मंगलागौरी नाम तुझे – मंगळागौरीची आरती PDF मराठी

मंगलागौरी नाम तुझे – मंगळागौरीची आरती मराठी Lyrics

॥ मंगलागौरी नाम तुझे – मंगळागौरीची आरती ॥

मंगलागौरी नाम तुझे ॥
तुला नमन असो माझे ॥
भवदुःखाचे हे ओझे ॥
देवी उतरावे सहजे ॥

जय माये मंगलागौरी ॥
तुजला पुजू अंतरी ॥
नानाविधि उपचारी ॥
दीप ओंवाळू सुंदरी ॥

गजाननाची तूं माता ॥
शंकराची प्रिय कांता ॥
हिमाचलाची तू दुहिता ॥
मज तारिं तारिं आतां ॥

जय माये मंगलागौरी…

लागें तुझ्या चरणाशीं ॥
जाळीं पापांचिया राशी ॥
भक्ति ठसावी मानसीं ॥
अंबे न्यावें पायांपाशीं ॥

जय माये मंगलागौरी…

गौरी ओवाळित्यें दीप ॥
नेणें तुझें नामरूप ॥
वाढवावें सौभाग्य अमूप ॥
विश्यची तूं मायबाप ॥

जय माये मंगलागौरी…

रिकामीं ही खटपट ॥
शुद्धमार्गी लावी नीट ॥
परब्रह्म घनदाट ।।
द्यावी नारायणी भेट ॥

जय माये मंगलागौरी…