|| Sri Dakshina Kali Kavacham 1 ||
bhairava uvāca |
kālikā yā mahāvidyā kathitā bhuvi durlabhā |
tathā:’pi hr̥dayē śalyamasti dēvi kr̥pāṁ kuru || 1 ||
kavacastu mahādēvi kathayasvānukampayā |
yadi nō kathyatē mātarvimuñcāmi tadā tanum || 2 ||
śrīdēvyuvāca |
śaṅkāpi jāyatē vatsa tava snēhāt prakāśitam |
na vaktavyaṁ na draṣṭavyamatiguhyataraṁ mahat || 3 ||
kālikā jagatāṁ mātā śōkaduḥkhavināśinī |
viśēṣataḥ kaliyugē mahāpātakahāriṇī || 4 ||
atha kavacam –
kālī mē purataḥ pātu pr̥ṣṭhataśca kapālinī |
kullā mē dakṣiṇē pātu kurukullā tathōttarē || 5 ||
virōdhinī śiraḥ pātu vipracittā tu cakṣuṣī |
ugrā mē nāsikāṁ pātu karṇau cōgraprabhā matā || 6 ||
vadanaṁ pātu mē dīptā nīlā ca cibukaṁ sadā |
ghanā grīvaṁ sadā pātu balākā bāhuyugmakam || 7 ||
mātrā pātu karadvandvaṁ vakṣō mudrā sadāvatu |
mitā pātu stanadvandvaṁ yōnimaṇḍaladēvatā || 8 ||
brāhmī mē jaṭharaṁ pātu nābhiṁ nārāyaṇī tathā |
ūrū māhēśvarī nityaṁ cāmuṇḍā pātu liṅgakam || 9 ||
kaumārī ca kaṭiṁ pātu tathaiva jānuyugmakam |
aparājitā ca pādau mē vārāhī pātu cāṅgulīn || 10 ||
sandhisthānaṁ nārasiṁhī patrasthā dēvatāvatu |
rakṣāhīnaṁ tu yat sthānaṁ varjitaṁ kavacēna tu || 11 ||
tatsarvaṁ rakṣa mē dēvi kālikē ghōradakṣiṇē |
ūrdhvamadhastathā dikṣu pātu dēvī svayaṁ vapuḥ || 12 ||
hiṁsrēbhyaḥ sarvadā pātu sādhakaṁ ca jalādhikāt |
dakṣiṇākālikā dēvī vyāpakatvē sadāvatu || 13 ||
idaṁ kavacamajñātvā yō japēddēvadakṣiṇām |
na pūjāphalamāpnōti vighnastasya padē padē || 14 ||
kavacēnāvr̥tō nityaṁ yatra yatraiva gacchati |
tatra tatrā:’bhayaṁ tasya na kṣōbhaṁ vidyatē kvacit || 15 ||
iti kālīkulasarvasvē śrī dakṣiṇakālikā kavacam |
Found a Mistake or Error? Report it Now
