శ్రీ దుర్గా స్తోత్రం అర్జున కృతం PDF తెలుగు

శ్రీ దుర్గా స్తోత్రం అర్జున కృతం తెలుగు Lyrics

|| శ్రీ దుర్గా స్తోత్రం అర్జున కృతం ||

అర్జున ఉవాచ |

నమస్తే సిద్ధసేనాని
ఆర్యే మందరవాసిని |
కుమారి కాళి కాపాలి
కపిలే కృష్ణపింగళే ||

భద్రకాళి నమస్తుభ్యం
మహాకాళి నమోఽస్తు తే |
చండి చండే నమస్తుభ్యం
తారిణి వరవర్ణిని ||

కాత్యాయని మహాభాగే
కరాళి విజయే జయే |
శిఖిపింఛధ్వజధరే
నానాభరణభూషితే ||

అట్టశూలప్రహరణే
ఖడ్గఖేటకధారిణి |
గోపేంద్రస్యానుజే జ్యేష్ఠే
నందగోపకులోద్భవే ||

మహిషాసృక్ప్రియే నిత్యం
కౌశికి పీతవాసిని |
అట్టహాసే కోకముఖే
నమస్తేఽస్తు రణప్రియే ||

ఉమే శాకంభరి శ్వేతే
కృష్ణే కైటభనాశిని |
హిరణ్యాక్షి విరూపాక్షి
సుధూమ్రాక్షి నమోఽస్తు తే ||

వేదశ్రుతిమహాపుణ్యే
బ్రహ్మణ్యే జాతవేదసి |
జంబూకటకచైత్యేషు నిత్యం
సన్నిహితాలయే ||

త్వం బ్రహ్మవిద్యా విద్యానాం
మహానిద్రా చ దేహినామ్ |
స్కందమాతర్భగవతి
దుర్గే కాంతారవాసిని ||

స్వాహాకారః స్వధా చైవ
కలా కాష్ఠా సరస్వతీ |
సావిత్రీ వేదమాతా చ
తథా వేదాంత ఉచ్యతే ||

స్తుతాసి త్వం మహాదేవి
విశుద్ధేనాంతరాత్మనా |
జయో భవతు మే నిత్యం
త్వత్ప్రసాదాద్రణాజిరే ||

కాంతారభయదుర్గేషు భక్తానాం
చాలయేషు చ |
నిత్యం వససి పాతాళే
యుద్ధే జయసి దానవాన్ ||

త్వం జంభనీ మోహినీ చ
మాయా హ్రీః శ్రీస్తథైవ చ |
సంధ్యా ప్రభావతీ చైవ
సావిత్రీ జననీ తథా ||

తుష్టిః పుష్టిర్ధృతిర్దీప్తి
శ్చంద్రాదిత్యవివర్ధినీ |
భూతిర్భూతిమతాం సంఖ్యే
వీక్ష్యసే సిద్ధచారణైః ||

ఇతి శ్రీమన్మహాభారతే భీష్మపర్వణి త్రయోవింశోఽధ్యాయే అర్జున కృత శ్రీ దుర్గా స్తోత్రమ్ |