|| శ్రీ లక్ష్మీ ద్వాదశనామ స్తోత్రం ||
శ్రీదేవీ ప్రథమం నామ ద్వితీయమమృతోద్భవా |
తృతీయం కమలా ప్రోక్తా చతుర్థం లోకసుందరీ || ౧ ||
పంచమం విష్ణుపత్నీ చ షష్ఠం స్యాత్ వైష్ణవీ తథా |
సప్తమం తు వరారోహా అష్టమం హరివల్లభా || ౨ ||
నవమం శార్ఙ్గిణీ ప్రోక్తా దశమం దేవదేవికా |
ఏకాదశం తు లక్ష్మీః స్యాత్ ద్వాదశం శ్రీహరిప్రియా || ౩ ||
ద్వాదశైతాని నామాని త్రిసంధ్యం యః పఠేన్నరః |
ఆయురారోగ్యమైశ్వర్యం తస్య పుణ్యఫలప్రదమ్ || ౪ ||
ఇతి శ్రీ లక్ష్మీ ద్వాదశనామ స్తోత్రమ్ ||
Found a Mistake or Error? Report it Now
