ଶ୍ରୀ ହନୁମତ୍କଵଚମ୍ PDF ଓଡିଆ

ଶ୍ରୀ ହନୁମତ୍କଵଚମ୍ ଓଡିଆ Lyrics

|| ଶ୍ରୀ ହନୁମତ୍କଵଚମ୍ ||

ଅସ୍ୟ ଶ୍ରୀ ହନୁମତ୍ କଵଚସ୍ତୋତ୍ରମହାମଂତ୍ରସ୍ୟ ଵସିଷ୍ଠ ଋଷିଃ ଅନୁଷ୍ଟୁପ୍ ଛଂଦଃ ଶ୍ରୀ ହନୁମାନ୍ ଦେଵତା ମାରୁତାତ୍ମଜ ଇତି ବୀଜଂ ଅଂଜନାସୂନୁରିତି ଶକ୍ତିଃ ଵାୟୁପୁତ୍ର ଇତି କୀଲକଂ ହନୁମତ୍ପ୍ରସାଦ ସିଦ୍ଧ୍ୟର୍ଥେ ଜପେ ଵିନିୟୋଗଃ ॥

ଉଲ୍ଲଂଘ୍ୟ ସିଂଧୋସ୍ସଲିଲଂ ସଲୀଲଂ
ୟଶ୍ଶୋକଵହ୍ନିଂ ଜନକାତ୍ମଜାୟାଃ ।
ଆଦାୟ ତେନୈଵ ଦଦାହ ଲଂକାଂ
ନମାମି ତଂ ପ୍ରାଂଜଲିରାଂଜନେୟମ୍ ॥ 1

ମନୋଜଵଂ ମାରୁତତୁଲ୍ୟଵେଗଂ
ଜିତେଂଦ୍ରିୟଂ ବୁଦ୍ଧିମତାଂ ଵରିଷ୍ଠମ୍ ।
ଵାତାତ୍ମଜଂ ଵାନରୟୂଥମୁଖ୍ୟଂ
ଶ୍ରୀରାମଦୂତଂ ଶିରସା ନମାମି ॥ 2

ଉଦ୍ୟଦାଦିତ୍ୟସଂକାଶଂ ଉଦାରଭୁଜଵିକ୍ରମମ୍ ।
କଂଦର୍ପକୋଟିଲାଵଣ୍ୟଂ ସର୍ଵଵିଦ୍ୟାଵିଶାରଦମ୍ ॥ 3

ଶ୍ରୀରାମହୃଦୟାନଂଦଂ ଭକ୍ତକଲ୍ପମହୀରୁହମ୍ ।
ଅଭୟଂ ଵରଦଂ ଦୋର୍ଭ୍ୟାଂ କଲୟେ ମାରୁତାତ୍ମଜମ୍ ॥ 4

ଶ୍ରୀରାମ ରାମ ରାମେତି ରମେ ରାମେ ମନୋରମେ ।
ସହସ୍ରନାମ ତତ୍ତୁଲ୍ୟଂ ରାମନାମ ଵରାନନେ ॥ 5

ପାଦୌ ଵାୟୁସୁତଃ ପାତୁ ରାମଦୂତସ୍ତଦଂଗୁଳୀଃ ।
ଗୁଲ୍ଫୌ ହରୀଶ୍ଵରଃ ପାତୁ ଜଂଘେ ଚାର୍ଣଵଲଂଘନଃ ॥ 6

ଜାନୁନୀ ମାରୁତିଃ ପାତୁ ଊରୂ ପାତ୍ଵସୁରାଂତକଃ ।
ଗୁହ୍ୟଂ ଵଜ୍ରତନୁଃ ପାତୁ ଜଘନଂ ତୁ ଜଗଦ୍ଧିତଃ ॥ 7

ଆଂଜନେୟଃ କଟିଂ ପାତୁ ନାଭିଂ ସୌମିତ୍ରିଜୀଵନଃ ।
ଉଦରଂ ପାତୁ ହୃଦ୍ଗେହୀ ହୃଦୟଂ ଚ ମହାବଲଃ ॥ 8

ଵକ୍ଷୋ ଵାଲାୟୁଧଃ ପାତୁ ସ୍ତନୌ ଚାଽମିତଵିକ୍ରମଃ ।
ପାର୍ଶ୍ଵୌ ଜିତେଂଦ୍ରିୟଃ ପାତୁ ବାହୂ ସୁଗ୍ରୀଵମଂତ୍ରକୃତ୍ ॥ 9

କରାଵକ୍ଷ ଜୟୀ ପାତୁ ହନୁମାଂଶ୍ଚ ତଦଂଗୁଳୀଃ ।
ପୃଷ୍ଠଂ ଭଵିଷ୍ୟଦ୍ର୍ବହ୍ମା ଚ ସ୍କଂଧୌ ମତି ମତାଂ ଵରଃ ॥ 10

କଂଠଂ ପାତୁ କପିଶ୍ରେଷ୍ଠୋ ମୁଖଂ ରାଵଣଦର୍ପହା ।
ଵକ୍ତ୍ରଂ ଚ ଵକ୍ତୃପ୍ରଵଣୋ ନେତ୍ରେ ଦେଵଗଣସ୍ତୁତଃ ॥ 11

ବ୍ରହ୍ମାସ୍ତ୍ରସନ୍ମାନକରୋ ଭ୍ରୁଵୌ ମେ ପାତୁ ସର୍ଵଦା ।
କାମରୂପଃ କପୋଲେ ମେ ଫାଲଂ ଵଜ୍ରନଖୋଽଵତୁ ॥ 12

ଶିରୋ ମେ ପାତୁ ସତତଂ ଜାନକୀଶୋକନାଶନଃ ।
ଶ୍ରୀରାମଭକ୍ତପ୍ରଵରଃ ପାତୁ ସର୍ଵକଳେବରମ୍ ॥ 13

ମାମହ୍ନି ପାତୁ ସର୍ଵଜ୍ଞଃ ପାତୁ ରାତ୍ରୌ ମହାୟଶାଃ ।
ଵିଵସ୍ଵଦଂତେଵାସୀ ଚ ସଂଧ୍ୟୟୋଃ ପାତୁ ସର୍ଵଦା ॥ 14

ବ୍ରହ୍ମାଦିଦେଵତାଦତ୍ତଵରଃ ପାତୁ ନିରଂତରମ୍ ।
ୟ ଇଦଂ କଵଚଂ ନିତ୍ୟଂ ପଠେଚ୍ଚ ଶୃଣୁୟାନ୍ନରଃ ॥ 15

ଦୀର୍ଘମାୟୁରଵାପ୍ନୋତି ବଲଂ ଦୃଷ୍ଟିଂ ଚ ଵିଂଦତି ।
ପାଦାକ୍ରାଂତା ଭଵିଷ୍ୟଂତି ପଠତସ୍ତସ୍ୟ ଶତ୍ରଵଃ ।
ସ୍ଥିରାଂ ସୁକୀର୍ତିମାରୋଗ୍ୟଂ ଲଭତେ ଶାଶ୍ଵତଂ ସୁଖମ୍ ॥ 16

ଇତି ନିଗଦିତଵାକ୍ୟଵୃତ୍ତ ତୁଭ୍ୟଂ
ସକଲମପି ସ୍ଵୟମାଂଜନେୟ ଵୃତ୍ତମ୍ ।
ଅପି ନିଜଜନରକ୍ଷଣୈକଦୀକ୍ଷୋ
ଵଶଗ ତଦୀୟ ମହାମନୁପ୍ରଭାଵଃ ॥ 17

ଇତି ଶ୍ରୀ ହନୁମତ୍ କଵଚମ୍ ॥