ಶ್ರೀಲಕ್ಷ್ಮೀಸೂಕ್ತ PDF ಕನ್ನಡ

ಶ್ರೀಲಕ್ಷ್ಮೀಸೂಕ್ತ ಕನ್ನಡ Lyrics

|| ಶ್ರೀಲಕ್ಷ್ಮೀಸೂಕ್ತ ||

ಶ್ರೀ ಗಣೇಶಾಯ ನಮಃ

ಓಂ ಪದ್ಮಾನನೇ ಪದ್ಮಿನಿ ಪದ್ಮಪತ್ರೇ ಪದ್ಮಪ್ರಿಯೇ ಪದ್ಮದಲಾಯತಾಕ್ಷಿ .
ವಿಶ್ವಪ್ರಿಯೇ ವಿಶ್ವಮನೋಽನುಕೂಲೇ ತ್ವತ್ಪಾದಪದ್ಮಂ ಮಯಿ ಸನ್ನಿಧತ್ಸ್ವ ..

ಪದ್ಮಾನನೇ ಪದ್ಮಊರು ಪದ್ಮಾಶ್ರೀ ಪದ್ಮಸಂಭವೇ .
ತನ್ಮೇ ಭಜಸಿಂ ಪದ್ಮಾಕ್ಷಿ ಯೇನ ಸೌಖ್ಯಂ ಲಭಾಮ್ಯಹಂ ..

ಅಶ್ವದಾಯೈ ಗೋದಾಯೈ ಧನದಾಯೈ ಮಹಾಧನೇ .
ಧನಂ ಮೇ ಜುಷತಾಂ ದೇವಿ ಸರ್ವಕಾಮಾಂಶ್ಚ ದೇಹಿ ಮೇ ..

ಪುತ್ರಪೌತ್ರಂ ಧನಂ ಧಾನ್ಯಂ ಹಸ್ತ್ಯಶ್ವಾದಿಗವೇರಥಂ .
ಪ್ರಜಾನಾಂ ಭವಸಿ ಮಾತಾ ಆಯುಷ್ಮಂತಂ ಕರೋತು ಮೇ ..

ಧನಮಗ್ನಿರ್ಧನಂ ವಾಯುರ್ಧನಂ ಸೂರ್ಯೋಧನಂ ವಸುಃ .
ಧನಮಿಂದ್ರೋ ಬೃಹಸ್ಪತಿರ್ವರುಣೋ ಧನಮಸ್ತು ಮೇ ..

ವೈನತೇಯ ಸೋಮಂ ಪಿಬ ಸೋಮಂ ಪಿಬತು ವೃತ್ರಹಾ .
ಸೋಮಂ ಧನಸ್ಯ ಸೋಮಿನೋ ಮಹ್ಯಂ ದದಾತು ಸೋಮಿನಃ ..

ನ ಕ್ರೋಧೋ ನ ಚ ಮಾತ್ಸರ್ಯಂ ನ ಲೋಭೋ ನಾಶುಭಾ ಮತಿಃ .
ಭವಂತಿ ಕೃತಪುಣ್ಯಾನಾಂ ಭಕ್ತಾನಾಂ ಶ್ರೀಸೂಕ್ತಂ ಜಾಪಿನಾಂ ..

ಸರಸಿಜನಿಲಯೇ ಸರೋಜಹಸ್ತೇ ಧವಲತರಾಂಶುಕ ಗಂಧಮಾಲ್ಯಶೋಭೇ .
ಭಗವತಿ ಹರಿವಲ್ಲಭೇ ಮನೋಜ್ಞೇ ತ್ರಿಭುವನಭೂತಿಕರಿ ಪ್ರಸೀದ ಮಹ್ಯಂ ..

ಶ್ರೀರ್ವರ್ಚಸ್ವಮಾಯುಷ್ಯಮಾರೋಗ್ಯಮಾವಿಧಾಚ್ಛೋಭಮಾನಂ ಮಹೀಯತೇ .
ಧಾನ್ಯ ಧನಂ ಪಶುಂ ಬಹುಪುತ್ರಲಾಭಂ ಶತಸಂವತ್ಸರಂ ದೀರ್ಘಮಾಯುಃ ..

ಓಂ ಮಹಾದೇವ್ಯೈ ಚ ವಿದ್ಮಹೇ ವಿಷ್ಣುಪತ್ನ್ಯೈ ಚ ಧೀಮಹಿ .
ತನ್ನೋ ಲಕ್ಷ್ಮೀಃ ಪ್ರಚೋದಯಾತ್ ..

ಓಂ ಮಹಾಲಕ್ಷ್ಮ್ಯೈ ಚ ವಿದ್ಮಹೇ ಮಹಶ್ರಿಯೈ ಚ ಧೀಮಹಿ .
ತನ್ನಃ ಶ್ರೀಃ ಪ್ರಚೋದಯಾತ್ ..

ವಿಷ್ಣುಪತ್ನೀಂ ಕ್ಷಮಾಂ ದೇವೀಂ ಮಾಧವೀಂ ಮಾಧವಪ್ರಿಯಾಂ .
ಲಕ್ಷ್ಮೀಂ ಪ್ರಿಯಸಖೀಂ ದೇವೀಂ ನಮಾಮ್ಯಚ್ಯುತವಲ್ಲಭಾಂ ..

ಚಂದ್ರಪ್ರಭಾಂ ಲಕ್ಷ್ಮೀಮೈಶಾನೀಂ ಸೂರ್ಯಾಭಾಂಲಕ್ಷ್ಮೀಮೈಶ್ವರೀಂ .
ಚಂದ್ರ ಸೂರ್ಯಾಗ್ನಿಸಂಕಾಶಾಂ ಶ್ರಿಯಂ ದೇವೀಮುಪಾಸ್ಮಹೇ ..

.. ಇತಿ ಶ್ರೀಲಕ್ಷ್ಮೀ ಸೂಕ್ತಂ ಸಂಪೂರ್ಣಂ ..