लोभासुरकृता महादेवस्तुतिः

|| लोभासुरकृता महादेवस्तुतिः ||

॥ श्रीगणेशाय नमः ॥
लोभासुर उवाच ।
नमस्ते विश्वनाथाय सर्वान्तर्यामिणे नमः ।
शङ्कराय शिवायैव ह्यनन्तगुणराशये ॥ ४०॥

त्रिनेत्राय महादेव शक्तियुक्ताय शम्भवे ।
निर्गुणाय गुणानां ते चालकाय नमो नमः ॥ ४१॥

अमेयशक्तये तुभ्यं गिरीशाय वृषध्वज ।
स्रष्ट्रे पात्रे च संहर्त्रे त्रिधारूपाय वै नमः ॥ ४२॥

अकर्तुमन्यथा कर्तुं कर्तुं शक्ताय ते नमः ।
सदा मोहविहीनाय मृडाय सततं नमः ॥ ४३॥

स्वाधीनाय परेशाय सहजे खेलकारिणे ।
शूलहस्ताय देवानां पतये ते नमो नमः ॥ ४४॥

कैलासवासिने तुभ्यं भस्मलेपकराय वै ।
दिगम्बराय सर्वेभ्यः सर्वदाय नमो नमः ॥ ४५॥

एवं स्तुत्वा महेशानं तूष्णीं भावेन संस्थितः ।
लोभासुरः प्रसन्नात्मा साश्रुकः स कृताञ्जलिः ॥ ४६॥

तमुवाच महादेवो वरं वृणु हृदीप्सितम् ।
दास्यामि तपसा स्तोत्रेण तुष्टो दानवोत्तम ॥ ४७॥

(फलश्रुतिः)
त्वया कृतमिदं स्तोत्रं मम प्रीतिविवर्धनम् ।
भविष्यति न सन्देहो भुक्तिमुक्तिप्रदायकम् ॥ ४८॥

यः पठिष्यति दैत्येन्द्र श्रावयिष्यति वा नरः ।
श्रोष्यते स लभेत् सद्यो वाञ्छितं मत्प्रियः सदा ॥ ४९॥

इति लोभासुरकृता महादेवस्तुतिः सम्पूर्णा ॥

• sanskritनन्दिकेशप्रोक्ता सोमनाथशिवस्तुतिः
• sanskritहेमबाहु प्रोक्ता महादेवस्तुतिः
• sanskritकुलेश्वरपाण्ड्यकृता महादेवस्तुतिः
• sanskritमहादेवस्तुतिः वरप्राप्त्यर्थं पार्वतिकृता
• sanskritयाज्ञवल्क्यप्रोक्ता महादेवस्तुतिः
• sanskritऋषिभिः कृता महादेवस्तुतिः
• sanskritश्रीमहादेवस्तुतिः २
• sanskritमहादेवस्तुतिः
• sanskritदक्षकृता शिवस्तुतिः
• sanskritबृहद्बलकृता शिवगिरिजास्तुतिः
• sanskritश्रीशिवास्तुतिकदम्बम्
• sanskritशम्भु स्तुति
• sanskritनटराज स्तुति
• hindiशिव जी स्तुति
• sanskritभैरवरूप शिव स्तुति

Found a Mistake or Error? Report it Now