ശ്രീ അമരനാഥാഷ്ടകം

|| ശ്രീ അമരനാഥാഷ്ടകം ||

ഭാഗീരഥീസലിലസാന്ദ്രജടാകലാപം
ശീതാംശുകാന്തി-രമണീയ-വിശാല-ഭാലം .
കർപൂരദുഗ്ധഹിമഹംസനിഭം സ്വതോജം
നിത്യം ഭജാമ്യഽമരനാഥമഹം ദയാലും ..

ഗൗരീപതിം പശുപതിം വരദം ത്രിനേത്രം
ഭൂതാധിപം സകലലോകപതിം സുരേശം .
ശാർദൂലചർമചിതിഭസ്മവിഭൂഷിതാംഗം
നിത്യം ഭജാമ്യഽമരനാഥമഹം ദയാലും ..

ഗന്ധർവയക്ഷരസുരകിന്നര-സിദ്ധസംഘൈഃ
സംസ്തൂയമാനമനിശം ശ്രുതിപൂതമന്ത്രൈഃ .
സർവത്രസർവഹൃദയൈകനിവാസിനം തം
നിത്യം ഭജാമ്യഽമരനാഥമഹം ദയാലും ..

വ്യോമാനിലാനലജലാവനിസോമസൂര്യ
ഹോത്രീഭിരഷ്ടതനുഭിർജഗദേകനാഥഃ .
യസ്തിഷ്ഠതീഹ ജനമംഗലധാരണായ
തം പ്രാർഥയാമ്യഽമരനാഥമഹം ദയാലും ..

ശൈലേന്ദ്രതുംഗശിഖരേ ഗിരിജാസമേതം
പ്രാലേയദുർഗമഗുഹാസു സദാ വസന്തം .
ശ്രീമദ്ഗജാനനവിരാജിത ദക്ഷിണാങ്കം
നിത്യം ഭജാമ്യഽമരനാഥമഹം ദയാലും ..

വാഗ്ബുദ്ധിചിത്തകരണൈശ്ച തപോഭിരുഗ്രൈഃ
ശക്യം സമാകലയിതും ന യദീയരൂപം .
തം ഭക്തിഭാവസുലഭം ശരണം നതാനാം
നിത്യ ഭജാമ്യഽമരനാഥമഹം ദയാലും ..

ആദ്യന്തഹീനമഖിലാധിപതിം ഗിരീശം
ഭക്തപ്രിയം ഹിതകരം പ്രഭുമദ്വയൈകം .
സൃഷ്ടിസ്ഥിതിപ്രലയലീലമനന്തശക്തിം
നിത്യം ഭജാമ്യഽമരനാഥമഹം ദയാലും ..

ഹേ പാർവതീശ വൃഷഭധ്വജ ശൂലപാണേ
ഹേ നീലകണ്ഠ മദനാന്തക ശുഭ്രമൂർതേ .
ഹേ ഭക്തകല്പതരുരൂപ സുഖൈകസിന്ധോ
മാം പാഹി പാഹി ഭവതോഽമരനാഥ നിത്യം ..

ഇതി സ്വാമീ വരദാനന്ദഭാരതീവിരചിതം ശ്രീഅമരനാഥാഷ്ടകം സമ്പൂർണം .

• sanskritश्री अघोराष्टकम्
• sanskritश्री अमरनाथाष्टकम्
• assameseশ্ৰী অমৰনাথাষ্টকম্
• bengaliশ্রী অমরনাথাষ্টকম্
• punjabiਸ਼੍ਰੀ ਅਮਰਨਾਥਾਸ਼਼੍ਟਕਮ੍
• gujaratiશ્રી અમરનાથાષ્ટકમ્
• kannadaಶ್ರೀ ಅಮರನಾಥಾಷ್ಟಕಂ
• teluguశ్రీ అమరనాథాష్టకం
• odiaଶ୍ରୀ ଅମରନାଥାଷ୍ଟକମ୍
• tamilஶ்ரீ அமரநாதா²ஷ்டகம்
• hindiश्री शिवाष्टकम्
• malayalamശ്രീ അഘോരാഷ്ടകം
• kannadaಶ್ರೀ ಅಘೋರಾಷ್ಟಕಂ
• teluguశ్రీ అఘోరాష్టకం
• tamilஶ்ரீ அகோ⁴ராஷ்டகம்

Found a Mistake or Error? Report it Now