కూర్మ స్తోత్రం PDF తెలుగు

కూర్మ స్తోత్రం తెలుగు Lyrics

|| కూర్మ స్తోత్రం ||

శ్రీ గణేశాయ నమః ..

నమామ తే దేవ పదారవిందం ప్రపన్నతాపోపశమాతపత్రం .
యన్మూలకేతా యతయోఽఞ్జసోరుసంసారదుఃఖం బహిరుత్క్షిపంతి ..

ధాతర్యదస్మిన్భవ ఈశ జీవాస్తాపత్రయేణోపహతా న శర్మ .
ఆత్మఀలభంతే భగవంస్తవాంఘ్రిచ్ఛాయాం సవిద్యామత ఆశ్రయేమ ..

మార్గంతి యత్తే ముఖపద్మనీడైశ్ఛందఃసుపర్ణైరృషయో వివిక్తే .
యస్యాఘమర్షోదసరిద్వరాయాః పదం పదం తీర్థపదః ప్రపన్నాః ..

యచ్ఛ్రద్ధయా శ్రుతవత్యాం చ భక్త్యా సంమృజ్యమానే హృదయేఽవధాయ .
జ్ఞానేన వైరాగ్యబలేన ధీరా వ్రజేమ తత్తేఽఙ్ఘ్రిసరోజపీఠం ..

విశ్వస్య జన్మస్థితిసంయమార్థే కృతావతారస్య పదాంబుజం తే .
వ్రజేమ సర్వే శరణం యదీశ స్మృతం ప్రయచ్ఛత్యభయం స్వపుంసాం ..

యత్సానుబంధేఽసతి దేహగేహే మమాహమిత్యూఢదురాగ్రహాణాం .
పుంసాం సుదూరం వసతోఽపి పుర్యాం భజేమ తత్తే భగవన్పదాబ్జం ..

తాన్వా అసద్వృత్తిభిరక్షిభిర్యే పరాహృతాంతర్మనసః పరేశ .
అథో న పశ్యంత్యురుగాయ నూనం యే తే పదన్యాసవిలాసలక్ష్మ్యాః ..

పానేన తే దేవ కథాసుధాయాః ప్రవృద్ధభక్త్యా విశదాశయా యే .
వైరాగ్యసారం ప్రతిలభ్య బోధం యథాంజసాన్వీయురకుంఠధిష్ణ్యం ..

తథాపరే చాత్మసమాధియోగబలేన జిత్వా ప్రకృతిం బలిష్ఠాం .
త్వామేవ ధీరాః పురుషం విశంతి తేషాం శ్రమః స్యాన్న తు సేవయా తే ..

తత్తే వయం లోకసిసృక్షయాద్య త్వయానుసృష్టాస్త్రిభిరాత్మభిః స్మ .
సర్వే వియుక్తాః స్వవిహారతంత్రం న శక్నుమస్తత్ప్రతిహర్తవే తే ..

యావద్బలిం తేఽజ హరామ కాలే యథా వయం చాన్నమదామ యత్ర .
యథోభయేషాం త ఇమే హి లోకా బలిం హరంతోఽన్నమదంత్యనూహాః ..

త్వం నః సురాణామసి సాన్వయానాం కూటస్థ ఆద్యః పురుషః పురాణః .
త్వం దేవశక్త్యాం గుణకర్మయోనౌ రేతస్త్వజాయాం కవిమాదధేఽజః ..

తతో వయం సత్ప్రముఖా యదర్థే బభూవిమాత్మన్కరవామ కిం తే .
త్వం నః స్వచక్షుః పరిదేహి శక్త్యా దేవక్రియార్థే యదనుగ్రహాణాం ..

ఇతి శ్రీమద్భాగవతపురాణాంతర్గతం కూర్మస్తోత్రం సమాప్తం ..