|| શ્રી રામાનુજ સ્તોત્રમ્ ||
હે રામાનુજ હે યતિક્ષિતિપતે હે ભાષ્યકાર પ્રભો
હે લીલાનરવિગ્રહાનઘ વિભો હે કાન્તિમત્યાત્મજ .
હે શ્રીમન્ પ્રણતાર્તિનાશન કૃપામાત્રપ્રસન્નાર્ય ભો
હે વેદાન્તયુગપ્રવર્તક પરં જાનામિ ન ત્વાં વિના ..
હે હારીતકુલારવિન્દતરણે હે પુણ્યસઙ્કીર્તન
બ્રહ્મધ્યાનપર ત્રિદણ્ડધર હે ભૂતિદ્વયાધીશ્વર .
હે રઙ્ગેશનિયોજક ત્વરિત હે ગીશ્શોકસંહારક
સ્વામિન્ હે વરદામ્બુદાયક પરં જાનામિ ન ત્વાં વિના ..
હે શ્રીભૂતપુરીશ લક્ષ્મણમુને હે યાદવાપાદિતા-
પાર્થાર્થદ્રુમકૃન્તનોગ્રપરશો હે ભક્તમન્દારક .
હે બ્રહ્માસુરમોચનક્ષમ કૃપાકૂપાર હે સજ્જન-
પ્રેષ્ઠામોઘયતીન્દ્રદેશિક પરં જાનામિ ન ત્વાં વિના ..
હે પૂણાર્ય કૃપાપ્તસદ્દ્વયમનો માલાધરાનુગ્રહાત્
જ્ઞાતદ્રાવિડવેદતત્ત્વ સુમતે મન્નાથપૃથ્વીધર .
કાઞ્ચીપૂર્ણવરેણ્યશિષ્ય ભગવન્ હે કેશવસ્યાત્મજ
શ્રીપદ્મેશપદાબ્જષટ્પદપરં જાનામિ ન ત્વાં વિના ..
હે ગોપીજનમુક્તિદાનકર હે શાસ્ત્રાર્થતત્ત્વજ્ઞ હે
ગોષ્ઠીપૂર્ણકૃપાગૃહીતવિલસન્મન્ત્રાધિપાહસ્કર .
હેઽનન્તેષ્ટફલપ્રદાયક ગુરો હે વિઠ્ઠલેશાર્ચિત
હે બોધાયન સૂત્રસન્મત પરં જાનામિ ન ત્વાં વિના ..
હે ગોપાલક હે કૃપાજલનિધે હે સિન્ધુકન્યાપતે
હે કંસાન્તક હે ગજેન્દ્રકરુણાપારીણ હે માધવ .
હે રામાનુજ હે જગત્રયગુરો હે પુણ્ડરીકાક્ષ માં
હે ગોપીજનનાથ પાલય પરં જાનામિ ન ત્વાં વિના ..
હે રામ પુરુષોત્તમ નરહરે નારાયણ કેશવ
ગોવિન્દ ગરુડધ્વજ ગુણનિધે દામોદર માધવ .
હે કૃષ્ણ કમલાપતે યદુપતે સીતાપતે શ્રીપતે
હે વૈકુણ્ઠપતે ચરાચરપતે લક્ષ્મીપતે પાહિ મામ્ ..
ઇતિ શ્રીરામાનુજસ્તોત્રં સમ્પૂર્ણમ્ ..
Found a Mistake or Error? Report it Now
