|| Sri Matangi Stotram 4 (Devi Shatkam) ||
amba śaśibimbavadanē kambugrīvē kaṭhōrakucakumbhē |
ambarasamānamadhyē śambararipuvairidēvi māṁ pāhi || 1 ||
kundamukulāgradantāṁ kuṅkumapaṅkēna liptakucabhārām |
ānīlanīladēhāmambāmakhilāṇḍanāyakīṁ vandē || 2 ||
sarigamapadhaniratāntāṁ vīṇāsaṅkrāntacāruhastāṁ tām |
śāntāṁ mr̥dulasvāntāṁ kucabharatāntāṁ namāmi śivakāntām || 3 ||
avaṭutaṭaghaṭitacūlītāḍitatālīpalāśatāṭaṅkām |
vīṇāvādanavēlākampitaśirasaṁ namāmi mātaṅgīm || 4 ||
vīṇārasānuṣaṅgaṁ vikacamadāmōdamādhurībhr̥ṅgam |
karuṇāpūritaraṅgaṁ kalayē mātaṅgakanyakāpāṅgam || 5 ||
dayamānadīrghanayanāṁ dēśikarūpēṇa darśitābhyudayām |
vāmakucanihitavīṇāṁ varadāṁ saṅgīta mātr̥kāṁ vandē || 6 ||
smarēt prathamapuṣpiṇīṁ rudhirabindu nīlāmbarāṁ
gr̥hitamadhupātrakāṁ madavighūrṇanētrāñcalām |
karasphuritavallakīṁ vimalaśaṅkhatāṭaṅkinīṁ
ghanastanabharālasāṁ galitacēlikāṁ śyāmalām || 7 ||
sakuṅkumavilēpanāmalakacumbikastūrikāṁ
samandahasitēkṣaṇāṁ saśaracāpapāśāṅkuśām |
aśēṣajanamōhinīmaruṇamālyabhūṣāmbarāṁ
japākusumabhāsurāṁ japavidhau smarēdambikām || 8 ||
māṇikyavīṇāmupalālayantīṁ
madālasāṁ mañjulavāgvilāsām |
māhēndranīladyutikōmalāṅgīṁ
mātaṅgakanyāṁ manasā smarāmi || 9 ||
iti dēvīṣaṭkaṁ nāma śrī mātaṅgī stōtram ||
Found a Mistake or Error? Report it Now
