ப்ரதோஷஸ்தோத்ராஷ்டகம்

|| ப்ரதோஷஸ்தோத்ராஷ்டகம் ||

ஸத்யம் ப்³ரவீமி பரளோகஹிதம் ப்³ரவீமி
ஸாரம் ப்³ரவீம்யுபநிஷத்³த்⁴ருத³யம் ப்³ரவீமி ।
ஸம்ஸாரமுல்ப³ணமஸாரமவாப்ய ஜந்தோ꞉
ஸாரோ(அ)யமீஶ்வரபதா³ம்பு³ருஹஸ்ய ஸேவா ॥ 1 ॥

யே நார்சயந்தி கி³ரிஶம் ஸமயே ப்ரதோ³ஷே
யே நார்சிதம் ஶிவமபி ப்ரணமந்தி சாந்யே ।
ஏதத்கதா²ம் ஶ்ருதிபுடைர்ந பிப³ந்தி மூடா⁴-
-ஸ்தே ஜந்மஜந்மஸு ப⁴வந்தி நரா த³ரித்³ரா꞉ ॥ 2 ॥

யே வை ப்ரதோ³ஷஸமயே பரமேஶ்வரஸ்ய
குர்வந்த்யநந்யமநஸோங்க்⁴ரிஸரோஜபூஜாம் ।
நித்யம் ப்ரவ்ருத்³த⁴த⁴நதா⁴ந்யகளத்ரபுத்ர-
-ஸௌபா⁴க்³யஸம்பத³தி⁴காஸ்த இஹைவ லோகே ॥ 3 ॥

கைலாஸஶைலப⁴வநே த்ரிஜக³ஜ்ஜநித்ரீம்
கௌ³ரீம் நிவேஶ்ய கநகாஞ்சிதரத்நபீடே² ।
ந்ருத்யம் விதா⁴துமபி⁴வாஞ்ச²தி ஶூலபாணௌ
தே³வா꞉ ப்ரதோ³ஷஸமயே(அ)நுப⁴ஜந்தி ஸர்வே ॥ 4 ॥

வாக்³தே³வீ த்⁴ருதவல்லகீ ஶதமகோ² வேணும் த³த⁴த்பத்³மஜ-
-ஸ்தாலோந்நித்³ரகரோ ரமா ப⁴க³வதீ கே³யப்ரயோகா³ந்விதா ।
விஷ்ணு꞉ ஸாந்த்³ரம்ருத³ங்க³வாத³நபடுர்தே³வா꞉ ஸமந்தாத் ஸ்தி²தா꞉
ஸேவந்தே தமநு ப்ரதோ³ஷஸமயே தே³வம் ம்ருடா³நீபதிம் ॥ 5 ॥

க³ந்த⁴ர்வயக்ஷபதகோ³ரக³ஸித்³த⁴ஸாத்⁴யா
வித்³யாத⁴ராமரவராப்ஸரஸாம் க³ணாம்ஶ்ச ।
யே(அ)ந்யே த்ரிலோகநிலயா꞉ ஸஹபூ⁴தவர்கா³꞉
ப்ராப்தே ப்ரதோ³ஷஸமயே ஹரபார்ஶ்வஸம்ஸ்தா²꞉ ॥ 6 ॥

அத꞉ ப்ரதோ³ஷே ஶிவ ஏக ஏவ
பூஜ்யோ(அ)த² நாந்யே ஹரிபத்³மஜாத்³யா꞉ ।
தஸ்மிந்மஹேஶே விதி⁴நேஜ்யமாநே
ஸர்வே ப்ரஸீத³ந்தி ஸுராதி⁴நாதா²꞉ ॥ 7 ॥

ஏஷ தே தநய꞉ பூர்வஜந்மநி ப்³ராஹ்மணோத்தம꞉
ப்ரதிக்³ரஹைர்வயோ நிந்யே ந யஜ்ஞாத்³யை꞉ ஸுகர்மபி⁴꞉ ।
அதோ தா³ரித்³ர்யமாபந்ந꞉ புத்ரஸ்தே த்³விஜபா⁴மிநி
தத்³தோ³ஷபரிஹாரார்த²ம் ஶரணம் யாது ஶங்கரம் ॥ 8 ॥

இதி ஶ்ரீஸ்காந்த³புராணே ப்³ரஹ்மக²ண்டே³ த்ருதீயே ப்³ரஹ்மோத்தரக²ண்டே³ ஷஷ்டோ²(அ)த்⁴யாயே ஶாண்டி³ல்ய க்ருத ப்ரதோ³ஷஸ்தோத்ராஷ்டகம் ।

Found a Mistake or Error? Report it Now