ગણાધિપાષ્ટકમ્ (Ganadhipashtakam Gujarati)

શ્રિયમનપાયિનીં પ્રદિશતુ શ્રિતકલ્પતરુઃ
શિવતનયઃ શિરોવિધૃતશીતમયૂખશિશુઃ .
અવિરતકર્ણતાલજમરુદ્ગમનાગમનૈ-
રનભિમતં (ધુનોતિ ચ મુદં) વિતનોતિ ચ યઃ ..

સકલસુરાસુરાદિશરણીકરણીયપદઃ
કરટિમુખઃ કરોતુ કરુણાજલધિઃ કુશલમ્ .
પ્રબલતરાન્તરાયતિમિરૌઘનિરાકરણ-
પ્રસૃમરચન્દ્રિકાયિતનિરન્તરદન્તરુચિઃ ..

દ્વિરદમુખો ધુનોતુ દુરિતાનિ દુરન્તમદ-
ત્રિદશવિરોધિયૂથકુમુદાકરતિગ્મકરઃ .
નતશતકોટિપાણિમકુટીતટવજ્રમણિ-
પ્રચુરમરીચિવીચિગુણિતાઙ્ગ્રિનખાંશુચયઃ ..

કલુષમપાકરોતુ કૃપયા કલભેન્દ્રમુખઃ
કુલગિરિનન્દિનીકુતુકદોહનસંહનનઃ .
તુલિતસુધાઝરસ્વકરશીકરશીતલતા-
શમિતનતાશયજ્વલદશર્મકૃશાનુશિખઃ ..

ગજવદનો ધિનોતુ ધિયમાધિપયોધિવલ-
ત્સુજનમનઃપ્લવાયિતપદામ્બુરુહોઽવિરતમ્ .
કરટકટાહનિર્ગલદનર્ગલદાનઝરી-
પરિમલલોલુપભ્રમદદભ્રમદભ્રમરઃ ..

દિશતુ શતક્રતુપ્રભૃતિનિર્જરતર્જનકૃ-
દ્દિતિજચમૂચમૂરુમૃગરાડિભરાજમુખઃ .
પ્રમદમદક્ષિણાઙ્ઘ્રિવિનિવેશિતજીવસમા-
ઘનકુચકુમ્ભગાઢપરિરમ્ભણકણ્ટકિતઃ .

અતુલબલોઽતિવેલમઘવન્મતિદર્પહરઃ
સ્ફુરદહિતાપકારિમહિમા વપુષીઢવિધુઃ .
હરતુ વિનાયકઃ સ વિનતાશયકૌતુકદઃ
કુટિલતરદ્વિજિહ્વકુલકલ્પિતખેદભરમ્ .

નિજરદશૂલપાશનવશાલિશિરોરિગદા-
કુવલયમાતુલુઙ્ગકમલેક્ષુશરાસકરઃ .
દધદથ શુણ્ડયા મણિઘટં દયિતાસહિતો
વિતરતુ વાઞ્છિતં ઝટિતિ શક્તિગણાધિપતિઃ ..

પઠતુ ગણાધિપાષ્ટકમિદં સુજનોઽનુદિનં
કઠિનશુચાકુઠાવલિકઠોરકુઠારવરમ્ .
વિમતપરાભવોદ્ભટનિદાઘનવીનઘનં
વિમલવચોવિલાસકમલાકરબાલરવિમ્ ..

ઇતિ ગણાધિપાષ્ટકં સમ્પૂર્ણમ્ .

Read in More Languages:

Found a Mistake or Error? Report it Now