|| હિમાલય સ્તુતિ ||
ૐ હિમાલયાય વિદ્મહે . ગઙ્ગાભવાય ધીમહિ . તન્નો હરિઃ પ્રચોદયાત્ ..
હિમાલયપ્રભાવાયૈ હિમનદ્યૈ નમો નમઃ .
હિમસંહતિભાવાયૈ હિમવત્યૈ નમો નમઃ ..
અલકાપુરિનન્દાયૈ અતિભાયૈ નમો નમઃ .
ભવાપોહનપુણ્યાયૈ ભાગીરથ્યૈ નમો નમઃ ..
સઙ્ગમક્ષેત્રપાવન્યૈ ગઙ્ગામાત્રે નમો નમઃ .
દેવપ્રયાગદિવ્યાયૈ દેવનદ્યૈ નમો નમઃ ..
દેવદેવવિનૂતાયૈ દેવભૂત્યૈ નમો નમઃ .
દેવાધિદેવપૂજ્યાયૈ ગઙ્ગાદેવ્યૈ નમો નમઃ ..
નમઃ શ્રીરામભદ્રાય ગઙ્ગાતીરાલયાય ચ .
સર્વોત્કૃષ્ટાય શાન્તાય ગભીરાય નમો નમઃ ..
ભાગીરથ્યલકાનન્દાસઙ્ગમાભિમુખાય ચ .
દેવપ્રયાગદૈવાય રઘુનાથાય તે નમઃ ..
નમસ્સીતાવરાજાય રામચન્દ્રાય વિષ્ણવે .
સર્વશક્તિપ્રદાત્રે ચ સર્વોન્નતાય તે નમઃ ..
રુદ્રપ્રયાગનાથાય નારદાગીતશમ્ભવે .
મન્દાકિન્યલકાનન્દાસઙ્ગમસ્થાય તે નમઃ ..
મન્દાકિન્યભિષિક્તાય કેદારલિઙ્ગમૂર્તયે .
સ્વયમ્ભૂશૈલરૂપાય શિવાય ઓં નમો નમઃ ..
શ્રીયોગનરસિંહાય જ્યોતિર્મઠસ્થિતાય ચ .
કરાવલમ્બદૈવાય શ્રીલક્ષ્મીપતયે નમઃ ..
બદરીકાશ્રમસ્થાય નારાયણાય વિષ્ણવે .
તપોભૂમિપ્રશાન્તાય યોગનિષ્ઠાય તે નમઃ ..
બદરીવનનાથાય નરનારાયણાય ચ .
નરોદ્ધારણલીલાય નરાનન્દાય તે નમઃ ..
હિમગઙ્ગાલકાનન્દાભિષિક્તયોગમૂર્તયે .
બદરીશ્રીમહાલક્ષ્મીતપોનાથાય તે નમઃ ..
હૈમશેખરવૃત્તાય નીલકણ્ઠનુતાય ચ .
વસુધારાપ્રવાહાય પુરાણાય નમો નમઃ ..
ગીતાચાર્યાય કૃષ્ણાય વાચામગોચરાય ચ .
હિમાલયપ્રશાન્તિસ્થપરાનન્દાય તે નમઃ ..
સદાલીનમનસ્સ્થાય સદાનન્દપ્રશાન્તયે .
સદાત્માનન્દબોધાય શ્રીકૃષ્ણાય નમો નમઃ ..
મઙ્ગલં હિમરાગાયૈ ગઙ્ગામાત્રે સુમઙ્ગલમ્ .
મઙ્ગલં શિવસદ્ધામ્ને ગઙ્ગાધરાય મઙ્ગલમ્ ..
મઙ્ગલં વાસુદેવાય બદરીવનમાલિને .
મઙ્ગલં શ્રીસમેતાય નારાયણાય મઙ્ગલમ્ ..
મઙ્ગલં પૂર્ણશોભાય હિમ્યાચલાય મઙ્ગલમ્ .
મઙ્ગલં સૌમ્યગઙ્ગાય મોક્ષધામ્ને સુમઙ્ગલમ્ ..
મઙ્ગલં રાગહિમ્યાય નાદગઙ્ગાય મઙ્ગલમ્ .
મઙ્ગલં ત્યાગરાજાય પુષ્પાર્ચિતાય મઙ્ગલમ્ ..
ઇતિ સદ્ગુરુશ્રીત્યાગરાજસ્વામિનઃ શિષ્યયા ભક્તયા પુષ્પયા કૃતા હિમાલયસ્તુતિઃ ગુરૌ સમર્પિતા .
Found a Mistake or Error? Report it Now
