|| Sri Narasimha Stotram 5 (Vasudevananda Saraswati Krutam) ||
jaya jaya bhayahārin bhaktacittābjacārin
jaya jaya nayacārin dr̥ptamattārimārin |
jaya jaya jayaśālin pāhi naḥ śūrasiṁha
jaya jaya dayayārdra trāhi naḥ śrīnr̥siṁha || 1 ||
asurasamaradhīrastvaṁ mahātmāsi jiṣṇō
amaravisaravīrastvaṁ parātmāsi viṣṇō |
sadayahr̥daya gōptā tvanna cānyō vimōha
jaya jaya dayayārdra trāhi naḥ śrīnr̥siṁha || 2 ||
kharataranakharāstraṁ svārihatyai vidhatsē
parataravarahastaṁ svāvanāyaiva dhatsē |
bhavabhayabhayakartā kō:’parāstārkṣyavāha
jaya jaya dayayārdra trāhi naḥ śrīnr̥siṁha || 3 ||
asurakulabalāriḥ svēṣṭacētastamō:’riḥ
sakalakhalabalāristvaṁ svabhaktārivairī |
tvadita sa inadr̥k satpakṣapātī na cēha
jaya jaya dayayārdra trāhi naḥ śrīnr̥siṁha || 4 ||
sakalasurabalāriḥ prāṇimātrāpakārī
tava bhajakavarārirdharmavidhvaṁsakārī |
suravaravaradr̥ptaḥ sō:’pyaristē hatō ha
jaya jaya dayayārdra trāhi naḥ śrīnr̥siṁha || 5 ||
dahanādahahābdhipātanā-
-dgaradānādbhr̥gupātanādapi |
nijabhakta ihāvitō yathā
narasiṁhāpi sadāva nastathā || 6 ||
nijabhr̥tyavibhāṣitaṁ mitaṁ
khalu kartuṁ tvamr̥taṁ dayākara |
prakaṭīkr̥tamidhmamadhyatō
nijarūpaṁ narasiṁha dhīśvara || 7 ||
nārādhanaṁ na havanaṁ na tapō japō vā
tīrthaṁ vrataṁ na ca kr̥taṁ śravaṇādi nō vā |
sēvā kuṭumbabharaṇāya kr̥tādidīnā
dīnārtihan naraharē:’ghaharē ha nō:’va || 8 ||
iti śrīmatparamahaṁsa parivrājakācārya śrīvāsudēvānandasarasvatī viracitaṁ śrī narasiṁha stōtram |
Found a Mistake or Error? Report it Now
