|| ಶ್ರೀ ಮಹಾಕಾಳೀ ಸ್ತೋತ್ರಂ (ಪರಶುರಾಮ ಕೃತಂ) ||
ಪರಶುರಾಮ ಉವಾಚ |
ನಮಃ ಶಂಕರಕಾಂತಾಯೈ ಸಾರಾಯೈ ತೇ ನಮೋ ನಮಃ |
ನಮೋ ದುರ್ಗತಿನಾಶಿನ್ಯೈ ಮಾಯಾಯೈ ತೇ ನಮೋ ನಮಃ || ೧ ||
ನಮೋ ನಮೋ ಜಗದ್ಧಾತ್ರ್ಯೈ ಜಗತ್ಕರ್ತ್ರ್ಯೈ ನಮೋ ನಮಃ |
ನಮೋಽಸ್ತು ತೇ ಜಗನ್ಮಾತ್ರೇ ಕಾರಣಾಯೈ ನಮೋ ನಮಃ || ೨ ||
ಪ್ರಸೀದ ಜಗತಾಂ ಮಾತಃ ಸೃಷ್ಟಿಸಂಹಾರಕಾರಿಣಿ |
ತ್ವತ್ಪಾದೌ ಶರಣಂ ಯಾಮಿ ಪ್ರತಿಜ್ಞಾಂ ಸಾರ್ಥಿಕಾಂ ಕುರು || ೩ ||
ತ್ವಯಿ ಮೇ ವಿಮುಖಾಯಾಂ ಚ ಕೋ ಮಾಂ ರಕ್ಷಿತುಮೀಶ್ವರಃ |
ತ್ವಂ ಪ್ರಸನ್ನಾ ಭವ ಶುಭೇ ಮಾಂ ಭಕ್ತಂ ಭಕ್ತವತ್ಸಲೇ || ೪ ||
ಯುಷ್ಮಾಭಿಃ ಶಿವಲೋಕೇ ಚ ಮಹ್ಯಂ ದತ್ತೋ ವರಃ ಪುರಾ |
ತಂ ವರಂ ಸಫಲಂ ಕರ್ತುಂ ತ್ವಮರ್ಹಸಿ ವರಾನನೇ || ೫ ||
ರೇಣುಕೇಯಸ್ತವಂ ಶ್ರುತ್ವಾ ಪ್ರಸನ್ನಾಽಭವದಂಬಿಕಾ |
ಮಾ ಭೈರಿತ್ಯೇವಮುಕ್ತ್ವಾ ತು ತತ್ರೈವಾಂತರಧೀಯತ || ೬ ||
ಏತದ್ ಭೃಗುಕೃತಂ ಸ್ತೋತ್ರಂ ಭಕ್ತಿಯುಕ್ತಶ್ಚ ಯಃ ಪಠೇತ್ |
ಮಹಾಭಯಾತ್ಸಮುತ್ತೀರ್ಣಃ ಸ ಭವೇದೇವ ಲೀಲಯಾ || ೭ ||
ಸ ಪೂಜಿತಶ್ಚ ತ್ರೈಲೋಕ್ಯೇ ತತ್ರೈವ ವಿಜಯೀ ಭವೇತ್ |
ಜ್ಞಾನಿಶ್ರೇಷ್ಠೋ ಭವೇಚ್ಚೈವ ವೈರಿಪಕ್ಷವಿಮರ್ದಕಃ || ೮ ||
ಇತಿ ಶ್ರೀಬ್ರಹ್ಮವೈವರ್ತಪುರಾಣೇ ಗಣೇಶಖಂಡೇ ಷಟ್ತ್ರಿಂಶೋಽಧ್ಯಾಯೇ ಶ್ರೀಪರಶುರಾಮಕೃತ ಮಹಾಮಾಯಾ ಸ್ತೋತ್ರಮ್ |
Found a Mistake or Error? Report it Now
