ப்³ரஹ்ம ஸ்தோத்ரம் (தே³வ க்ருதம்)

|| ப்³ரஹ்ம ஸ்தோத்ரம் (தே³வ க்ருதம்) ||

தே³வா ஊசு꞉ ।
ப்³ரஹ்மணே ப்³ரஹ்மவிஜ்ஞாநது³க்³தோ⁴த³தி⁴ விதா⁴யிநே ।
ப்³ரஹ்மதத்த்வதி³த்³ருக்ஷூணாம் ப்³ரஹ்மதா³ய நமோ நம꞉ ॥ 1 ॥

கஷ்டஸம்ஸாரமக்³நாநாம் ஸம்ஸாரோத்தாரஹேதவே ।
ஸாக்ஷிணே ஸர்வபூ⁴தாநாம் ஸாக்ஷிஹீநாய தே நம꞉ ॥ 2 ॥

ஸர்வதா⁴த்ரே விதா⁴த்ரே ச ஸர்வத்³வந்த்³வாபஹாரிணே ।
ஸர்வாவஸ்தா²ஸு ஸர்வேஷாம் ஸாக்ஷிணே வை நமோ நம꞉ ॥ 3 ॥

பராத்பரவிஹீநாய பராய பரமேஷ்டி²நே ।
பரிஜ்ஞாநவதாமாத்தஸ்வரூபாய நமோ நம꞉ ॥ 4 ॥

பத்³மஜாய பவித்ராய பத்³மநாப⁴ஸுதாய ச ।
பத்³மபுஷ்பை꞉ ஸுபூஜ்யாய நம꞉ பத்³மத⁴ராய ச ॥ 5 ॥

ஸுரஜ்யேஷ்டா²ய ஸூர்யாதி³தே³வதா த்ருப்திகாரிணே ।
ஸுராஸுரநராதீ³நாம் ஸுக²தா³ய நமோ நம꞉ ॥ 6 ॥

வேத⁴ஸே விஶ்வநேத்ராய விஶுத்³த⁴ஜ்ஞாநரூபிணே ।
வேத³வேத்³யாய வேதா³ந்தநித⁴யே வை நமோ நம꞉ ॥ 7 ॥

வித⁴யே விதி⁴ஹீநாய விதி⁴வாக்யவிதா⁴யிநே ।
வித்⁴யுக்த கர்மநிஷ்டா²நாம் நமோ வித்³யாப்ரதா³யிநே ॥ 8 ॥

விரிஞ்சாய விஶிஷ்டாய விஶிஷ்டார்திஹராய ச ।
விஷண்ணாநாம் விஷாதா³ப்³தி⁴விநாஶாய நமோ நம꞉ ॥ 9 ॥

நமோ ஹிரண்யக³ர்பா⁴ய ஹிரண்யகி³ரிவர்திநே ।
ஹிரண்யதா³நலப்⁴யாய ஹிரண்யாதிப்ரியாய ச ॥ 10 ॥

ஶதாநநாய ஶாந்தாய ஶங்கரஜ்ஞாநதா³யிநே ।
ஶமாதி³ஸஹிதாயைவ ஜ்ஞாநதா³ய நமோ நம꞉ ॥ 11 ॥

ஶம்ப⁴வே ஶம்பு⁴ப⁴க்தாநாம் ஶங்கராய ஶரீரிணாம் ।
ஶாங்கரஜ்ஞாநஹீநாநாம் ஶத்ரவே வை நமோ நம꞉ ॥ 12 ॥

நம꞉ ஸ்வயம்பு⁴வே நித்யம் ஸ்வயம் பூ⁴ப்³ரஹ்மதா³யிநே ।
ஸ்வயம் ப்³ரஹ்மஸ்வரூபாய ஸ்வதந்த்ராய பராத்மநே ॥ 13 ॥

த்³ருஹிணாய து³ராசாரநிரதஸ்ய து³ராத்மந꞉ ।
து³꞉க²தா³யாந்யஜந்தூநாம் ஆத்மதா³ய நமோ நம꞉ ॥ 14 ॥

வந்த்³யஹீநாய வந்த்³யாய வரதா³ய பரஸ்ய ச ।
வரிஷ்டா²ய வரிஷ்டா²நாம் சதுர்வக்த்ராய வை நம꞉ ॥ 15 ॥

ப்ரஜாபதிஸமாக்²யாய ப்ரஜாநாம் பதயே நம꞉ ।
ப்ராஜாபத்யவிரக்தஸ்ய நம꞉ ப்ரஜ்ஞாப்ரதா³யிநே ॥ 16 ॥

பிதாமஹாய பித்ராதி³கல்பநாரஹிதாய ச ।
பிஶுநாக³ம்யதே³ஹாய பேஶலாய நமோ நம꞉ ॥ 17 ॥

ஜக³த்கர்த்ரே ஜக³த்³கோ³ப்த்ரே ஜக³த்³த⁴ந்த்ரே பராத்மநே ।
ஜக³த்³த்³ருஶ்யவிஹீநாய சிந்மாத்ரஜ்யோதிஷே நம꞉ ॥ 18 ॥

விஶ்வோத்தீர்ணாய விஶ்வாய விஶ்வஹீநாய ஸாக்ஷிணே ।
ஸ்வப்ரகாஶைகமாநாய நம꞉ பூர்ணபராத்மநே ॥ 19 ॥

ஸ்துத்யாய ஸ்துதிஹீநாய ஸ்தோத்ரரூபாய தத்த்வத꞉ ।
ஸ்தோத்ருணாமபி ஸர்வேஷாம் ஸுக²தா³ய நமோ நம꞉ ॥ 20 ॥

இதி ஸ்காந்த³புராணே ஸூதஸம்ஹிதாயாம் தே³வக்ருத ப்³ரஹ்மஸ்தோத்ரம் ।

Found a Mistake or Error? Report it Now