শ্রীলক্ষ্মীসূক্ত PDF বাংলা

শ্রীলক্ষ্মীসূক্ত বাংলা Lyrics

|| শ্রীলক্ষ্মীসূক্ত ||

শ্রী গণেশায় নমঃ ।

ওঁ পদ্মাননে পদ্মিনি পদ্মপত্রে পদ্মপ্রিয়ে পদ্মদলায়তাক্ষি ।
বিশ্বপ্রিয়ে বিশ্বমনোঽনুকূলে ত্বৎপাদপদ্মং ময়ি সন্নিধৎস্ব ॥

পদ্মাননে পদ্মঊরু পদ্মাশ্রী পদ্মসম্ভবে ।
তন্মে ভজসিং পদ্মাক্ষি যেন সৌখ্যং লভাম্যহম্ ॥

অশ্বদায়ৈ গোদায়ৈ ধনদায়ৈ মহাধনে ।
ধনং মে জুষতাং দেবি সর্বকামাংশ্চ দেহি মে ॥

পুত্রপৌত্রং ধনং ধান্যং হস্ত্যশ্বাদিগবেরথম্ ।
প্রজানাং ভবসি মাতা আয়ুষ্মন্তং করোতু মে ॥

ধনমগ্নির্ধনং বায়ুর্ধনং সূর্যোধনং বসুঃ ।
ধনমিন্দ্রো বৃহস্পতির্বরুণো ধনমস্তু মে ॥

বৈনতেয় সোমং পিব সোমং পিবতু বৃত্রহা ।
সোমং ধনস্য সোমিনো মহ্যং দদাতু সোমিনঃ ॥

ন ক্রোধো ন চ মাৎসর্যং ন লোভো নাশুভা মতিঃ ।
ভবন্তি কৃতপুণ্যানাং ভক্তানাং শ্রীসূক্তং জাপিনাম্ ॥

সরসিজনিলয়ে সরোজহস্তে ধবলতরাংশুক গন্ধমাল্যশোভে ।
ভগবতি হরিবল্লভে মনোজ্ঞে ত্রিভুবনভূতিকরি প্রসীদ মহ্যম্ ॥

শ্রীর্বর্চস্বমায়ুষ্যমারোগ্যমাবিধাচ্ছোভমানং মহীয়তে ।
ধান্য ধনং পশুং বহুপুত্রলাভং শতসংবৎসরং দীর্ঘমায়ুঃ ॥

ওঁ মহাদেব্যৈ চ বিদ্মহে বিষ্ণুপত্ন্যৈ চ ধীমহি ।
তন্নো লক্ষ্মীঃ প্রচোদয়াৎ ॥

ওঁ মহালক্ষ্ম্যৈ চ বিদ্মহে মহশ্রিয়ৈ চ ধীমহি ।
তন্নঃ শ্রীঃ প্রচোদয়াৎ ॥

বিষ্ণুপত্নীং ক্ষমাং দেবীং মাধবীং মাধবপ্রিয়াম্ ।
লক্ষ্মীং প্রিয়সখীং দেবীং নমাম্যচ্যুতবল্লভাম্ ॥

চন্দ্রপ্রভাং লক্ষ্মীমৈশানীং সূর্যাভাংলক্ষ্মীমৈশ্বরীম্ ।
চন্দ্র সূর্যাগ্নিসঙ্কাশাং শ্রিয়ং দেবীমুপাস্মহে ॥

॥ ইতি শ্রীলক্ষ্মী সূক্তং সম্পূর্ণম্ ॥