दारिद्र्य दहन शिव स्तोत्रम् PDF संस्कृत

दारिद्र्य दहन शिव स्तोत्रम् संस्कृत Lyrics

दारिद्र्य दहन शिव स्तोत्रम् भगवान शिव को समर्पित एक चमत्कारी स्तोत्र है, जिसका पाठ आर्थिक संकट, कर्ज और दरिद्रता को दूर करने में अत्यंत प्रभावी माना गया है। यह स्तोत्र भगवान शिव की कृपा प्राप्त करने का सरल और शक्तिशाली माध्यम है। जो भक्त नियमित रूप से दारिद्र्य दहन शिव स्तोत्रम् PDF का पाठ करते हैं, उनके जीवन में सुख, समृद्धि और शांति का वास होता है। यह स्तोत्र न केवल धन-संबंधी समस्याओं का नाश करता है, बल्कि आत्मबल भी बढ़ाता है। आप दारिद्र्य दहन शिव स्तोत्रम् PDF डाउनलोड कर इसका विधिपूर्वक नित्य पाठ कर सकते हैं और शिव कृपा प्राप्त कर सकते हैं।

|| दारिद्र्य दहन शिव स्तोत्रम् (Daridrya Dahan Shiv Stotram PDF) ||

विश्वेश्वराय नरकार्णव तारणाय
कर्णामृताय शशिशेखर धारणाय ।
कर्पूरकांति धवलाय जटाधराय
दारिद्र्यदुःख दहनाय नमश्शिवाय ॥

गौरीप्रियाय रजनीश कलाधराय
कालांतकाय भुजगाधिप कंकणाय ।
गंगाधराय गजराज विमर्धनाय
दारिद्र्यदुःख दहनाय नमश्शिवाय ॥

भक्तप्रियाय भवरोग भयापहाय
उग्राय दुःख भवसागर तारणाय ।
ज्योतिर्मयाय गुणनाम सुनृत्यकाय
दारिद्र्यदुःख दहनाय नमश्शिवाय ॥

चर्मांबराय शवभस्म विलेपनाय
फालेक्षणाय मणिकुंडल मंडिताय ।
मंजीरपादयुगलाय जटाधराय
दारिद्र्यदुःख दहनाय नमश्शिवाय ॥

पंचाननाय फणिराज विभूषणाय
हेमांकुशाय भुवनत्रय मंडिताय
आनंद भूमि वरदाय तमोपयाय ।
दारिद्र्यदुःख दहनाय नमश्शिवाय ॥

भानुप्रियाय भवसागर तारणाय
कालांतकाय कमलासन पूजिताय ।
नेत्रत्रयाय शुभलक्षण लक्षिताय
दारिद्र्यदुःख दहनाय नमश्शिवाय ॥

रामप्रियाय रघुनाथ वरप्रदाय
नागप्रियाय नरकार्णव तारणाय ।
पुण्याय पुण्यभरिताय सुरार्चिताय
दारिद्र्यदुःख दहनाय नमश्शिवाय ॥

मुक्तेश्वराय फलदाय गणेश्वराय
गीताप्रियाय वृषभेश्वर वाहनाय ।
मातंगचर्म वसनाय महेश्वराय
दारिद्र्यदुःख दहनाय नमश्शिवाय ॥

वसिष्ठेन कृतं स्तोत्रं सर्वरोग निवारणम् ।
सर्वसंपत्करं शीघ्रं पुत्रपौत्रादि वर्धनम् ।
त्रिसंध्यं यः पठेन्नित्यं स हि स्वर्ग मवाप्नुयात् ॥

॥ इति श्री वसिष्ठ विरचितं दारिद्र्यदहन शिवस्तोत्रं संपूर्णम् ॥