|| ஶ்ரீ த⁴ர்மஶாஸ்தாஷ்டகம் – 2 ||
க³ஜேந்த்³ரஶார்தூ³ள ம்ருகே³ந்த்³ரவாஹநம்
முநீந்த்³ரஸம்ஸேவித பாத³பங்கஜம் ।
தே³வீத்³வயேநாவ்ருத பார்ஶ்வயுக்³மம்
ஶாஸ்தாரமாத்³யம் ஸததம் நமாமி ॥ 1 ॥
ஹரிஹரப⁴வமேகம் ஸச்சிதா³நந்த³ரூபம்
ப⁴வப⁴யஹரபாத³ம் பா⁴வநாக³ம்யமூர்திம் ।
ஸகலபு⁴வநஹேதும் ஸத்யத⁴ர்மாநுகூலம்
ஶ்ரிதஜநகுலபாலம் த⁴ர்மஶாஸ்தாரமீடே³ ॥ 2 ॥
ஹரிஹரஸுதமீஶம் வீரவர்யம் ஸுரேஶம்
கலியுக³ப⁴வபீ⁴தித்⁴வம்ஸலீலாவதாரம் ।
ஜயவிஜயலக்ஷ்மீ ஸுஸம்ஸ்ருதாஜாநுபா³ஹும்
மலயகி³ரிநிவாஸம் த⁴ர்மஶாஸ்தாரமீடே³ ॥ 3 ॥
பரஶிவமயமீட்³யம் பூ⁴தநாத²ம் முநீந்த்³ரம்
கரத்⁴ருதவிகசாப்³ஜம் ப்³ரஹ்மபஞ்சஸ்வரூபம் ।
மணிமயஸுகிரீடம் மல்லிகாபுஷ்பஹாரம்
வரவிதரணஶீலம் த⁴ர்மஶாஸ்தாரமீடே³ ॥ 4 ॥
ஹரிஹரமயமாய பி³ம்ப³மாதி³த்யகோடி-
-த்விஷமமலமுகே²ந்து³ம் ஸத்யஸந்த⁴ம் வரேண்யம் ।
உபநிஷத³விபா⁴வ்யம் ஓமிதித்⁴யாநக³ம்யம்
முநிஜநஹ்ருதி³சிந்த்யம் த⁴ர்மஶாஸ்தாரமீடே³ ॥ 5 ॥
கநகமய து³கூலம் சந்த³நார்த்³ராவஸிக்தம்
ஸரஸம்ருது³ளஹாஸம் ப்³ராஹ்மணாநந்த³காரம் ।
மது⁴ரஸமயபாணிம் மாரஜீவாதுலீலம்
ஸகலது³ரிதநாஶம் த⁴ர்மஶாஸ்தாரமீடே³ ॥ 6 ॥
முநிஜநக³ணஸேவ்யம் முக்திஸாம்ராஜ்யமூலம்
விதி³தஸகலதத்த்வஜ்ஞாநமந்த்ரோபதே³ஶம் ।
இஹபரப²லஹேதும் தாரகம் ப்³ரஹ்மஸஞ்ஜ்ஞம்
ஷட³ரிமளவிநாஶம் த⁴ர்மஶாஸ்தாரமீடே³ ॥ 7 ॥
மது⁴ரஸப²லமுக்²யை꞉ பாயஸைர்ப⁴க்ஷ்யஜாலை꞉
த³தி⁴க்⁴ருதபரிபூர்ணைரந்நதா³நை꞉ ஸந்துஷ்டம் ।
நிஜபத³நமிதாநாம் நித்யவாத்ஸல்யபா⁴வம்
ஹ்ருத³யகமலமத்⁴யே த⁴ர்மஶாஸ்தாரமீடே³ ॥ 8 ॥
ப⁴வகு³ணஜநிதாநாம் போ⁴க³மோக்ஷாய நித்யம்
ஹரிஹரப⁴வதே³வஸ்யாஷ்டகம் ஸந்நிதௌ⁴ ய꞉ ।
பட²தி ஸகலபோ⁴கா³ந் முக்திஸாம்ராஜ்யபா⁴க்³யே
பு⁴விதி³விஸுவஸ்தஸ்மை நித்யதுஷ்டோ த³தா³தி ॥ 9 ॥
இதி ஶ்ரீமஹாஶாஸ்தாஷ்டகம் ஸம்பூர்ணம் ।
Found a Mistake or Error? Report it Now
