स्कन्दकृता देवीस्तुतिः

|| स्कन्दकृता देवीस्तुतिः ||

नौमि स्तौमि जगत्प्रसादघटनासंस्थानसम्पादितां
लोकालोकनतत्परां भगवतीं मायां महेशाश्रयाम् ।
विष्णुब्रह्ममरुद्गणेश्वरमहासाम्राज्यदानक्षमा-
मीशाङ्काधिकृतां प्रसादमुखरां कायेन वाचा सदा ॥ १३॥

इन्दुकुन्दकरिमत्तजबिम्बस्फारधारविजिताखिलवृन्दाम् ।
नीलमेघनलिनामलकान्तिं केसरीन्द्रवरभूधरकूर्माम् ॥ १४॥

वक्त्रदन्तगमनाधरकेशैर्लोचनेन जघनेन कुचाभ्याम् ।
पादपङ्कजरजःपरिभूता नागयक्षसुरमानवकन्याः ॥ १५॥

अम्बामम्भोरुहाक्षीं सकलसुरकदम्बैकशालिमपूर्णां
काशीशेशान्नपूर्णा विधिहरिहरसत्संस्तुतां भर्गकान्ताम् ।
शान्तां शान्तान्तरङ्गां भजदघपटलीव्यालनागान्तकान्तां
कान्तान्देवस्य देवीमगवरवरजान्नौमि चिन्नित्यसंस्थाम् ॥ १६॥

नलिनजवनितापद्मसंस्थाकरस्थैः ।
विधिवहगरुदाभैश्चामरैर्वीज्यमानां शशिमुखनिजभर्तुर्भार्यया छत्रवत्या ।
सितनभसटसिह्मस्कन्धसिह्मासनस्थां गजमुखशिखिवाहप्रेमजानन्ददृष्टिम् ॥

रक्तबीजतुरगारिधूम्रजाचामरारिवरशुम्भनिशुम्भान् ।
चण्डमुण्डवरभण्डजमुण्डैराजिभूमिकमलैरिवदेवी ॥ १८॥

कोदण्डाकृष्टदण्डोच्चलितवरशरासारधारादिभिर्या
तस्तारामरवीरसंस्तुतपदा सा पातु नश्श्रेयसे ॥ १९॥

॥ इति शिवरहस्यान्तर्गते माहेश्वराख्ये स्कन्दकृता देवीस्तुतिः ॥

Found a Mistake or Error? Report it Now