|| ಶ್ರೀ ಪ್ರತ್ಯಂಗಿರಾ ಸೂಕ್ತಮ್ (ಅಥರ‍್ವವೇದೋಕ್ತಮ್) ||
ಯಾಂ ಕ॒ಲ್ಪಯ॑ನ್ತಿ ವಹ॒ತೌ ವ॒ಧೂಮಿ॑ವ ವಿ॒ಶ್ವರೂ॑ಪಾಂ॒ ಹಸ್ತ॑ಕೃತಾಂ ಚಿಕಿ॒ತ್ಸವ॑: ।
ಸಾರಾದೇ॒ತ್ವಪ॑ ನುದಾಮ ಏನಾಮ್ ॥ ೧ ॥
ಶೀ॒ರ‍್ಷ॒ಣ್ವತೀ॑ ನ॒ಸ್ವತೀ॑ ಕ॒ರ‍್ಣಿಣೀ॑ ಕೃತ್ಯಾ॒ಕೃತಾ॒ ಸಂಭೃ॑ತಾ ವಿ॒ಶ್ವರೂ॑ಪಾ ।
ಸಾರಾದೇ॒ತ್ವಪ॑ ನುದಾಮ ಏನಾಮ್ ॥ ೨ ॥
ಶೂ॒ದ್ರಕೃ॑ತಾ॒ ರಾಜ॑ಕೃತಾ॒ ಸ್ತ್ರೀಕೃ॑ತಾ ಬ್ರ॒ಹ್ಮಭಿ॑: ಕೃ॒ತಾ ।
ಜಾ॒ಯಾ ಪತ್ಯಾ॑ ನು॒ತ್ತೇವ॑ ಕ॒ರ‍್ತಾರಂ॒ ಬನ್ಧ್ವೃ॑ಚ್ಛತು ॥ ೩ ॥
ಅ॒ನಯಾ॒ಹಮೋಷ॑ಧ್ಯಾ॒ ಸರ‍್ವಾ॑: ಕೃ॒ತ್ಯಾ ಅ॑ದೂದುಷಮ್ ।
ಯಾಂ ಕ್ಷೇತ್ರೇ॑ ಚ॒ಕ್ರುರ‍್ಯಾಂ ಗೋಷು॒ ಯಾಂ ವಾ॑ ತೇ॒ ಪುರು॑ಷೇಷು ॥ ೪ ॥
ಅ॒ಘಮ॑ಸ್ತ್ವಘ॒ಕೃತೇ॑ ಶ॒ಪಥ॑: ಶಪಥೀಯ॒ತೇ ।
ಪ್ರ॒ತ್ಯಕ್ಪ್ರ॑ತಿ॒ಪ್ರಹಿ॑ಣ್ಮೋ॒ ಯಥಾ॑ ಕೃತ್ಯಾ॒ಕೃತಂ॒ ಹನ॑ತ್ ॥ ೫ ॥
ಪ್ರ॒ತೀ॒ಚೀನ॑ ಆಙ್ಗಿರ॒ಸೋಽಧ್ಯ॑ಕ್ಷೋ ನಃ ಪು॒ರೋಹಿ॑ತಃ ।
ಪ್ರ॒ತೀಚೀ॑: ಕೃ॒ತ್ಯಾ ಆ॒ಕೃತ್ಯಾ॒ಮೂನ್ಕೃ॑ತ್ಯಾ॒ಕೃತೋ॑ ಜಹಿ ॥ ೬ ॥
ಯಸ್ತ್ವೋ॒ವಾಚ॒ ಪರೇ॒ಹೀತಿ॑ ಪ್ರತಿ॒ಕೂಲ॑ಮುದಾ॒ಯ್ಯಽಮ್ ।
ತಂ ಕೃ॑ತ್ಯೇಽಭಿ॒ನಿವ॑ರ‍್ತಸ್ವ॒ ಮಾಸ್ಮಾನಿ॑ಚ್ಛೋ ಅನಾ॒ಗಸ॑: ॥ ೭ ॥
ಯಸ್ತೇ॒ ಪರೂಂಷಿ ಸಂದ॒ಧೌ ರಥ॑ಸ್ಯೇವ॒ರ‍್ಭುರ‍್ಧಿ॒ಯಾ ।
ತಂ ಗ॑ಚ್ಛ॒ ತತ್ರ॒ ತೇಽಯ॑ನ॒ಮಜ್ಞಾ॑ತಸ್ತೇ॒ಽಯಂ ಜನ॑: ॥ ೮ ॥
ಯೇ ತ್ವಾ॑ ಕೃ॒ತ್ವಾಲೇ॑ಭಿ॒ರೇ ವಿ॑ದ್ವ॒ಲಾ ಅ॑ಭಿಚಾ॒ರಿಣ॑: ।
ಶಂ॒ಭ್ವೀ॒೩ದಂ ಕೃ॑ತ್ಯಾ॒ದೂಷ॑ಣಂ ಪ್ರತಿವ॒ರ‍್ತ್ಮ ಪು॑ನಃಸ॒ರಂ ತೇನ॑ ತ್ವಾ ಸ್ನಪಯಾಮಸಿ ॥ ೯ ॥
ಯದ್ದು॒ರ‍್ಭಗಾಂ॒ ಪ್ರಸ್ನ॑ಪಿತಾಂ ಮೃ॒ತವ॑ತ್ಸಾಮುಪೇಯಿ॒ಮ ।
ಅಪೈ॑ತು॒ ಸರ‍್ವಂ॒ ಮತ್ಪಾ॒ಪಂ ದ್ರವಿ॑ಣಂ॒ ಮೋಪ॑ ತಿಷ್ಠತು ॥ ೧೦ ॥
ಯತ್ತೇ॑ ಪಿ॒ತೃಭ್ಯೋ॒ ದದ॑ತೋ ಯ॒ಜ್ಞೇ ವಾ॒ ನಾಮ॑ ಜಗೃ॒ಹುಃ ।
ಸ॒ನ್ದೇ॒ಶ್ಯಾ॒೩ತ್ಸರ‍್ವ॑ಸ್ಮಾತ್ಪಾ॒ಪಾದಿ॒ಮಾ ಮು॑ಞ್ಚನ್ತು॒ ತ್ವೌಷ॑ಧೀಃ ॥ ೧೧ ॥
ದೇ॒ವೈ॒ನ॒ಸಾತ್ಪಿತ್ರ‍್ಯಾ॑ನ್ನಾಮಗ್ರಾ॒ಹಾತ್ಸಂ॑ದೇ॒ಶ್ಯಾಽದಭಿ॒ನಿಷ್ಕೃ॑ತಾತ್ ।
ಮು॒ಞ್ಚನ್ತು॑ ತ್ವಾ ವೀ॒ರುಧೋ॑ ವೀ॒ರ‍್ಯೇಽಣ॒ ಬ್ರಹ್ಮ॑ಣಾ ಋ॒ಗ್ಭಿಃ ಪಯ॑ಸ॒ ಋಷೀ॑ಣಾಮ್ ॥ ೧೨ ॥
ಯಥಾ॒ ವಾತ॑ಶ್ಚ್ಯಾ॒ವಯ॑ತಿ॒ ಭೂಮ್ಯಾ॑ ರೇ॒ಣುಮ॒ನ್ತರಿ॑ಕ್ಷಾಚ್ಚಾ॒ಭ್ರಮ್ ।
ಏ॒ವಾ ಮತ್ಸರ‍್ವಂ॑ ದುರ‍್ಭೂ॒ತಂ ಬ್ರಹ್ಮ॑ನುತ್ತ॒ಮಪಾ॑ಯತಿ ॥ ೧೩ ॥
ಅಪ॑ ಕ್ರಾಮ॒ ನಾನ॑ದತೀ॒ ವಿನ॑ದ್ಧಾ ಗರ‍್ದ॒ಭೀವ॑ ।
ಕ॒ರ‍್ತೄನ್ನ॑ಕ್ಷಸ್ವೇ॒ತೋ ನು॒ತ್ತಾ ಬ್ರಹ್ಮ॑ಣಾ ವೀ॒ರ‍್ಯಾಽವತಾ ॥ ೧೪ ॥
ಅ॒ಯಂ ಪನ್ಥಾ॑: ಕೃ॒ತ್ಯೇತಿ॑ ತ್ವಾ ನಯಾಮೋಽಭಿಪ್ರಹಿ॑ತಾಂ॒ ಪ್ರತಿ॑ ತ್ವಾ॒ ಪ್ರ ಹಿ॑ಣ್ಮಃ ।
ತೇನಾ॒ಭಿ ಯಾ॑ಹಿ ಭಞ್ಜ॒ತ್ಯನ॑ಸ್ವತೀವ ವಾ॒ಹಿನೀ॑ ವಿ॒ಶ್ವರೂ॑ಪಾ ಕುರೂ॒ಟಿನೀ॑ ॥ ೧೫ ॥
ಪರಾ॑ಕ್ತೇ॒ ಜ್ಯೋತಿ॒ರಪ॑ಥಂ ತೇ ಅ॒ರ‍್ವಾಗ॒ನ್ಯತ್ರಾ॒ಸ್ಮದಯ॑ನಾ ಕೃಣುಷ್ವ ।
ಪರೇ॑ಣೇಹಿ ನವ॒ತಿಂ ನಾ॒ವ್ಯಾ॒೩ ಅತಿ॑ ದು॒ರ‍್ಗಾಃ ಸ್ರೋ॒ತ್ಯಾ ಮಾ ಕ್ಷ॑ಣಿಷ್ಠಾ॒: ಪರೇ॑ಹಿ ॥ ೧೬ ॥
ವಾತ॑ ಇವ ವೃ॒ಕ್ಷಾನ್ನಿ ಮೃ॑ಣೀಹಿ ಪಾ॒ದಯ॒ ಮಾ ಗಾಮಶ್ವಂ॒ ಪುರು॑ಷ॒ಮುಚ್ಛಿ॑ಷ ಏಷಾಮ್ ।
ಕ॒ರ‍್ತೄನ್ ನಿ॒ವೃತ್ಯೇ॒ತಃ ಕೃ॑ತ್ಯೇಽಪ್ರಜಾ॒ಸ್ತ್ವಾಯ॑ ಬೋಧಯ ॥ ೧೭ ॥
ಯಾಂ ತೇ॑ ಬ॒ರ‍್ಹಿಷಿ॒ ಯಾಂ ಶ್ಮ॑ಶಾ॒ನೇ ಕ್ಷೇತ್ರೇ॑ ಕೃ॒ತ್ಯಾಂ ವ॑ಲ॒ಗಂ ವಾ॑ ನಿಚ॒ಖ್ನುಃ ।
ಅ॒ಗ್ನೌ ವಾ॑ ತ್ವಾ॒ ಗಾರ‍್ಹ॑ಪತ್ಯೇಽಭಿಚೇ॒ರುಃ ಪಾಕಂ॒ ಸನ್ತಂ॒ ಧೀರ॑ತರಾ ಅನಾ॒ಗಸ॑ಮ್ ॥ ೧೮ ॥
ಉ॒ಪಾಹೃ॑ತ॒ಮನು॑ಬುದ್ಧಂ॒ ನಿಖಾ॑ತಂ॒ ವೈರಂ ತ್ಸಾ॒ರ‍್ಯನ್ವ॑ವಿದಾಮ॒ ಕರ‍್ತ್ರ॑ಮ್ ।
ತದೇ॑ತು॒ ಯತ॒ ಆಭೃ॑ತಂ॒ ತತ್ರಾಶ್ವ॑ ಇವ॒ ವಿ ವ॑ರ‍್ತತಾಂ॒ ಹಂತು॑ ಕೃತ್ಯಾ॒ಕೃತ॑: ಪ್ರ॒ಜಾಮ್ ॥ ೧೯ ॥
ಸ್ವಾ॒ಯ॒ಸಾ ಅ॒ಸಯ॑: ಸಂತಿ ನೋ ಗೃ॒ಹೇ ವಿ॒ದ್ಮಾ ತೇ॑ ಕೃತ್ಯೇ ಯತಿ॒ಧಾ ಪರೂಂಷಿ ।
ಉತ್ತಿ॑ಷ್ಠೈ॒ವ ಪರೇ॑ಹೀ॒ತೋಽಜ್ಞಾ॑ತೇ॒ ಕಿಮಿ॒ಹೇಚ್ಛ॑ಸಿ ॥ ೨೦ ॥
ಗ್ರೀ॒ವಾಸ್ತೇ॑ ಕೃತ್ಯೇ॒ ಪಾದೌ॒ ಚಾಪಿ॑ ಕರ‍್ತ್ಸ್ಯಾಮಿ॒ ನಿರ‍್ದ್ರ॑ವ ।
ಇ॒ನ್ದ್ರಾ॒ಗ್ನೀ ಅ॒ಸ್ಮಾನ್ರ॑ಕ್ಷತಾಂ॒ ಯೌ ಪ್ರ॒ಜಾನಾಂ ಪ್ರ॒ಜಾವ॑ತೀ ॥ ೨೧ ॥
ಸೋಮೋ॒ ರಾಜಾ॑ಧಿ॒ಪಾ ಮೃ॑ಡಿ॒ತಾ ಚ॑ ಭೂ॒ತಸ್ಯ॑ ನ॒: ಪತ॑ಯೋ ಮೃಡಯನ್ತು ॥ ೨೨ ॥
ಭ॒ವಾ॒ಶ॒ರ‍್ವಾವ॑ಸ್ಯತಾಂ ಪಾಪ॒ಕೃತೇ॑ ಕೃತ್ಯಾ॒ಕೃತೇ॑ ।
ದು॒ಷ್ಕೃತೇ॑ ವಿ॒ದ್ಯುತಂ॑ ದೇವಹೇ॒ತಿಮ್ ॥ ೨೩ ॥
ಯದ್ಯೇ॒ಯಥ॑ ದ್ವಿ॒ಪದೀ॒ ಚತು॑ಷ್ಪದೀ ಕೃತ್ಯಾ॒ಕೃತಾ॒ ಸಂಭೃ॑ತಾ ವಿ॒ಶ್ವರೂ॑ಪಾ ।
ಸೇತೋ॒೩ಷ್ಟಾಪ॑ದೀ ಭೂ॒ತ್ವಾ ಪುನ॒: ಪರೇ॑ಹಿ ದುಚ್ಛುನೇ ॥ ೨೪ ॥
ಅ॒ಭ್ಯ॑ಕ್ತಾಕ್ತಾ॒ ಸ್ವಽರಂಕೃತಾ॒ ಸರ‍್ವಂ॒ ಭರ॑ನ್ತೀ ದುರಿ॒ತಂ ಪರೇ॑ಹಿ ।
ಜಾ॒ನೀ॒ಹಿ ಕೃ॑ತ್ಯೇ ಕ॒ರ‍್ತಾರಂ॑ ದುಹಿ॒ತೇವ॑ ಪಿ॒ತರಂ॒ ಸ್ವಮ್ ॥ ೨೫ ॥
ಪರೇ॑ಹಿ ಕೃತ್ಯೇ॒ ಮಾ ತಿ॑ಷ್ಠೋ ವಿ॒ದ್ಧಸ್ಯೇ॑ವ ಪ॒ದಂ ನ॑ಯ ।
ಮೃ॒ಗಃ ಸ ಮೃ॑ಗ॒ಯುಸ್ತ್ವಂ ನ ತ್ವಾ॒ ನಿಕ॑ರ‍್ತುಮರ‍್ಹತಿ ॥ ೨೬ ॥
ಉ॒ತ ಹ॑ನ್ತಿ ಪೂರ‍್ವಾ॒ಸಿನಂ ಪ್ರತ್ಯಾ॒ದಾಯಾಪ॑ರ॒ ಇಷ್ವಾ॑ ।
ಉ॒ತ ಪೂರ‍್ವ॑ಸ್ಯ ನಿಘ್ನ॒ತೋ ನಿ ಹ॒ನ್ತ್ಯಪ॑ರ॒: ಪ್ರತಿ॑ ॥ ೨೭ ॥
ಏ॒ತದ್ಧಿ ಶೃ॒ಣು ಮೇ॒ ವಚೋಽಥೇ॑ಹಿ॒ ಯತ॑ ಏ॒ಯಥ॑ ।
ಯಸ್ತ್ವಾ॑ ಚ॒ಕಾರ॒ ತಂ ಪ್ರತಿ॑ ॥ ೨೮ ॥
ಅ॒ನಾ॒ಗೋ॒ಹ॒ತ್ಯಾ ವೈ ಭೀ॒ಮಾ ಕೃ॑ತ್ಯೇ॒ ಮಾ ನೋ॒ ಗಾಮಶ್ವಂ॒ ಪುರು॑ಷಂ ವಧೀಃ ।
ಯತ್ರ॑ಯ॒ತ್ರಾಸಿ॒ ನಿಹಿ॑ತಾ॒ ತತ॒ಸ್ತ್ವೋತ್ಥಾ॑ಪಯಾಮಸಿ ಪ॒ರ‍್ಣಾಲ್ಲಘೀ॑ಯಸೀ ಭವ ॥ ೨೯ ॥
ಯದಿ॒ ಸ್ಥ ತಮ॒ಸಾವೃ॑ತಾ॒ ಜಾಲೇ॑ನಾ॒ಭಿಹಿ॑ತಾ ಇವ ।
ಸರ‍್ವಾ॑: ಸಂ॒ಲುಪ್ಯೇ॒ತಃ ಕೃ॒ತ್ಯಾಃ ಪುನ॑: ಕ॒ರ‍್ತ್ರೇ ಪ್ರ ಹಿ॑ಣ್ಮಸಿ ॥ ೩೦ ॥
ಕೃ॒ತ್ಯಾ॒ಕೃತೋ॑ ವಲ॒ಗಿನೋ॑ಽಭಿನಿಷ್ಕಾ॒ರಿಣ॑: ಪ್ರ॒ಜಾಮ್ ।
ಮೃ॒ಣೀ॒ಹಿ ಕೃ॑ತ್ಯೇ॒ ಮೋಚ್ಛಿ॑ಷೋ॒ಽಮೂನ್ಕೃ॑ತ್ಯಾ॒ಕೃತೋ॑ ಜಹಿ ॥ ೩೧ ॥
ಯಥಾ॒ ಸೂರ‍್ಯೋ॑ ಮು॒ಚ್ಯತೇ॒ ತಮ॑ಸ॒ಸ್ಪರಿ॒ ರಾತ್ರಿಂ॒ ಜಹಾ॑ತ್ಯು॒ಷಸ॑ಶ್ಚ ಕೇ॒ತೂನ್ ।
ಏ॒ವಾಹಂ ಸರ‍್ವಂ॑ ದುರ‍್ಭೂ॒ತಂ ಕರ‍್ತ್ರಂ॑ ಕೃತ್ಯಾ॒ಕೃತಾ॑ ಕೃ॒ತಂ ಹ॒ಸ್ತೀವ॒ ರಜೋ॑ ದುರಿ॒ತಂ ಜ॑ಹಾಮಿ ॥ ೩೨ ॥
Found a Mistake or Error? Report it Now
