अर्धनारीश्वर नमस्कार स्तोत्र

|| अर्धनारीश्वर नमस्कार स्तोत्र ||

श्रीकण्ठं परमोदारं सदाराध्यां हिमाद्रिजाम्|

नमस्याम्यर्धनारीशं पार्वतीमम्बिकां तथा|

शूलिनं भैरवं रुद्रं शूलिनीं वरदां भवाम्|

नमस्याम्यर्धनारीशं पार्वतीमम्बिकां तथा|

व्याघ्रचर्माम्बरं देवं रक्तवस्त्रां सुरोत्तमाम्|

नमस्याम्यर्धनारीशं पार्वतीमम्बिकां तथा|

बलीवर्दासनारूढं सिंहोपरि समाश्रिताम्|

नमस्याम्यर्धनारीशं पार्वतीमम्बिकां तथा|

काशीक्षेत्रनिवासं च शक्तिपीठनिवासिनीम्|

नमस्याम्यर्धनारीशं पार्वतीमम्बिकां तथा|

पितरं सर्वलोकानां गजास्यस्कन्दमातरम्|

नमस्याम्यर्धनारीशं पार्वतीमम्बिकां तथा|

कोटिसूर्यसमाभासं कोटिचन्द्रसमच्छविम्|

नमस्याम्यर्धनारीशं पार्वतीमम्बिकां तथा|

यमान्तकं यशोवन्तं विशालाक्षीं वराननाम्|

नमस्याम्यर्धनारीशं पार्वतीमम्बिकां तथा|

कपालमालिनं भीमं रत्नमाल्यविभूषणाम्|

नमस्याम्यर्धनारीशं पार्वतीमम्बिकां तथा|

शिवार्धाङ्गं महावीरं शिवार्धाङ्गीं महाबलाम्|

नमस्याम्यर्धनारीशं पार्वतीमम्बिकां तथा|

Found a Mistake or Error? Report it Now