ಶ್ರೀಹನುಮತ್ತಾಂಡವಸ್ತೋತ್ರಂ PDF ಕನ್ನಡ

ಶ್ರೀಹನುಮತ್ತಾಂಡವಸ್ತೋತ್ರಂ ಕನ್ನಡ Lyrics

|| ಶ್ರೀಹನುಮತ್ತಾಂಡವಸ್ತೋತ್ರಂ ||

ವಂದೇ ಸಿಂದೂರವರ್ಣಾಭಂ ಲೋಹಿತಾಂಬರಭೂಷಿತಂ .
ರಕ್ತಾಂಗರಾಗಶೋಭಾಢ್ಯಂ ಶೋಣಾಪುಚ್ಛಂ ಕಪೀಶ್ವರಂ..

ಭಜೇ ಸಮೀರನಂದನಂ, ಸುಭಕ್ತಚಿತ್ತರಂಜನಂ,
ದಿನೇಶರೂಪಭಕ್ಷಕಂ, ಸಮಸ್ತಭಕ್ತರಕ್ಷಕಂ .
ಸುಕಂಠಕಾರ್ಯಸಾಧಕಂ, ವಿಪಕ್ಷಪಕ್ಷಬಾಧಕಂ,
ಸಮುದ್ರಪಾರಗಾಮಿನಂ, ನಮಾಮಿ ಸಿದ್ಧಕಾಮಿನಂ ..

ಸುಶಂಕಿತಂ ಸುಕಂಠಭುಕ್ತವಾನ್ ಹಿ ಯೋ ಹಿತಂ ವಚ-
ಸ್ತ್ವಮಾಶು ಧೈರ್ಯ್ಯಮಾಶ್ರಯಾತ್ರ ವೋ ಭಯಂ ಕದಾಪಿ ನ .
ಇತಿ ಪ್ಲವಂಗನಾಥಭಾಷಿತಂ ನಿಶಮ್ಯ ವಾನ-
ರಾಽಧಿನಾಥ ಆಪ ಶಂ ತದಾ, ಸ ರಾಮದೂತ ಆಶ್ರಯಃ ..

ಸುದೀರ್ಘಬಾಹುಲೋಚನೇನ, ಪುಚ್ಛಗುಚ್ಛಶೋಭಿನಾ,
ಭುಜದ್ವಯೇನ ಸೋದರೀಂ ನಿಜಾಂಸಯುಗ್ಮಮಾಸ್ಥಿತೌ .
ಕೃತೌ ಹಿ ಕೋಸಲಾಧಿಪೌ, ಕಪೀಶರಾಜಸನ್ನಿಧೌ,
ವಿದಹಜೇಶಲಕ್ಷ್ಮಣೌ, ಸ ಮೇ ಶಿವಂ ಕರೋತ್ವರಂ ..

ಸುಶಬ್ದಶಾಸ್ತ್ರಪಾರಗಂ, ವಿಲೋಕ್ಯ ರಾಮಚಂದ್ರಮಾಃ,
ಕಪೀಶ ನಾಥಸೇವಕಂ, ಸಮಸ್ತನೀತಿಮಾರ್ಗಗಂ .
ಪ್ರಶಸ್ಯ ಲಕ್ಷ್ಮಣಂ ಪ್ರತಿ, ಪ್ರಲಂಬಬಾಹುಭೂಷಿತಃ
ಕಪೀಂದ್ರಸಖ್ಯಮಾಕರೋತ್, ಸ್ವಕಾರ್ಯಸಾಧಕಃ ಪ್ರಭುಃ ..

ಪ್ರಚಂಡವೇಗಧಾರಿಣಂ, ನಗೇಂದ್ರಗರ್ವಹಾರಿಣಂ,
ಫಣೀಶಮಾತೃಗರ್ವಹೃದ್ದೃಶಾಸ್ಯವಾಸನಾಶಕೃತ್ .
ವಿಭೀಷಣೇನ ಸಖ್ಯಕೃದ್ವಿದೇಹ ಜಾತಿತಾಪಹೃತ್,
ಸುಕಂಠಕಾರ್ಯಸಾಧಕಂ, ನಮಾಮಿ ಯಾತುಧತಕಂ ..

ನಮಾಮಿ ಪುಷ್ಪಮೌಲಿನಂ, ಸುವರ್ಣವರ್ಣಧಾರಿಣಂ
ಗದಾಯುಧೇನ ಭೂಷಿತಂ, ಕಿರೀಟಕುಂಡಲಾನ್ವಿತಂ .
ಸುಪುಚ್ಛಗುಚ್ಛತುಚ್ಛಲಂಕದಾಹಕಂ ಸುನಾಯಕಂ
ವಿಪಕ್ಷಪಕ್ಷರಾಕ್ಷಸೇಂದ್ರ-ಸರ್ವವಂಶನಾಶಕಂ ..

ರಘೂತ್ತಮಸ್ಯ ಸೇವಕಂ ನಮಾಮಿ ಲಕ್ಷ್ಮಣಪ್ರಿಯಂ
ದಿನೇಶವಂಶಭೂಷಣಸ್ಯ ಮುದ್ರೀಕಾಪ್ರದರ್ಶಕಂ .
ವಿದೇಹಜಾತಿಶೋಕತಾಪಹಾರಿಣಂ ಪ್ರಹಾರಿಣಂ
ಸುಸೂಕ್ಷ್ಮರೂಪಧಾರಿಣಂ ನಮಾಮಿ ದೀರ್ಘರೂಪಿಣಂ ..

ನಭಸ್ವದಾತ್ಮಜೇನ ಭಾಸ್ವತಾ ತ್ವಯಾ ಕೃತಾ
ಮಹಾಸಹಾ ಯತಾ ಯಯಾ ದ್ವಯೋರ್ಹಿತಂ ಹ್ಯಭೂತ್ಸ್ವಕೃತ್ಯತಃ .
ಸುಕಂಠ ಆಪ ತಾರಕಾಂ ರಘೂತ್ತಮೋ ವಿದೇಹಜಾಂ
ನಿಪಾತ್ಯ ವಾಲಿನಂ ಪ್ರಭುಸ್ತತೋ ದಶಾನನಂ ಖಲಂ ..

ಇಮಂ ಸ್ತವಂ ಕುಜೇಽಹ್ನಿ ಯಃ ಪಠೇತ್ಸುಚೇತಸಾ ನರಃ
ಕಪೀಶನಾಥಸೇವಕೋ ಭುನಕ್ತಿಸರ್ವಸಂಪದಃ .
ಪ್ಲವಂಗರಾಜಸತ್ಕೃಪಾಕತಾಕ್ಷಭಾಜನಸ್ಸದಾ
ನ ಶತ್ರುತೋ ಭಯಂ ಭವೇತ್ಕದಾಪಿ ತಸ್ಯ ನುಸ್ತ್ವಿಹ ..

ನೇತ್ರಾಂಗನಂದಧರಣೀವತ್ಸರೇಽನಂಗವಾಸರೇ .
ಲೋಕೇಶ್ವರಾಖ್ಯಭಟ್ಟೇನ ಹನುಮತ್ತಾಂಡವಂ ಕೃತಂ ..

ಇತಿ ಶ್ರೀಹನುಮತ್ತಾಂಡವಸ್ತೋತ್ರಂ..