|| శ్రీ భద్రకాళీ కవచం – 2 (జగన్మంగళం) ||
శ్రీదేవ్యువాచ |
భగవన్ కరుణాంభోధే శాస్త్రాన్ భో నిధిపారగః |
త్రైలోక్యసారయేత్తత్త్వం జగద్రక్షణకారకః || ౧ ||
భద్రకాళ్యా మహాదేవ్యాః కవచం మంత్రగర్భకమ్ |
జగన్మంగళదం నామ వద శంభో దయానిధే || ౨ ||
శ్రీభైరవ ఉవాచ |
భైం భద్రకాళీకవచం జగన్మంగళనామకమ్ |
గుహ్యం సనాతనం పుణ్యం గోపనీయం విశేషతః || ౩ ||
జగన్మంగళనామ్నోఽస్య కవచస్య ఋషిః శివః |
ఉష్ణిక్ఛందః సమాఖ్యాతం దేవతా భద్రకాళికా || ౪ ||
భైం బీజం హూం తథా శక్తిః స్వాహా కీలకముచ్యతే |
ధర్మార్థకామమోక్షార్థే వినియోగః ప్రకీర్తితః || ౫ ||
అస్య శ్రీజగన్మంగళనామ్నో భద్రకాళీ కవచస్య శివ ఋషిః ఉష్ణిక్ ఛందః శ్రీభద్రకాళీ దేవతా భైం బీజం హూం శక్తిః స్వాహా కీలకం ధర్మార్థకామమోక్షార్థే కవచ పాఠే వినియోగః |
అథ ధ్యానమ్ |
ఉద్యచ్చంద్రకళావతంసిత శిఖాం క్రీంకారవర్ణోజ్జ్వలాం
శ్యామాం శ్యామముఖీం రవీందునయనాం హూంవర్ణరక్తాధరామ్ |
భైం బీజాంకిత మానసాం శవగతాం నీలాంబరోద్భాసితాం
స్వాహాలంకృత సర్వగాత్రలతికాం భైం భద్రకాళీం భజే ||
అథ కవచమ్ |
ఓం | భైం పాతు మే శిరో నిత్యం దేవీ భైం భద్రకాళికా |
లలాటం క్రీం సదా పాతు మహారత్నేశ్వరీ తథా || ౧ ||
క్రీం భ్రువౌ పాతు మే నిత్యం మహాకామేశ్వరీ తథా |
నేత్రేవ్యాత్ క్రీం చ మే నిత్యం నిత్యానందమయీ శివా || ౨ ||
గండౌ మే పాతు భైం నిత్యం సర్వలోకమహేశ్వరీ |
శ్రుతీ హ్రీం పాతు మే నిత్యం సర్వమంగళమంగళా || ౩ ||
నాసాం హ్రీం పాతు మే నిత్యం మహాత్రిభువనేశ్వరీ |
అధరే హూం సదావ్యాన్మే సర్వమంత్రమయీ తథా || ౪ ||
జిహ్వాం క్రీం మే సదా పాతు విశుద్ధేశ్వరరూపిణీ |
భైం హ్రీం హ్రీం మే దంతాన్ పాతు నిత్యా క్రీం కులసుందరీ || ౫ || [రదాన్]
హ్రీం హూం క్రీం మే గళం పాతు జ్వాలామండలమండనా |
హ్రీం హూం క్రీం మే భుజౌ పాతు భవమోక్షప్రదాంబికా || ౬ ||
హ్రీం హూం క్రీం మే కరౌ పాతు సర్వానందమయీ తథా |
స్తనౌ క్రీం హూం సదా పాతు నిత్యా నీలపతాకినీ || ౭ ||
క్రీం భైం హ్రీం మమ వక్షోవ్యాత్ బ్రహ్మవిద్యామయీ శివా |
భైం కుక్షిం మే సదా పాతు మహాత్రిపురసుందరీ || ౮ ||
ఐం సౌః భైం పాతు మే పార్శ్వౌ విద్యా చతుర్దశాత్మికా |
ఐం క్లీం భైం పాతు మే పృష్ఠం సర్వమంత్రవిభూషితా || ౯ ||
ఓం క్రీం ఐం సౌః సదావ్యాన్మే నాభిం భైం బైందవేశ్వరీ |
ఓం హ్రీం హూం పాతు శిశ్నం మే దేవతా భగమాలినీ || ౧౦ ||
హ్రీం హ్రీం హ్రీం మే కటిం పాతు దేవతా భగరూపిణీ |
హూం హూం భైం భైం సదావ్యాన్మే దేవీ బ్రహ్మస్వరూపిణీ || ౧౧ ||
ఓం క్రీం హూం పాతు మే జానూ మహాత్రిపురభైరవీ |
ఓం క్రీం ఐం సౌః పాతు జంఘే బాలా శ్రీత్రిపురేశ్వరీ || ౧౨ ||
గుల్ఫౌ మే క్రీం సదా పాతు శివశక్తిస్వరూపిణీ |
క్రీం ఐం సౌః పాతు మే పాదౌ పాయాత్ శ్రీకులసుందరీ || ౧౩ ||
భైం క్రీం హూం శ్రీం సదా పాతు పాదాధః కులశేఖరా |
ఓం క్రీం హూం శ్రీం సదావ్యాన్మే పాదపృష్ఠం మహేశ్వరీ || ౧౪ ||
క్రీం హూం శ్రీం భైం వపుః పాయాత్ సర్వం మే భద్రకాళికా |
క్రీం హ్రీం హ్రీం పాతు మాం ప్రాతర్దేవేంద్రీ వజ్రయోగినీ || ౧౫ ||
హూం భైం మాం పాతు మధ్యాహ్నే నిత్యమేకాదశాక్షరీ |
ఓం ఐం సౌః పాతు మాం సాయం దేవతా పరమేశ్వరీ || ౧౬ ||
నిశాదౌ క్రీం చ మాం పాతు దేవీ శ్రీషోడశాక్షరీ |
అర్ధరాత్రే చ మాం పాతు క్రీం హూం భైం ఛిన్నమస్తకా || ౧౭ ||
నిశావసానసమయే పాతు మాం క్రీం చ పంచమీ |
పూర్వే మాం పాతు శ్రీం హ్రీం క్లీం రాజ్ఞీ రాజ్యప్రదాయినీ || ౧౮ ||
ఓం హ్రీం హూం మాం పశ్చిమేవ్యాత్సర్వదా తత్త్వరూపిణీ |
ఐం సౌః మాం దక్షిణే పాతు దేవీ దక్షిణకాళికా || ౧౯ ||
ఐం క్లీం మాముత్తరే పాతు రాజరాజేశ్వరీ తథా |
వ్రజంతం పాతు మాం శ్రీం హూం తిష్ఠంతం క్రీం సదావతు || ౨౦ ||
ప్రబుధం హూం సదా పాతు సుప్తం మాం పాతు సర్వదా |
ఆగ్నేయే క్రీం సదా పాతు నైరృత్యే హూం తథావతు || ౨౧ ||
వాయవ్యే క్రీం సదా పాయాదైశాన్యాం భైం సదావతు |
ఉర్ధ్వం క్రీం మాం సదా పాతు హ్యధస్తాత్ హ్రీం తథైవ తు || ౨౨ ||
చౌరతోయాగ్నిభీతిభ్యః పాయాన్మాం శ్రీం శివేశ్వరీ |
యక్షభూతపిశాచాది రాక్షసేభ్యోవతాత్సదా || ౨౩ ||
ఐం క్లీం సౌః హూం చ మాతంగీ చోచ్ఛిష్ఠపదరూపిణీ |
దైత్యభూచరభీతిభ్యోఽవతాద్ద్వావింశదక్షరీ || ౨౪ ||
విస్మరితం తు యత్ స్థానం యత్ స్థానం నామవర్జితమ్ |
తత్సర్వం పాతు మే నిత్యం దేవీ భైం భద్రకాళికా || ౨౫ ||
ఇతీదం కవచం దేవి సర్వమంత్రమయం పరమ్ |
జగన్మంగళనామేదం రహస్యం సర్వకామికమ్ || ౨౬ ||
రహస్యాతి రహస్యం చ గోప్యం గుప్తతరం కలౌ |
మంత్రగర్భం చ సర్వస్వం భద్రకాళ్యా మయాస్మృతమ్ || ౨౭ ||
అద్రష్టవ్యమవక్తవ్యం అదాతవ్యమవాచికమ్ |
దాతవ్యమభక్తేభ్యో భక్తేభ్యో దీయతే సదా || ౨౮ ||
అశ్రోతవ్యమిదం వర్మ దీక్షాహీనాయ పార్వతి |
అభక్తేభ్యోపిపుత్రేభ్యో దత్వా నరకమాప్నుయాత్ || ౨౯ ||
మహాదారిద్ర్యశమనం మహామంగళవర్ధనమ్ |
భూర్జత్వచి లిఖేద్దేవి రోచనా చందనేన చ || ౩౦ ||
శ్వేతసూత్రేణ సంవేష్ట్య ధారయేన్మూర్ధ్ని వా భుజే |
మూర్ధ్ని ధృత్వా చ కవచం త్రైలోక్యవిజయం భవేత్ || ౩౧ ||
భుజే ధృత్వా రిపూన్ రాజా జిత్వా జయమవాప్నుయాత్ |
ఇతీదం కవచం దేవి మూలమంత్రైకసాధనమ్ |
గుహ్యం గోప్యం పరం పుణ్యం గోపనీయం స్వయోనివత్ || ౩౨ ||
ఇతి శ్రీభైరవీతంత్రే శ్రీ భద్రకాళీ కవచమ్ |
Found a Mistake or Error? Report it Now
