|| ஶ்ரீ லக்ஷ்மீ ஸ்தோத்ரம் (லோபாமுத்³ரா க்ருதம்) ||
மாதர்நமாமி கமலே பத்³மா(ஆ)யதஸுலோசநே ।
ஶ்ரீவிஷ்ணுஹ்ருத்கமலஸ்தே² விஶ்வமாதர்நமோ(அ)ஸ்து தே ॥ 1 ॥
க்ஷீரஸாக³ரஸத்புத்ரி பத்³மக³ர்பா⁴ப⁴ஸுந்த³ரி ।
லக்ஷ்மி ப்ரஸீத³ ஸததம் விஶ்வமாதர்நமோ(அ)ஸ்து தே ॥ 2 ॥
மஹேந்த்³ரஸத³நே த்வம் ஶ்ரீ꞉ ருக்மிணீ க்ருஷ்ணபா⁴மிநீ ।
சந்த்³ரே ஜ்யோத்ஸ்நா ப்ரபா⁴ ஸூர்யே விஶ்வமாதர்நமோ(அ)ஸ்து தே ॥ 3 ॥
ஸ்மிதாநநே ஜக³த்³தா⁴த்ரி ஶரண்யே ஸுக²வர்தி⁴நி ।
ஜாதவேத³ஸி த³ஹநே விஶ்வமாதர்நமோ(அ)ஸ்து தே ॥ 4 ॥
ப்³ரஹ்மாணி த்வம் ஸர்ஜநா(அ)ஸி விஷ்ணௌ த்வம் போஷிகா ஸதா³ ।
ஶிவே ஸம்ஹாரிகா ஶக்திர்விஶ்வமாதர்நமோ(அ)ஸ்து தே ॥ 5 ॥
த்வயா ஶூரோ கு³ணீ விஜ்ஞோ த⁴ந்யோ மாந்ய꞉ குலீநக꞉ ।
கலாஶீலகலாபாட்⁴யோ விஶ்வமாதர்நமோ(அ)ஸ்து தே ॥ 6 ॥
த்வயா க³ஜஸ்துரங்க³ஶ்ச ஸ்த்ரைணஸ்த்ருணம் ஸர꞉ ஸத³꞉ ।
தே³வோ க்³ருஹம் கண꞉ ஶ்ரேஷ்டா² விஶ்வமாதர்நமோ(அ)ஸ்து தே ॥ 7 ॥
த்வயா பக்ஷீ பஶு꞉ ஶய்யா ரத்நம் ப்ருத்²வீ நரோ வதூ⁴꞉ ।
ஶ்ரேஷ்டா²꞉ ஶுத்³தா⁴ மஹாலக்ஷ்மி விஶ்வமாதர்நமோ(அ)ஸ்து தே ॥ 8 ॥
லக்ஷ்மி ஶ்ரீ கமலே பத்³மே ரமே பத்³மோத்³ப⁴வே ஸதி ।
அப்³தி⁴ஜே விஷ்ணுபத்நி த்வம் ப்ரஸீத³ ஸததம் ப்ரியே ॥ 9 ॥
இதி ஶ்ரீலக்ஷ்மீநாராயணஸம்ஹிதாயாம் லோபாமுத்³ரா க்ருத ஶ்ரீ லக்ஷ்மீ ஸ்தோத்ரம் ।
Found a Mistake or Error? Report it Now
