শ্ৰী অমৰনাথাষ্টকম্

|| শ্ৰী অমৰনাথাষ্টকম্ ||

ভাগীৰথীসলিলসান্দ্ৰজটাকলাপম্
শীতাংশুকান্তি-ৰমণীয়-ৱিশাল-ভালম্ ।
কৰ্পূৰদুগ্ধহিমহংসনিভং স্ৱতোজম্
নিত্যং ভজাম্যঽমৰনাথমহং দয়ালুম্ ॥

গৌৰীপতিং পশুপতিং ৱৰদং ত্ৰিনেত্ৰম্
ভূতাধিপং সকললোকপতিং সুৰেশম্ ।
শাৰ্দূলচৰ্মচিতিভস্মৱিভূষিতাঙ্গম্
নিত্যং ভজাম্যঽমৰনাথমহং দয়ালুম্ ॥

গন্ধৰ্ৱয়ক্ষৰসুৰকিন্নৰ-সিদ্ধসঙ্ঘৈঃ
সংস্তূয়মানমনিশং শ্ৰুতিপূতমন্ত্ৰৈঃ ।
সৰ্ৱত্ৰসৰ্ৱহৃদয়ৈকনিৱাসিনং তম্
নিত্যং ভজাম্যঽমৰনাথমহং দয়ালুম্ ॥

ৱ্যোমানিলানলজলাৱনিসোমসূৰ্য
হোত্ৰীভিৰষ্টতনুভিৰ্জগদেকনাথঃ ।
যস্তিষ্ঠতীহ জনমঙ্গলধাৰণায়
তং প্ৰাৰ্থয়াম্যঽমৰনাথমহং দয়ালুম্ ॥

শৈলেন্দ্ৰতুঙ্গশিখৰে গিৰিজাসমেতম্
প্ৰালেয়দুৰ্গমগুহাসু সদা ৱসন্তম্ ।
শ্ৰীমদ্গজাননৱিৰাজিত দক্ষিণাঙ্কম্
নিত্যং ভজাম্যঽমৰনাথমহং দয়ালুম্ ॥

ৱাগ্বুদ্ধিচিত্তকৰণৈশ্চ তপোভিৰুগ্ৰৈঃ
শক্যং সমাকলয়িতুং ন যদীয়ৰূপম্ ।
তং ভক্তিভাৱসুলভং শৰণং নতানাম্
নিত্য ভজাম্যঽমৰনাথমহং দয়ালুম্ ॥

আদ্যন্তহীনমখিলাধিপতিং গিৰীশম্
ভক্তপ্ৰিয়ং হিতকৰং প্ৰভুমদ্ৱয়ৈকম্ ।
সৃষ্টিস্থিতিপ্ৰলয়লীলমনন্তশক্তিম্
নিত্যং ভজাম্যঽমৰনাথমহং দয়ালুম্ ॥

হে পাৰ্ৱতীশ ৱৃষভধ্ৱজ শূলপাণে
হে নীলকণ্ঠ মদনান্তক শুভ্ৰমূৰ্তে ।
হে ভক্তকল্পতৰুৰূপ সুখৈকসিন্ধো
মাং পাহি পাহি ভৱতোঽমৰনাথ নিত্যম্ ॥

ইতি স্ৱামী ৱৰদানন্দভাৰতীৱিৰচিতং শ্ৰীঅমৰনাথাষ্টকং সম্পূৰ্ণম্ ।

• sanskritश्री अघोराष्टकम्
• sanskritश्री अमरनाथाष्टकम्
• bengaliশ্রী অমরনাথাষ্টকম্
• punjabiਸ਼੍ਰੀ ਅਮਰਨਾਥਾਸ਼਼੍ਟਕਮ੍
• malayalamശ്രീ അമരനാഥാഷ്ടകം
• gujaratiશ્રી અમરનાથાષ્ટકમ્
• kannadaಶ್ರೀ ಅಮರನಾಥಾಷ್ಟಕಂ
• teluguశ్రీ అమరనాథాష్టకం
• odiaଶ୍ରୀ ଅମରନାଥାଷ୍ଟକମ୍
• tamilஶ்ரீ அமரநாதா²ஷ்டகம்
• hindiश्री शिवाष्टकम्
• malayalamശ്രീ അഘോരാഷ്ടകം
• kannadaಶ್ರೀ ಅಘೋರಾಷ್ಟಕಂ
• teluguశ్రీ అఘోరాష్టకం
• tamilஶ்ரீ அகோ⁴ராஷ்டகம்

Found a Mistake or Error? Report it Now