Languages: हिन्दी

|| श्रीधर पंचक स्तोत्र || कारुण्यं शरणार्थिषु प्रजनयन् काव्यादिपुष्पार्चितो वेदान्तेडिविग्रहो विजयदो भूम्यैकशृङ्गोद्धरः। नेत्रोन्मीलित- सर्वलोकजनकश्चित्ते नितान्तं स्थितः कल्याणं विदधातु लोकभगवान् कामप्रदः श्रीधरः। साङ्गाम्नायसुपारगो विभुरजः पीताम्बरः सुन्दरः कंसारातिरधोक्षजः कमलदृग्गोपालकृष्णो वरः। मेधावी कमलव्रतः सुरवरः सत्यार्थविश्वंभरः कल्याणं विदधातु लोकभगवान् कामप्रदः श्रीधरः। हंसारूढजगत्पतिः सुरनिधिः स्वर्णाङ्गभूषोज्जवलः सिद्धो भक्तपरायणो द्विजवपुर्गोसञ्चयैरावृतः। रामो दाशरथिर्दयाकरघनो गोपीमनःपूरितो कल्याणं विदधातु लोकभगवान् कामप्रदः श्रीधरः। हस्तीन्द्रक्षयमोक्षदो जलधिजाक्रान्तः प्रतापान्वितः कृष्णाश्चञ्चल-…

|| हरि नामावलि स्तोत्र || गोविन्दं गोकुलानन्दं गोपालं गोपिवल्लभम्। गोवर्धनोद्धरं धीरं तं वन्दे गोमतीप्रियम्। नारायणं निराकारं नरवीरं नरोत्तमम्। नृसिंहं नागनाथं च तं वन्दे नरकान्तकम्। पीताम्बरं पद्मनाभं पद्माक्षं पुरुषोत्तमम्। पवित्रं परमानन्दं तं वन्दे परमेश्वरम्। राघवं रामचन्द्रं च रावणारिं रमापतिम्। राजीवलोचनं रामं तं वन्दे रघुनन्दनम्। वामनं विश्वरूपं च वासुदेवं च विठ्ठलम्। विश्वेश्वरं विभुं व्यासं तं वन्दे वेदवल्लभम्।…

|| वेंकटेश विभक्ति स्तोत्र || श्रीवेङ्कटाद्रिधामा भूमा भूमाप्रियः कृपासीमा। निरवधिकनित्यमहिमा भवतु जयी प्रणतदर्शितप्रेमा। जय जनता विमलीकृतिसफलीकृतसकलमङ्गलाकार। विजयी भव विजयी भव विजयी भव वेङ्कटाचलाधीश। कनीयमन्दहसितं कञ्चन कन्दर्पकोटिलावण्यम्। पश्येयमञ्जनाद्रौ पुंसां पूर्वतनपुण्यपरिपाकम्। मरतकमेचकरुचिना मदनाज्ञागन्धिमध्यहृदयेन। वृषशैलमौलिसुहृदा महसा केनापि वासितं ज्ञेयम्। पत्यै नमो वृषाद्रेः करयुगपरिकर्मशङ्खचक्राय। इतरकरकमलयुगलीदर्शितकटिबन्धदानमुद्राय। साम्राज्यपिशुनमकुटीसुघटललाटात् सुमङ्गला पाङ्गात्। स्मितरुचिफुल्लकपोलादपरो न परोऽस्ति वेङ्कटाद्रीशात्। सर्वाभरणविभूषितदिव्यावयवस्य वेङ्कटाद्रिपतेः। पल्लवपुष्पविभूषितकल्पतरोश्चापि का भिदा दृष्टा। लक्ष्मीललितपदाम्बुजलाक्षारसरञ्जितायतोरस्के।…

|| वेंकटेश द्वादश नाम स्तोत्र || अस्य श्रीवेङ्कटेशद्वादशनामस्तोत्रमहामन्त्रस्य। ब्रह्मा-ऋषिः। अनुष्टुप्-छन्दः श्रीवेङ्कटेश्वरो देवता। इष्टार्थे विनियोगः। नारायणो जगन्नाथो वारिजासनवन्दितः। स्वामिपुष्करिणीवासी शन्ङ्खचक्रगदाधरः। पीताम्बरधरो देवो गरुडासनशोभितः। कन्दर्पकोटिलावण्यः कमलायतलोचनः। इन्दिरापतिगोविन्दः चन्द्रसूर्यप्रभाकरः। विश्वात्मा विश्वलोकेशो जयश्रीवेङ्कटेश्वरः। एतद्द्वादशनामानि त्रिसन्ध्यं यः पठेन्नरः। दारिद्र्यदुःखनिर्मुक्तो धनधान्यसमृद्धिमान्। जनवश्यं राजवश्य सर्वकामार्थसिद्धिदम्। दिव्यतेजः समाप्नोति दीर्घमायुश्च विन्दति। ग्रहरोगादिनाशं च कामितार्थफलप्रदम्। इह जन्मनि सौख्यं च विष्णुसायुज्यमाप्नुयात्।

|| नवग्रह स्तोत्र || जपाकुसुमसङ्काशं काश्यपेयं महाद्युतिम् । तमोऽरिं सर्वपापघ्नं प्रणतोऽस्मि दिवाकरम् ।। दधिशङ्खतुषाराभं क्षीरोदार्णवसंभवम् । नमामि शशिनं सोमं शम्भोर्मुकुटभूषणम् ।। धरणीगर्भसंभूतं विद्युत्कान्तिसमप्रभम् । कुमारं शक्तिहस्तं तं मङ्गलं प्रणमाम्यहम् ।। प्रियङ्गुकलिकाश्यामं रूपेणाप्रतिमं बुधम् । सौम्यं सौम्यगुणोपेतं तं बुधं प्रणमाम्यहम् ।। देवानाञ्च ऋषीणाञ्च गुरुं काञ्चनसन्निभम् । बुद्धिभूतं त्रिलोकेशं तं नमामि बृहस्पतिम् ।। हिमकुन्दमृणालाभं दैत्यानां परमं गुरुम्…

|| शनैश्चर स्तोत्र || अथ दशरथकृतं शनैश्चरस्तोत्रम्। नमः कृष्णाय नीलाय शितिकण्ठनिभाय च। नमः कालाग्निरूपाय कृतान्ताय च वै नमः। नमो निर्मांसदेहाय दीर्घश्मश्रुजटाय च। नमो विशालनेत्राय शुष्कोदर भयाकृते। नमः पुष्कलगात्राय स्थूलरोम्णेऽथ वै नमः। नमो दीर्घाय शुष्काय कालदंष्ट्र नमोऽस्तु ते। नमस्ते कोटराक्षाय दुर्निरीक्ष्याय वै नमः। नमो घोराय रौद्राय भीषणाय कपालिने। नमस्ते सर्वभक्षाय वलीमुख नमोऽस्तु ते। सूर्यपुत्र नमस्तेऽस्तु भास्करे…

|| नवग्रह पीडाहर स्तोत्र || ग्रहाणामादिरादित्यो लोकरक्षणकारकः। विषणस्थानसंभूतां पीडां हरतु मे रविः। रोहिणीशः सुधामूर्तिः सुधागात्रः सुधाशनः। विषणस्थानसंभूतां पीडां हरतु मे विधुः। भूमिपुत्रो महातेजा जगतां भयकृत् सदा। वृष्टिकृद्धृष्टिहर्ता च पीडां हरतु मे कुजः। उत्पातरूपो जगतां चन्द्रपुत्रो महाद्युतिः। सूर्यप्रियकरो विद्वान् पीडां हरतु मे बुधः। देवमन्त्री विशालाक्षः सदा लोकहिते रतः। अनेकशिष्यसम्पूर्णः पीडां हरतु मे गुरुः। दैत्यमन्त्री गुरुस्तेषां प्राणदश्च…

|| चंद्र ग्रहण दोष निवारण स्तोत्र || योऽसौ वज्रधरो देव आदित्यानां प्रभुर्मतः। सहस्रनयनश्चन्द्र- ग्रहपीडां व्यपोहतु। मुखं यः सर्वदेवानां सप्तार्चिरमितद्युतिः। चन्द्रोपरागसम्भूतामग्निः पीडां व्यपोहतु। यः कर्मसाक्षी लोकानां यमो महिषवाहनः। चन्द्रोपरागसम्भूतां ग्रहपीडां व्यपोहतु। रक्षोगणाधिपः साक्षात् प्रलयानिलसन्निभः। करालो निर्ऋतिश्चन्द्रग्रहपीडां व्यपोहतु। नागपाशधरो देवो नित्यं मकरवाहनः। सलिलाधिपतिश्चन्द्र- ग्रहपीडां व्यपोहतु। प्राणरूपो हि लोकानां वायुः कृष्णमृगप्रियः। चन्द्रोपरागसम्भूतां ग्रहपीडां व्यपोहतु। योऽसौ निधिपतिर्देवः खड्गशूलधरो वरः।…

|| नवग्रह भुजंग स्तोत्र || दिनेशं सुरं दिव्यसप्ताश्ववन्तं सहस्रांशुमर्कं तपन्तं भगं तम्। रविं भास्करं द्वादशात्मानमार्यं त्रिलोकप्रदीपं ग्रहेशं नमामि। निशेशं विधुं सोममब्जं मृगाङ्कं हिमांशुं सुधांशुं शुभं दिव्यरूपम। दशाश्वं शिवश्रेष्ठभाले स्थितं तं सुशान्तं नु नक्षत्रनाथं नमामि। कुजं रक्तमाल्याम्बरैर्भूषितं तं वयःस्थं भरद्वाजगोत्रोद्भवं वै। गदावन्तमश्वाष्टकैः सम्भ्रमन्तं नमामीशमङ्गारकं भूमिजातम्। बुधं सिंहगं पीतवस्त्रं धरन्तं विभुं चात्रिगोत्रोद्भवं चन्द्रजातम्। रजोरूपमीड्यं पुराणप्रवृत्तं शिवं सौम्यमीशं…

|| नवग्रह शरणागति स्तोत्र || सहस्रनयनः सूर्यो‌ रविः खेचरनायकः| सप्ताश्ववाहनो देवो दिनेशः शरणं मम| तुहिनांशुः शशाङ्कश्च‌ शिवशेखरमण्डनः| ओषधीशस्तमोहर्ता राकेशः शरणं मम| महोग्रो महतां वन्द्यो महाभयनिवारकः| महीसूनुर्महातेजा मङ्गलः शरणं मम| अभीप्सितार्थदः शूरः सौम्यः सौम्यफलप्रदः| पीतवस्त्रधरः पुण्यः सोमजः शरणं मम| धर्मसंरक्षकः श्रेष्ठः सुधर्माधिपतिर्द्विजः| सर्वशास्त्रविपश्चिच्च देवेज्यः शरणं मम| समस्तदोषविच्छेदी कविकर्मविशारदः| सर्वज्ञः करुणासिन्धु- र्दैत्येज्यः शरणं मम| वज्रायुधधरः काकवाहनो वाञ्छितार्थदः|…

|| दिवाकर पंचक स्तोत्र || अतुल्यवीर्यंमुग्रतेजसं सुरं सुकान्तिमिन्द्रियप्रदं सुकान्तिदम्। कृपारसैक- पूर्णमादिरूपिणं दिवाकरं सदा भजे सुभास्वरम्। इनं महीपतिं च नित्यसंस्तुतं कलासुवर्णभूषणं रथस्थितम्। अचिन्त्यमात्मरूपिणं ग्रहाश्रयं दिवाकरं सदा भजे सुभास्वरम्। उषोदयं वसुप्रदं सुवर्चसं विदिक्प्रकाशकं कविं कृपाकरम्। सुशान्तमूर्तिमूर्ध्वगं जगज्ज्वलं दिवाकरं सदा भजे सुभास्वरम्। ऋषिप्रपूजितं वरं वियच्चरं परं प्रभुं सरोरुहस्य वल्लभम्। समस्तभूमिपं च तारकापतिं दिवाकरं सदा भजे सुभास्वरम्। ग्रहाधिपं गुणान्वितं…

|| नवग्रह ध्यान स्तोत्र || प्रत्यक्षदेवं विशदं सहस्रमरीचिभिः शोभितभूमिदेशम्। सप्ताश्वगं सद्ध्वजहस्तमाद्यं देवं भजेऽहं मिहिरं हृदब्जे। शङ्खप्रभमेणप्रियं शशाङ्कमीशानमौलि- स्थितमीड्यवृत्तम्। तमीपतिं नीरजयुग्महस्तं ध्याये हृदब्जे शशिनं ग्रहेशम्। प्रतप्तगाङ्गेयनिभं ग्रहेशं सिंहासनस्थं कमलासिहस्तम्। सुरासुरैः पूजितपादपद्मं भौमं दयालुं हृदये स्मरामि। सोमात्मजं हंसगतं द्विबाहुं शङ्खेन्दुरूपं ह्यसिपाशहस्तम्। दयानिधिं भूषणभूषिताङ्गं बुधं स्मरे मानसपङ्कजेऽहम्। तेजोमयं शक्तित्रिशूलहस्तं सुरेन्द्रज्येष्ठैः स्तुतपादपद्मम्। मेधानिधिं हस्तिगतं द्विबाहुं गुरुं स्मरे मानसपङ्कजेऽहम्। सन्तप्तकाञ्चननिभं…

|| नक्षत्र शांतिकर स्तोत्र || कृत्तिका परमा देवी रोहिणी रुचिरानना। श्रीमान् मृगशिरा भद्रा आर्द्रा च परमोज्ज्वला। पुनर्वसुस्तथा पुष्य आश्लेषाऽथ महाबला। नक्षत्रमातरो ह्येताः प्रभामालाविभूषिताः। महादेवाऽर्चने शक्ता महादेवाऽनुभावितः। पूर्वभागे स्थिता ह्येताः शान्तिं कुर्वन्तु मे सदा। मघा सर्वगुणोपेता पूर्वा चैव तु फाल्गुनी। उत्तरा फाल्गुनी श्रेष्ठा हस्ता चित्रा तथोत्तमा। स्वाती विशाखा वरदा दक्षिणस्थानसंस्थिताः। अर्चयन्ति सदाकालं देवं त्रिभुवनेश्वरम्। नक्षत्रमारो ह्येतास्तेजसापरिभूषिताः।…

|| नवग्रह नमस्कार स्तोत्र || ज्योतिर्मण्डलमध्यगं गदहरं लोकैकभास्वन्मणिं मेषोच्चं प्रणतिप्रियं द्विजनुतं छायपतिं वृष्टिदम्। कर्मप्रेरकमभ्रगं शनिरिपुं प्रत्यक्षदेवं रविं ब्रह्मेशानहरिस्वरूपमनघं सिंहेशसूर्यं भजे। चन्द्रं शङ्करभूषणं मृगधरं जैवातृकं रञ्जकं पद्मासोदरमोषधीशममृतं श्रीरोहिणीनायकम्। शुभ्राश्वं क्षयवृद्धिशीलमुडुपं सद्बुद्धिचित्तप्रदं शर्वाणीप्रियमन्दिरं बुधनुतं तं कर्कटेशं भजे। भौमं शक्तिधरं त्रिकोणनिलयं रक्ताङ्गमङ्गारकं भूदं मङ्गलवासरं ग्रहवरं श्रीवैद्यनाथार्चकम्। क्रूरं षण्मुखदैवतं मृगगृहोच्चं रक्तधात्वीश्वरं नित्यं वृश्चिकमेषराशिपतिमर्केन्दुप्रियं भावये। सौम्यं सिंहरथं बुधं कुजरिपुं श्रीचन्द्रतारासुतं…

|| सोम स्तोत्र || श्वेताम्बरोज्ज्वलतनुं सितमाल्यगन्धं श्वेताश्वयुक्तरथगं सुरसेविताङ्घ्रिम्। दोर्भ्यां धृताभयगदं वरदं सुधांशुं श्रीवत्समौक्तिकधरं प्रणमामि चन्द्रम्। आग्नेयभागे सरथो दशाश्वश्चात्रेयजो यामुनदेशजश्च। प्रत्यङ्मुखस्थश्चतुरश्रपीठे गदाधरो नोऽवतु रोहिणीशः। चन्द्रं नमामि वरदं शङ्करस्य विभूषणम्। कलानिधिं कान्तरूपं केयूरमकुटोज्ज्वलम्। वरदं वन्द्यचरणं वासुदेवस्य लोचनम्। वसुधाह्लादनकरं विधुं तं प्रणमाम्यहम्। श्वेतमाल्याम्बरधरं श्वेतगन्धानुलेपनम्। श्वेतछत्रोल्लसन्मौलिं शशिनं प्रणमाम्यहम्। सर्वं जगज्जीवयसि सुधारसमयैः करैः। सोम देहि ममारोग्यं सुधापूरितमण्डलम्। राजा त्वं ब्राह्मणानां…

|| सप्त सप्ति सप्तक स्तोत्र || ध्वान्तदन्तिकेसरी हिरण्यकान्तिभासुरः कोटिरश्मिभूषितस्तमोहरोऽमितद्युतिः। वासरेश्वरो दिवाकरः प्रभाकरः खगो भास्करः सदैव पातु मां विभावसू रविः। यक्षसिद्धकिन्नरादिदेवयोनिसेवितं तापसैर्मुनीश्वरैश्च नित्यमेव वन्दितम्। तप्तकाञ्चनाभमर्कमादिदैवतं रविं विश्वचक्षुषं नमामि सादरं महाद्युतिम्। भानुना वसुन्धरा पुरैव निमिता तथा भास्करेण तेजसा सदैव पालिता मही। भूर्विलीनतां प्रयाति काश्यपेयवर्चसा तं रवि भजाम्यहं सदैव भक्तिचेतसा। अंशुमालिने तथा च सप्त-सप्तये नमो बुद्धिदायकाय शक्तिदायकाय ते…

|| नवग्रह सुप्रभात स्तोत्र || पूर्वापराद्रिसञ्चार चराचरविकासक। उत्तिष्ठ लोककल्याण सूर्यनारायण प्रभो। सप्ताश्वरश्मिरथ सन्ततलोकचार श्रीद्वादशात्मकमनीयत्रिमूर्तिरूप। सन्ध्यात्रयार्चित वरेण्य दिवाकरेशा श्रीसूर्यदेव भगवन् कुरु सुप्रभातम्। अज्ञानगाहतमसः पटलं विदार्य ज्ञानातपेन परिपोषयसीह लोकम्। आरोग्यभाग्यमति सम्प्रददासि भानो श्रीसूर्यदेव भगवन् कुरु सुप्रभातम्। छायापते सकलमानवकर्मसाक्षिन् सिंहाख्यराश्यधिप पापविनाशकारिन्। पीडोपशान्तिकर पावन काञ्चनाभ श्रीसूर्यदेव भगवन् कुरु सुप्रभातम्। सर्वलोकसमुल्हास शङ्करप्रियभूषणा। उत्तिष्ठ रोहिणीकान्त चन्द्रदेव नमोऽस्तुते। इन्द्रादि लोकपरिपालक कीर्तिपात्र केयूरहारमकुटादि…

|| सीता राम स्तोत्र || अयोध्यापुरनेतारं मिथिलापुरनायिकाम्‌। राघवाणामलङ्कारं वैदेहानामलङ्क्रियाम्‌। रघूणां कुलदीपं च निमीनां कुलदीपिकाम्‌। सूर्यवंशसमुद्भूतं सोमवंशसमुद्भवाम्‌। पुत्रं दशरथस्याद्यं पुत्रीं जनकभूपतेः। वसिष्ठानुमताचारं शतानन्दमतानुगाम्‌। कौसल्यागर्भसम्भूतं वेदिगर्भोदितां स्वयम्‌। पुण्डरीकविशालाक्षं स्फुरदिन्दीवरेक्षणाम्‌। चन्द्रकान्ताननाम्भोजं चन्द्रबिम्बोपमाननाम्‌। मत्तमातङ्गगमनं मत्तहंसवधूगताम्‌। चन्दनार्द्रभुजामध्यं कुङ्कुमार्द्रकुचस्थलीम्‌। चापालङ्कृतहस्ताब्जं पद्मालङ्कृतपाणिकाम्‌। शरणागतगोप्तारं प्रणिपादप्रसादिकाम्‌। कालमेघनिभं रामं कार्तस्वरसमप्रभाम्‌। दिव्यसिंहासनासीनं दिव्यस्रग्वस्त्रभूषणाम्‌। अनुक्षणं कटाक्षाभ्या- मन्योन्येक्षणकाङ्क्षिणौ। अन्योन्यसदृशाकारौ त्रैलोक्यगृहदम्पती। इमौ युवां प्रणम्याहं भजाम्यद्य कृतार्थताम्‌। अनेन स्तौति यः…

|| राजाराम दशक स्तोत्र || महावीरं शूरं हनूमच्चित्तेशम्। दृढप्रज्ञं धीरं भजे नित्यं रामम्। जनानन्दे रम्यं नितान्तं राजेन्द्रम्। जितामित्रं वीरं भजे नित्यं रामम्। विशालाक्षं श्रीशं धनुर्हस्तं धुर्यम्। महोरस्कं धन्यं भजे नित्यं रामम्। महामायं मुख्यं भविष्णुं भोक्तारम्। कृपालुं काकुत्स्थं भजे नित्यं रामम्। गुणश्रेष्ठं कल्प्यं प्रभूतं दुर्ज्ञेयम्। घनश्यामं पूर्णं भजे नित्यं रामम्। अनादिं संसेव्यं सदानन्दं सौम्यम्। निराधारं दक्षं…

|| अयोध्या मंगल स्तोत्र || यस्यां हि व्याप्यते रामकथाकीर्त्तनजोध्वनिः। तस्यै श्रीमदयोध्यायै नित्यं भूयात् सुमङ्गलम्। श्रीरामजन्मभूमिर्या महावैभवभूषिता। तस्यै श्रीमदयोध्यायै नित्यं भूयात् सुमङ्गलम्। या युक्ता ब्रह्मधर्मज्ञैर्भक्तैश्च कर्मवेत्तृभिः। तस्यै श्रीमदयोध्यायै नित्यं भूयात् सुमङ्गलम्। या देवमन्दिरैर्दिव्या तोरणध्वजसंयुता। तस्यै श्रीमदयोध्यायै नित्यं भूयात् सुमङ्गलम्। साधुभिर्दानिभिर्या च देववृन्दैश्च सेविता। तस्यै श्रीमदयोध्यायै नित्यं भूयात् सुमङ्गलम्। सिद्धिदा सौख्यदा या च भक्तिदा मुक्तिदा तथा। तस्यै…

|| अष्ट महिषी कृष्ण स्तोत्र || हृद्गुहाश्रितपक्षीन्द्र- वल्गुवाक्यैः कृतस्तुते। तद्गरुत्कन्धरारूढ रुक्मिणीश नमोऽस्तु ते। अत्युन्नताखिलैः स्तुत्य श्रुत्यन्तात्यन्तकीर्तित। सत्ययोजितसत्यात्मन् सत्यभामापते नमः। जाम्बवत्याः कम्बुकण्ठालम्ब- जृम्भिकराम्बुज। शम्भुत्र्यम्बकसम्भाव्य साम्बतात नमोऽस्तु ते। नीलाय विलसद्भूषा- जलयोज्ज्वालमालिने। लोलालकोद्यत्फालाय कालिन्दीपतये नमः। जैत्रचित्रचरित्राय शात्रवानीकमृत्यवे। मित्रप्रकाशाय नमो मित्रविन्दाप्रियाय ते। बालनेत्रोत्सवानन्त- लीलालावण्यमूर्तये। नीलाकान्ताय ते भक्तवालायास्तु नमो नमः। भद्राय स्वजनाविद्यानिद्रा- विद्रवणाय वै। रुद्राणीभद्रमूलाय भद्राकान्ताय ते नमः। रक्षिताखिलविश्वाय शिक्षिताखिलरक्षसे।…

|| गोपीनायक अष्टक स्तोत्र || सरोजनेत्राय कृपायुताय मन्दारमालापरिभूषिताय। उदारहासाय ससन्मुखाय नमोऽस्तु गोपीजनवल्लभाय। आनन्दनन्दादिकदायकाय बकीबकप्राणविनाशकाय। मृगेन्द्रहस्ताग्रजभूषणाय नमोऽस्तु गोपीजनवल्लभाय। गोपाललीलाकृतकौतुकाय गोपालकाजीवनजीवनाय। भक्तैकगम्याय नवप्रियाय नमोऽस्तु गोपीजनवल्लभाय। मन्थानभाण्डाखिलभञ्जनाय हैयङ्गवीनाशनरञ्जनाय। गोस्वादुदुग्धामृतपोषिताय नमोऽस्तु गोपीजनवल्लभाय। कलिन्दजाकूलकुतूहलाय किशोररूपाय मनोहराय। पिशङ्गवस्त्राय नरोत्तमाय नमोऽस्तु गोपीजनवल्लभाय। धराधराभाय धराधराय श‍ृङ्गारहारावलिशोभिताय। समस्तगर्गोक्तिसुलक्षणाय नमोऽस्तु गोपीजनवल्लभाय। इभेन्द्रकुम्भस्थलखण्डनाय विदेशवृन्दावनमण्डनाय। हंसाय कंसासुरमर्दनाय नमोऽस्तु गोपीजनवल्लभाय। श्रीदेवकीसूनुविमोक्षणाय क्षत्तोद्धवाक्रूरवरप्रदाय। गदारिशङ्खाब्जचतुर्भुजाय नमोऽस्तु गोपीजनवल्लभाय।

|| गिरिधर अष्टक स्तोत्र || त्र्यैलोक्यलक्ष्मी- मदभृत्सुरेश्वरो यदा घनैरन्तकरैर्ववर्ष ह। तदाकरोद्यः स्वबलेन रक्षणं तं गोपबालं गिरिधारिणं भजे। यः पाययन्तीमधिरुह्य पूतनां स्तन्यं पपौ प्राणपरायणः शिशुः। जघान वातायित- दैत्यपुङ्गवं तं गोपबालं गिरिधारिणं भजे। नन्दव्रजं यः स्वरुचेन्दिरालयं चक्रे दिवीशां दिवि मोहवृद्धये। गोगोपगोपीजन- सर्वसौख्यकृत्तं गोपबालं गिरिधारिणं व्रजे। यं कामदोग्घ्री गगनाहृतैर्जलैः स्वज्ञातिराज्ये मुदिताभ्यषिञ्चत्। गोविन्दनामोत्सव- कृद्व्रजौकसां तं गोपबालं गिरिधारिणं भजे। यस्याननाब्जं…

|| गोकुलेश अष्टक स्तोत्र || प्राणाधिकप्रेष्ठभवज्जनानां त्वद्विप्रयोगानलतापितानाम्। समस्तसन्तापनिवर्तकं यद्रूपं निजं दर्शय गोकुलेश। भवद्वियोगोरगदंशभाजां प्रत्यङ्गमुद्यद्विषमूर्च्छितानाम्। सञ्जीवनं सम्प्रति तावकानां रूपं निजं दर्शय गोकुलेश। आकस्मिकत्वद्विरहान्धकार- सञ्छादिताशेषनिदर्शनानाम्। प्रकाशकं त्वज्जनलोचनानां रूपं निजं दर्शय गोकुलेश। स्वमन्दिरास्तीर्णविचित्रवर्णं सुस्पर्शमृद्वास्तरणे निषण्णम्। पृथूपधानाश्रितपृष्ठभागं रूपं निजं दर्शय गोकुलेश। सन्दर्शनार्थागतसर्वलोक- विलोचनासेचनकं मनोज्ञम्। कृपावलोकहिततत्प्रसादं रूपं निजं दर्शय गोकुलेश। यत्सर्वदा चर्वितनागवल्लीरसप्रियं तद्रसरक्तदन्तम्। निजेषु तच्चर्वितशेषदं च रूपं निजं दर्शय गोकुलेश।…

|| राधाकृष्ण युगलाष्टक स्तोत्र || वृन्दावनविहाराढ्यौ सच्चिदानन्दविग्रहौ। मणिमण्डपमध्यस्थौ राधाकृष्णौ नमाम्यहम्। पीतनीलपटौ शान्तौ श्यामगौरकलेबरौ। सदा रासरतौ सत्यौ राधाकृष्णौ नमाम्यहम्। भावाविष्टौ सदा रम्यौ रासचातुर्यपण्डितौ। मुरलीगानतत्त्वज्ञौ राधाकृष्णौ नमाम्यहम्। यमुनोपवनावासौ कदम्बवनमन्दिरौ। कल्पद्रुमवनाधीशौ राधाकृष्णौ नमाम्यहम्। यमुनास्नानसुभगौ गोवर्धनविलासिनौ। दिव्यमन्दारमालाढ्यौ राधाकृष्णौ नमाम्यहम्। मञ्जीररञ्जितपदौ नासाग्रगजमौक्तिकौ। मधुरस्मेरसुमुखौ राधाकृष्णौ नमाम्यहम्। अनन्तकोटिब्रह्माण्डे सृष्टिस्थित्यन्तकारिणौ। मोहनौ सर्वलोकानां राधाकृष्णौ नमाम्यहम्। परस्परसमाविष्टौ परस्परगणप्रियौ। रससागरसम्पन्नौ राधाकृष्णौ नमाम्यहम्।