ୍ୱୟେ ନ୍ୟସେଚ୍ଛକ୍ତିଂ ପାଦୟୋଃ ପାବନଂ ନ୍ୟସେତ୍ ।
ସବାହ୍ୟାଭ୍ୟନ୍ତରଂ ନ୍ୟସ୍ୟ ଦେବଦେବଂ ଜଗଦ୍ଗୁରୁମ୍ ॥ ୫୯॥

କ୍ଲୀଂ ଶ୍ରୀଂ ଓଁ ଓଁ ଶ୍ରୀଂ କ୍ଲୀମ୍ ।
ବିଷ୍ଠଲାୟ ନମସ୍ତୁଭ୍ୟଂ ନମୋ ବିଜ୍ଞାନହେତବେ ।
ବିଷ୍ଣୁଜିଷ୍ଣୁସ୍ୱରୂପାୟ ଶ୍ରୀବିଷ୍ଣବେ ନମୋ ନମଃ ॥ ୬୦॥

ନମଃ ପୁଣ୍ଡରୀକାକ୍ଷାୟ ପୂର୍ଣବିମ୍ବାତ୍ମଭେ ନମଃ ।
ନମସ୍ତେ ପାଣ୍ଡୁରଙ୍ଗାୟ ପାବନାୟ ନମୋ ନମଃ ॥ ୬୧॥

ନମଃ ପୂର୍ଣପ୍ରକାଶାୟ ନମସ୍ତେ ପୂର୍ଣତେଜସେ ।
ପୂର୍ଣୈଶ୍ୱର୍ୟସ୍ୱରୂପାୟ ପୂର୍ଣଜ୍ଞାନାତ୍ମନେ ନମଃ ॥ ୬୨॥

ସଚ୍ଚିଦାନନ୍ଦକନ୍ଦାୟ ନମୋଽନନ୍ତସୁଖାତ୍ମନେ ।
ନମୋଽନନ୍ତାୟ ଶାନ୍ତାୟ ଶ୍ରୀରାମାୟ ନମୋ ନୁମଃ ॥ ୬୩॥

ନମୋ ଜ୍ୟୋତିଃସ୍ୱରୂପାୟ ନମୋ ଜ୍ୟୋତିର୍ମୟାତ୍ମନେ ।
ନମୋ ଜ୍ୟୋତିଃପ୍ରକାଶାୟ ସର୍ୱୋତ୍କୃଷ୍ଟାତ୍ମନେ ନମଃ ॥ ୬୪॥

ଓଁ ନମୋବ୍ରହ୍ମରୂପାୟ ନମ ଓଁଙ୍କାରମୂର୍ତୟେ ।
ନିର୍ୱିକଲ୍ପାୟ ସତ୍ୟାୟ ଶୁଦ୍ଧସତ୍ତ୍ୱାତ୍ମନେ ନମଃ ॥ ୬୫॥

ମହଦ୍ବ୍ରହ୍ମ ନମସ୍ତେଽସ୍ତୁ ସତ୍ୟସଙ୍କଲ୍ପହେତବେ ।
ନମଃ ସୃଷ୍ଟିପ୍ରକାଶାୟ ଗୁଣସାମ୍ୟାୟତେ ନମଃ ॥ ୬୬॥

ବ୍ରହ୍ମବିଷ୍ଣୁମହେଶାୟ ନାନାବର୍ଣାତ୍ମରୂପିଣେ ।
ସଦୋଦିତାୟ ଶୁଦ୍ଧାୟ ଗୁଣାତୀତାୟ ତେ ନମଃ ॥ ୬୭॥

ନମଃ ସହସ୍ରନାମ୍ନେ ଚ ନମଃ ସହସ୍ରରୂପିଣେ ।
ନମଃ ସହସ୍ରବକ୍ତ୍ରାୟ ସହସ୍ରାକ୍ଷାୟତେ ନମଃ ॥ ୬୮॥

କେଶବାୟ ନମସ୍ତୁଭ୍ୟଂ ନମୋ ନାରାୟଣାୟଚ ।
ମାଧବାୟ ନମସ୍ତେଽସ୍ତୁ ଗୋବିନ୍ଦାୟ ନମୋ ନମଃ ॥ ୬୯॥

ଶ୍ରୀବିଷ୍ଣବେ ନମସ୍ତୁଭ୍ୟଂ ମଧୁସୂଦନରୂପିଣେ ।
ତ୍ରିବିକ୍ରମ ସୁଦୀର୍ଘାୟ ବାମନାୟ ନମୋ ନମଃ ॥ ୭୦॥

ଶ୍ରୀଧରାୟ ନମସ୍ତୁଭ୍ୟଂ ହୃଷୀକେଶାୟ ତେ ନମଃ ।
ନମସ୍ତେ ପଦ୍ମନାଭାୟ ଦାମୋଦରାୟ ତେ ନମଃ ॥ ୭୧॥

ନମସ୍ତେ ସଙ୍କର୍ଷଣାୟ ବାସୁଦେବାୟ ତେ ନମଃ ।
ପ୍ରଦ୍ୟୁମ୍ନାୟ ନମସ୍ତେଽସ୍ତୁ ଅନିରୁଦ୍ଧାୟତେ ନମଃ ॥ ୭୨॥

ନମଃ ପୁରୁଷୋତ୍ତମାୟାଧୋକ୍ଷଜାୟ ତେ ନମୋ ନମଃ ।
ନମସ୍ତେ ନାରସିଂହାୟ ଅଚ୍ୟୁତାୟ ନମୋ ନମଃ ॥ ୭୩॥

ନମୋ ଜନାର୍ଦନାୟାସ୍ତୂପେନ୍ଦ୍ରାୟ ଚ ନମୋ ନମଃ ।
ଶ୍ରୀହରୟେ ନମସ୍ତୁଭ୍ୟଂ ଶ୍ରୀକୃଷ୍ଣାୟ ନମୋ ନମଃ ॥ ୭୪॥

ନମଃ ପଣ୍ଢରିନାଥାୟ ଭୀମାତୀରନିବାସିନେ ।
ନମୋ ଋଷିପ୍ରସନ୍ନାୟ ବରଦାୟ ନମୋ ନମଃ ॥ ୭୫॥

ଇଷ୍ଟିକାରୂଢରୂପାୟ ସମପାଦାୟ ତେ ନମଃ ।
କଟିବିନ୍ୟସ୍ତହସ୍ତାୟ ମୁଖବ୍ରହ୍ମାତ୍ମନେ ନମଃ ॥ ୭୬॥

ନମସ୍ତୀର୍ଥସ୍ୱରୂପାୟ କ୍ଷେତ୍ରରୂପାତ୍ମନେ ନମଃ ।
ନମୋଽସ୍ତୁ ମୂର୍ତିମୂର୍ତାୟ ତ୍ରିମୂର୍ତୟେ ନମୋ ନମଃ ॥ ୭୭॥

ନମସ୍ତେ ବିନ୍ଦୁତୀର୍ଥାୟ ନମୋଽମୃତେଶ୍ୱରାୟ ଚ ।
ନମଃ ପୁଷ୍କରତୀର୍ଥାୟ ଚନ୍ଦ୍ରଭାଗାୟ ତେ ନମଃ ॥ ୭୮॥

ନମସ୍ତେ ଜାନୁଦେବାୟ ଧୀରାବତ୍ୟୈ ନମୋ ନମଃ ।
ନମସ୍ତେ ପୁଣ୍ଡରୀକାୟ ଭୀମରଥ୍ୟୈ ନମୋ ନମଃ ॥ ୭୯॥

ମୁକ୍ତିକେଶପ୍ରବରାୟ ବେଣୁବାଦାତ୍ମନେ ନମଃ ।
ନମସ୍ତେଽନନ୍ତପାଦାୟ ଦ୍ୱିପଦାୟ ନମୋ ନମଃ ॥ ୮୦॥

ନମୋ ଗୋବତ୍ସପାଦାୟ ଗୋପାଲାୟ ନମୋ ନମଃ ।
ନମସ୍ତେ ପଦ୍ମତୀର୍ଥାୟ ନରନାରାୟଣାତ୍ମନେ ॥ ୮୧॥

ନମସ୍ତେ ପିତୃତୀର୍ଥାୟ ଲକ୍ଷ୍ମୀତୀର୍ଥାୟ ତେ ନମଃ ।
ନମୋଽସ୍ତୁ ଶଙ୍ଖଚକ୍ରାୟ ଗଦାପଦ୍ମାୟ ତେ ନମଃ ॥ ୮୨॥

ନମୋଽଶ୍ୱତ୍ଥନୃସିଂହାୟ କୁଣ୍ଡଲାଖ୍ୟସ୍ୱରୂପିଣେ ।
ନମସ୍ତେ କ୍ଷେତ୍ରପାଲାୟ ମହାଲିଙ୍ଗାୟ ତେ ନମଃ ॥ ୮୩॥

ନମସ୍ତେ ରଙ୍ଗଶାଲାୟ ନମଃ କୀର୍ତନରୂପିଣେ ।
ମମୌ ରୁକ୍ମିଣିନାଥାୟ ମହାମୂର୍ତ୍ୟୈ ନମୋ ନମଃ ॥ ୮୪॥

ନମୋ ବୈକୁଣ୍ଠନାଥାୟ ନମଃ କ୍ଷୀରାବ୍ଧିଶାୟିନେ ।
ସର୍ୱବ୍ରହ୍ମ ନମସ୍ତୁଭ୍ୟମହମ୍ବ୍ରହ୍ମାତ୍ମନେ ନମଃ ॥ ୮୫॥

ନମୋ ନମୋ ନମସ୍ତୁଭ୍ୟଂ ନମସ୍ତେଽସ୍ତୁ ନମୋ ନମଃ ।
କ୍ଲୀଂ ଶ୍ରୀଂ ଓମ୍ ।
ଆଦ୍ୟନ୍ତେ ସମ୍ପୁଟୀକୃତ୍ୟ ବୀଜୈଶ୍ଚ ପ୍ରାଣବଲ୍ଲଭେ ॥ ୮୬॥

ଅଷ୍ଟୋତ୍ତରଶତଂ ମନ୍ତ୍ରାନ୍ ହୃଦୟଂ ନମନୈଃ ସହ ।
ଉରନନ୍ୟୈଃ କୀର୍ତିତଂ ଯୈଶ୍ଚ ତେଷାମାଜ୍ଞାଂ ବହାମ୍ୟହମ୍ ॥ ୮୭॥

ଯାବଦ୍ୟସ୍ୟ ଯଥା ଭାବୋ ଯନ୍ନାମନ୍ୟାସପୂର୍ୱକମ୍ ।
ତାବଦେବ ହି ବିଜ୍ଞାନଂ ଗଦିତଂ ମଦନୁଗ୍ରହାତ୍ ॥ ୮୮॥

ଶ୍ରୀଶଙ୍କର ଉବାଚ ।
ଇତ୍ୟୁକ୍ତଂ ବାସୁଦେତ୍ରୋକ୍ତଂ ଗୋପ୍ୟାଦ୍ଗୋପ୍ୟତରଂ ମହତ୍ ।
ନିତ୍ୟଂ ସଙ୍କୀର୍ତନଂ ଯସ୍ୟ ପ୍ରାପ୍ତମୁକ୍ତିର୍ନ ସଂଶୟଃ ॥ ୮୯॥

ଇଦଂ ଗୁହ୍ୟଂ ହି ହୃଦୟଂ ବିଠ୍ଠଲସ୍ୟ ମହାଦ୍ଭୁତମ୍ ।
ଶୃଣୁୟାଚ୍ଛ୍ରଦ୍ଧୟା ଯୁକ୍ତୋ ବୈକୁଣ୍ଠେ ଲଭତେ ରତିମ୍ ॥ ୯୦॥

ଏବମୁକ୍ତ୍ୱା ମହାଦେବଃ ପାର୍ୱତୀମନୁକମ୍ପୟା ।
ସମାଧିସ୍ଥୋଽଭବଚ୍ଛଭୁଃ ସୁସ୍ମିତଃ କମଲାନନଃ ॥ ୯୧॥

ଇତି ବିଠ୍ଠଲହୃଦୟଂ ସମ୍ପୂର୍ଣମ୍ ।

Found a Mistake or Error? Report it Now