|| Sri Narasimha Namaskara Stotram ||
vajrakāya suraśrēṣṭha cakrābhayakara prabhō |
varēṇya śrīprada śrīman narasiṁha namō:’stu tē || 1 ||
kalātman kamalākānta kōṭisūryasamacchavē |
raktajihva viśālākṣa tīkṣṇadaṁṣṭra namō:’stu tē || 2 ||
dīptarūpa mahājvāla prahlādavaradāyaka |
ūrdhvakēśa dvijaprēṣṭha śatruñjaya namō:’stu tē || 3 ||
vikaṭa vyāptabhūlōka nijabhaktasurakṣaka |
mantramūrtē sadācāriviprapūjya namō:’stu tē || 4 ||
adhōkṣaja surārādhya satyadhvaja surēśvara |
dēvadēva mahāviṣṇō jarāntaka namō:’stu tē || 5 ||
bhaktisantuṣṭa śūrātman bhūtapāla bhayaṅkara |
nirahaṅkāra nirmāya tējōmaya namō:’stu tē || 6 ||
sarvamaṅgala sarvēśa sarvāriṣṭavināśana |
vaikuṇṭhavāsa gambhīra yōgīśvara namō:’stu tē || 7 ||
iti śrī nr̥siṁha namaskāra stōtram |
Found a Mistake or Error? Report it Now
